ລິ້ງ ສຳຫລັບເຂົ້າຫາ

ການຫາລາຍໄດ້ຊ່ວຍສ້າງ ວັດລາວພຸດທະສາມະຄີທໍາ


ທ່ານ ຈອນ ຄໍາພູມີ ປະທານ ວັດລາວພຸດທະສາມະຄີ

ລາຍການຊີວິດຊາວລາວໃນຕ່າງແດນ ຂອງສັບປະດານີ້ ເຮົາຈະໄດ້ນໍາເອົາການສໍາພາດ ທ່ານ John Khamphoumy ປະທານ ວັດລາວພຸດທະສາມະຄີທໍາ ຈາກເມືອງ York Spring ລັດ Pennsylvania ພ້ອມດວ້ຍ ການສໍາພາດ ບັນດານັກສິນລະປິນ ລາວ ອາເມຣິກັນ ທີ່ມີຊື່ສຽງ ທີ່ໄດ້ມາຮ່ວມຊ່ວຍຫາລາຍໄດ້ສົມທົບທຶນສ້າງວັດ ຊຶ່ງ ກິ່ງສະຫວັນ ຈະໄດ້ນໍາເລື້ອງນີ້ມາສະເໜີທ່ານ ໂປຣດຕິດຕາມຮັບຟັງ

ສະຫະລັດ ອາ​ເມຣິກາ ​ຊ່ຶງເປັນ​ປະ​ເທດ​ທີ່​ເລີ້​ມ​ເກີດຂຶ້ນ ຈາກ​ຜູ້​ສະ​ແຫວ​ງຫາ​ອິດ​ສະລະ​ພາບ ​
ໃນການ​ນັບຖື​ບູຊາ ປັດສະຍາ ທີ່ເປັນຫລັກເຊື່ອຖື ອັນສັກສິດດັ່ງ ກ່າວນີ້ ໄດ້ບັນທຶກຢູ່ໃນ
ລັດຖະທໍາມະນູນ ຂອງ ສະຫະລັດ ທີ່ໄດ້ ແປງທາງໃຫ້ ບັນດາປະຊາກອນ ຜູ້ທີ່​ເຂົ້າ​ມາ​ຕັ້ງ​
ຖິ່ນ​ຖານນໍາຫລັງ ພາກັນໄດ້ ຮັບສິດ ເສຣີ ພາບ ​ໃນການ​ນັບຖືບູຊາສາສະໜາ​ຕ່າງໆຢ່າງ
ເທົ່າ​ທ່ຽມກັນ.

ເຖິງ​ແມ່ນ​ວ່າ ​ປະຊາກອນ​ລາວ ອາ​ເມຣິກັນ ​ໄດ້ເຂົ້າມາ​ຕັ້ງ​ຊີ​ວິດ​ຢູ່​ໃນ ສະຫະລັດ ອາ​ເມຣິກາ
ມາ​ເປັນ​ເວລາ​ຫຼາຍກວ່າ 3 ທົດ​ສະວັດແລ້ວ​ກໍ​ຕາມ ​ແຕ່ເຂົາ​ເຈົ້າກໍຍັງບໍ່​ໄດ້​ລົດ​ລະ​ສ້າງສາ ​
ວັດວາອາ​ຮາມ ​ໃຫ້​ເປັນ​ບ່ອນ ສັກກະ​ຣ​ະບູຊາ ພຣະພຸດ​ທະສາສະໜາ ​ແລະເພື່ອເປັນ​ສູນ​ກາງ​
ເຕົ້າ​ໂຮມ​ຂອງ ປະຊາ​ຄົມ​ລາວ ອາ​ເມ​ຮິ​ກັນ ​ໃນ​ທ້ອງ​ຖິ່ນຂອງ​ໃຜລາວ. “ວັດລາວພຸ​ທທະ​ສາມະ
ຄີ​ທັ​ມ” ​ແມ່ນ​ວັດນຶ່ງ ທີ່ກໍາລັງສ້າງຂື້ນໃໝ່ ຢູ່ລັດ Pennsylvania ​ແລະ​ກໍ​ແມ່ນນຶ່ງ ໃນຈໍານວນ
100 ກວ່າວັດຂອງ ປະຊາຄົມລາວ ອາ​ເມຣິກັນ ທີ່ຂະຫຍາຍ ອອກ​ໄປ ທົ່ວສະຫະລັດ.

