ລິ້ງ ສຳຫລັບເຂົ້າຫາ

ທ່ານ Gates ຢ້ຽມຢາມ ປະເທດຍີ່ປຸ່ນ

  • ໄພສານ ວໍຣະຈັກ

ລັດຖະມົນຕີປ້ອງກັນປະເທດສະຫະລັດ ທ່ານ Robert Gates ຢືນດ້ວຍຄວາມສະຫງົບ ຫຼັງຈາກ ວາງພວງມາລາ ທີ່ອະນຸສາວະລີ ແຫ່ງນຶ່ງ ໃນພິທີຢູ່ກະຊວງປ້ອງກັນປະເທດຍີ່ປຸ່ນ ທີ່ກຸງໂຕກຽວ (13 ມັງກອນ 2011)

ລັດຖະມົນຕີກະຊວງປ້ອງກັນປະເທດສະຫະລັດກ່າວວ່າ
ເກົາຫຼີໃຕ້ມີສິດທີ່ຈະຕອບໂຕ້ ຕໍ່ການໂຈມຕີໃໝ່ ໃດໆກໍ
ຕາມຂອງເກົາຫລີເໜືອແຕ່ທ່ານກໍໄດ້ພະຍາຍາມໃຫ້ເປັນ
ທີ່ແນ່ໃຈວ່າການກະທຳດັງກ່າວແມ່ນບໍ່ມີຄວາມຈຳເປັນ.

ທ່ານ Robert Gates ໃຫ້ທັດສະນະດັ່ງກ່າວລຸນຫຼັງທີ່
ໄດ້ພົບປະກັບເຈົ້າໜ້າທີ່ຂັ້ນສູງຂອງຍີ່ປຸ່ນໃນວັນພະຫັດມື້
ນີ້ ຊຶ່ງເປັນບ່ອນຢຸດແວ່ບ່ອນທີ 2 ໃນການ ຢ້ຽມຢາມ 3
ປະເທດໃນເຂດເອເຊຍຂອງທ່ານ. ໃນວັນສຸກມື້ອື່ນນີ້ທ່ານ
ຈະເດີນ ທາງໄປຍັງກຸງໂຊລ.

ເມື່ອມີການຖາມວ່າສະຫະລັດຈະຄັດຄ້ານຕໍ່ການໂຈມຕີທາງອາກາດາຂອງເກົາຫຼີໃຕ້ຕໍ່ເກົາຫຼີ
ເໜືອຫຼືບໍ່ທ່ານ Gates ກ່າວວ່າທຸກໆປະເທດມີສິດທີ່ຈະປ້ອງກັນໂຕເອງຕໍ່ການໂຈມຕີແບບ ບໍ່ໄດ້ມີການທ້າທາຍເກາະຜິດ. ແຕ່ທ່ານເວົ້າວ່າຈຸດເພັ່ງເລັງໃນການເຈລະຈາຂອງທ່ານໃນສັບ ປະດານີ້ຢູ່ຈີນແລະຍີ່ປຸ່ນແມ່ນຫາທາງປ້ອງກັນບໍ່ໃຫ້ມີການທ້າທາຍເກາະຜິດເກີດຂຶ້ນ.

ສະຫະລັດໄດ້ຮຽກຮ້ອງໃຫ້ຍີ່ປຸ່ນ ເອົາບົດບາດຫຼາຍຂຶ້ນໃນການປ້ອງກັນເກົາຫຼີໃຕ້ນັບແຕ່ເກົາ ຫຼີເໜືອໄດ້ຍິງປືນໃຫຍ່ໂຈມຕີເກາະ Yeonpyeong ຂອງເກົາຫຼີໃຕ້ໃນເດືອນພະຈິກຜ່ານມາ. ລັດຖະມົນຕີກະຊວງປ້ອງກັນປະເທດຍີ່ປຸ່ນທ່ານ Toshimi Kitazawa ໄດ້ເດີນທາງໄປຢ້ຽມ ຢາມກຸງໂຊລໃນສັບປະດານີ້ ເພື່ອເຈລະຈາຫາລືກ່ຽວກັບຂໍ້ຕົກລົງຕ່າງໆ ໃນການຮ່ວມມືລະ ຫວ່າງກອງທັບຂອງປະເທດທັງສອງຊຶ່ງຈະເປັນຂໍ້ຕົກລົງຈຸທຳອິດລະຫວ່າງຍີ່ປຸ່ນແລະເກົາຫຼີໃຕ້ ນັບແຕ່ການປົກຄອງສະໄໝອານານິຄົມຂອງຍີ່ປຸ່ນ ສິ້ນສຸດລົງໃນປີ 1945.

XS
SM
MD
LG