ທ່ານ ຈອນ ຄໍາ​ພູ​ມີ ປະທານວັດລາວ ພຸທທະສາມະຄີທັມ ໄດ້ໃຫ້ການ ສໍາພາດແກ່ ວີໂອເອ
ກ່ຽວ​ກັບ​ກາ​ນສ້າງ​ວັດ​ດັ່ງກ່າວນີ້ວ່າ:

John Khamphoumy act:

ທ່ານ ສີລາວົງ ແກ້ວ ນັກຮ້ອງ ນັກປະພັນອະວຸໂສ ທີ່ດົງດັງ
ທ່ານ ສີລາວົງ ແກ້ວ ນັກຮ້ອງ ນັກປະພັນອະວຸໂສ ທີ່ດົງດັງ

ເພື່ອເປັນການຫາລາຍໄດ້ ສົມ​ທົບທຶນສ້າງວັດໃນຄັ້ງນີ້ ທ່ານກາຍຍະສິດ ສຸລິສັກ ຜູ້​ປະສານ​
ງານ ການ​ຫາ​ລາຍ​ໄດ້ ​ແລະເຈົ້າຂອງ “Marla Productions” ບໍລິສັດຜະລິດເພງລາວສະໄໝ
ໄດ້ນໍາພາບັນດ​ານັກດົນຕີ ແລະນັກຮ້ອງສາມຄະນະ​ ອາສາ​ສະມັກເຂົ້າ​ຮ່ວມ​ຫາລາຍ​ໄດ້ ຄື
ຄະນະ The Infinity, Complement of George ​ແລະ Les Cigales ​ປະກອບສ່ວນ
ສັບ​ປ່ຽນ ສ້າງບັນຍາ​ກາດ ຊຶ່ງ​ທ່ານ​ກາຍຍະສິດໄດ້ໃຫ້ການ​ສໍາພາດ ​ກັບ ວີ​ໂອ​ເອ ວ່າ:

Kayasith Soulisack act:

ນອກນັ້ນ​ກໍຍັງ​ມີນັກສີນລະປີນ ທີ່​ມີ​ຊື່​ສຽງ​ໃນ​ອ​ະດີດ ​ແລະ​ປັດ​ຈຸ​ບັນອີກ​ທ່ານ​ນຶ່ງຄື ທ່ານ
ສີ​ລາ​ວົງ ​ແກ້ວ ໄດ້​ເດີນ​ທາງ​ມາ​ຈາກ​ລັດ Illinoise ອາສາ​ສະມັກ​ເຂົ້າ​ມາ​ຮ່ວມ​ສ້າງ​ບູນກຸສົນ
​ໃນ​ຄໍ່າ​ຄືນ​ນັ້ນ​ນຳ. ກ່ອນ​ປີ 1975 ທ່ານ ສີ​ລາ​ວົງ ແມ່ນອະດີດ​ນັກ​ສຶກສາ​ກົດໝາຍ ນັກ
​ປະພັນ ​ແລະ​ນັກຮ້ອງທີ່​ມີ​ຊື່​ສຽງ ​ເພງ​ຂອງ​ທ່ານສີ​ລາ​ວົງ ຫລາຍໆ​ເພງຍັງ​ຝັງ​ຢູ່​ໃນຄວາມ
​ຊົງ​ຈໍາ​ຂອງ ບັນດາໜຸ່ມນ້ອຍ​ລາວ ​ໃນຕອນ​ທ້າ​ຍ ປີ 1960 ​ດັ່ງ​ຕົວຢ່າງເພງ ​“ເອື້ອຍ​ກໍ​ງາມ
ນ້ອງ​ກໍ​ງາມ ​ແລະ ລູກ​ນາຍ​ພັນ ຫລານ​ສາວ​ນາຍ​ພົນ ດັ່ງ​ນີ້​ເປັນ​ຕົ້ນ. ທ່ານ ສີ​ລາ​ວົງ ​ໄດ້​
ໂອ້​ລົມ​ເຖິງ​ຊີວິດ​ການ​ເປັນ​ຢູ່​ຂອງ​ທ່ານ​ຜ່ານ ວີ​ໂອ​ເອ ວ່າ:

Silavong Keo act:

ປະກອບ​ສ່ວນ​ຫາ​ລາຍ​ໄດ້ອີກ​ຄະນະ​ນຶ່ງ ​ກໍໄດ້​ແກ່ ຄະນະ Compliment George ​ຊຶ່ງເປັນ​
ວົງ​ດົນຕີ​ຜູ້ຍິງ. ປະກອບ​ຢູ່ໃນ​ນັ້ນ​ມີ ​ແມ່ນ​ມີສະ​ຕີລາວ ອາ​ເມ​ຣິກັນ​ນຶ່ງຄົນຊື່ວ່າ ມາລາ ສຸລິ​ສັກ.
ນາງ​ຫລີ້ນ guitar bass ​ແລະ​ກໍ​ເປັນ​ລູກ​ສາວ​ຂອງ​ ທ່ານກາຍຍະສິດ ສຸລິ​ສັກ. ​

ໃນ​ຄໍ່າ​ຄືນ​ວັນ​ນີ້ ມີ​ບັນດາ​ສະມາຊິກ​ປະຊາ​ຄົມ​ລາວ​ຫລາຍຣ້ອຍຄົນ ພ້ອມດ້ວຍ​ແຂກ​ຕ່າງ
ປະ​ເທດ​ເຂົ້າ​ຮ່ວມ​ສັງ​ສັນຢ່າງ​ມ່ວນ​ຊື່ນ​ລື້​ນ​ເລີງ. ​ແຕ່​ເປັນ​ທີ່ໜ້າ​ເສຍ​ໃຈ​ທີ່ເຮົາ​ບໍ່​ສາມາດ​ນໍາເອົາ​
ສຽງ​ເພງຂອງ ທ່ານ​ສີ​ລາ​ວົງ ​ແກ້ວ ມາສະ​ເໜີ​ທ່ານໄດ້​ເນື່ອງ​ຈາກ​ວ່າ ໃນ​ເວລາປະມານ
10:30 ​ແລງຄືນວັນ​ສຸກ ທີ່ 29 ມິຖຸນານັ້ນ ຂົງ​ເຂດ​ນະຄອນ ຫລວງ ວໍ​ຊິງ​ຕັນ ດີ.ຊີ ​ໄດ້​
ປະສົບ​ກັບ​ລົ​ມພາຍຸ​ຮ້າຍ​ແຮງແບບບໍ່​ເຄີຍ​ມີ​ມາ​ກ່ອນ ເຮັດ​ໃຫ້ຂົງ​ເຂ​ດ ຂອງ​ສາມ​ລັດຕິດ​ກັນ​ຄື
ນະ​ຄອນ​ຫລວງ ວໍຊິງ​ຕັນ ພາກ​ເໜືອ​ລັດ​ເວີ​ຈີ​ເນຍ ​ແລະ​ລັດ​ແມຣີ​ແລນ ຕ້ອງ​ໄດ້​ປະສົບ​ກັບ
ຕົ້ນ​ໄມ້ລົ້ມ ​ງ່າ​ໄມ້ຫັກ ​ໄຟຟ້າ​ມອດ ສ້າງ​ຄວາມເສຍ​ຫາຍ ​ແລະ​ຄວາມ​ຍາກ​ລໍາບາກຫລາຍ​ຢ່າງ
ໃຫ້ແກ່ປະຊາກອນ​ປະມານ ລ້ານ​ກວ່າ​ຄົນທີ່ບໍ່​ມີ​ພະລັງ​ໄຟ​ຟ້າໃຊ້ ພາຍ​ໃຕ້​ອາກາດ​ອັນ​ຮ້ອນ​ເອົ້າ
100 ອົງສາ​ເປັນ​ເວລາ​ເກືອບ ນຶ່ງ​ອາທິດ ຈ່ຶງ​ເປັນ​ອັນວ່າ​ງານ​ຫາ​ລາຍ​ໄດ້​ສຳລັບ​ການ​ສ້າງ​ວັດ
York Spring ລັດ Pennsylvania ໃນຄໍ່າ​ຄືນ​ວັນນັ້ນ​ໄດ້​ສິ້ນ​ສຸດ​ລົງ​ພຽງ​ເທົ້າ​ນັ້ນ.

XS
SM
MD
LG