ລິ້ງ ສຳຫລັບເຂົ້າຫາ

ຕຳຫຼວດຝຣັ່ງ ໄດ້ປ່ອຍໂຕ ເມຍແຍກທາງກັນ ຂອງຜູ້ຂັບລົດບັນທຸກ ໂຈມຕີ ໃນເມືອງນິສ


ພວກຄົນ ຢືນເປັນວົງກົມ ອ້ອມດອກໄມ້ ທີ່ວາງໄວ້ຢູ່ຕາມ
ຖະໜົນ ເພື່ອໄວ້ອາໄລ ເຖິງພວກເຄາະຮ້າຍ ຈາກການ
ໂຈມຕີດ້ວຍລົດບັນທຸກ ຢູ່ຕາມເສັ້ນທາງ Promenade
des Anglais ໃນວັນຊາດຝຣັ່ງ ຫຼື Bastille Day ທີ່ໄດ້ສັງຫານຫຼາຍຄົນ ແລະ ເຮັດໃຫ້ຫຼາຍຄົນບາດເຈັບ ໃນເມືອງນິສ, ວັນທີ 17 ກໍລະກົດ 2016. REUTERS/Pascal Rossignol - RTSIDUF

ພວກຄົນ ຢືນເປັນວົງກົມ ອ້ອມດອກໄມ້ ທີ່ວາງໄວ້ຢູ່ຕາມ ຖະໜົນ ເພື່ອໄວ້ອາໄລ ເຖິງພວກເຄາະຮ້າຍ ຈາກການ ໂຈມຕີດ້ວຍລົດບັນທຸກ ຢູ່ຕາມເສັ້ນທາງ Promenade des Anglais ໃນວັນຊາດຝຣັ່ງ ຫຼື Bastille Day ທີ່ໄດ້ສັງຫານຫຼາຍຄົນ ແລະ ເຮັດໃຫ້ຫຼາຍຄົນບາດເຈັບ ໃນເມືອງນິສ, ວັນທີ 17 ກໍລະກົດ 2016. REUTERS/Pascal Rossignol - RTSIDUF

ຕຳຫຼວດຝຣັ່ງ ໄດ້ປ່ອຍໂຕ ເມຍທີ່ບໍ່ໄດ້ຢູ່ນຳກັນແລ້ວ ຂອງຜູ້ຂັບລົດບັນທຸກ ທີ່ແລ່ນຢຽບ ຝູງຄົນ ທີ່ໄປຊົມງານສະຫຼອງວັນຊາດຂອງຝຣັ່ງ ຫຼື Bastille Day ເກືອບ 300 ຄົນ ຢູ່ທີ່ ສະຖານທີ່ຣີສອດ ຂອງເມືອງນິສ ແຕ່ເຈົ້າໜ້າທີ່ຕຳຫຼວດກໍຍັງສອບປາກຄຳ ອີກ 6ຄົນຢູ່ ເພື່ອໃຫ້ຮູ້ວ່າ ການໂຈມຕີນັ້ນ ເປັນການກະທຳໂດຍລຳພັງຫຼືບໍ່.

ແມ່ຍິງຄົນດັ່ງກ່າວ ເປັນແມ່ທີ່ໃຫ້ກຳເນີດລູກ 3 ຄົນຂອງ ຄົນຮ້າຍໂຈມຕີ ຄືທ້າວ Mohamed Lahouaiej Bouhlel ຊຶ່ງນາງໄດ້ຖືກຈັບກຸມເມື່ອວັນສຸກຜ່ານມາ. ນາງໄດ້ ຖືກຄວບຄຸມໂຕໄວ້ ເປັນເວລາຫຼາຍຊົ່ວໂມງ ຫຼັງຈາກທ້າວ Bouhlel ໄດ້ຂັບລົດບັນທຸກ ຕູ້ເຢັນ ຂະໜາດ 19 ໂຕນ ດ້ວຍຄວາມໄວ 90 ກິໂລແມັດຕໍ່ຊົວໂມງ ໄປຕາມເສັ້ນທາງ Promenade des Anglais ຢູ່ຊາຍຝັ່ງທະເລ Mediterranean ໂດຍແລ່ນຢຽບເອົາ ຜູ້ຄົນ ໄລຍະຫຼາຍກວ່າ 2 ກິໂລແມັດ ແລະ ໄດ້ສັງຫານ 84 ຄົນ.

ທະນາຍຄວາມຂອງນາງ ໄດ້ກ່າວຕໍ່ໂທລະພາບຝຣັ່ງ ວ່າ ນາງບໍ່ໄດ້ຕິດຕໍ່ກັບຜົວ ຂອງນາງ ອີກ ຫຼັງຈາກໄດ້ໄຫລ່ລາວອອກຈາກເຮືອນໄປ ໃນເວລາທີ່ລາວໄດ້ທຳຮ້າຍຮ່າງກາຍນາງ.

ບັນດາເຈົ້າໜ້າທີ່ ເຊື່ອວ່າ ທ້າວ Bouhlel ໄດ້ສົ່ງຂໍ້ຄວາມໄປຫາ ຜູ້ໃດຜູ້ໜຶ່ງ ພຽງ 18 ນາທີ ກ່ອນໜ້າ ທີ່ຈະເລີ່ມຕົ້ນ ທຳການໂຈມຕີດ້ວຍລົດບັນທຸກດັ່ງກ່າວ ໂດຍມີຂໍ້ຄວາມວ່າ “ເອົາ ອາວຸດມາໃຫ້ຕື່ມ ເອົາມາ 5 ອັນ ໄປໃຫ້ C” ເຖິງແມ່ນວ່າ ມັນບໍ່ຈະແຈ້ງເທື່ອວ່າ ໂຕອັກ ສອນ C ນັ້ນ ແມ່ນໝາຍເຖິງຫຍັງກັນແທ້.

ລວມຢູ່ໃນ ຈຳນວນ 6 ຄົນທີ່ຍັງຢູ່ໃນການຄວບຄຸມຕົວນັ້ນ ແມ່ນມີຜູ້ຊາຍຄົນໜຶ່ງ ແລະ ແມ່ຍິງຄົນໜຶ່ງ ເຖິງແມ່ນວ່າ ເປັນຜູ້ທີ່ໄດ້ຮັບຂໍ້ຄວາມດັ່ງກ່າວ ທັງສອງຄົນນີ້ ໄດ້ຖືກຈັບກຸມ ໃນວັນອາທິດວານນີ້.

ເມືອງຝຣັ່ງທີ່ພວມເສົ້າສະຫລົດໃຈ ໄດ້ໄວ້ອາໄລເປັນມື້ທີສອງ ຂອງການໄວ້ທຸກທົ່ວ ປະເທດ ເປັນເວລາ 3 ມື້ ໃຫ້ແກ່ຜູ້ທີ່ເສຍຊີວິດ ລວມທັງ ເດັກນ້ອຍ 10 ຄົນ ແລະ ອີກຫຼາຍ ກວ່າ 200 ຄົນໄດ້ຮັບບາດເຈັບ ໃນການໂຈມຕີ. ທາງການຝຣັ່ງ ໄດ້ກ່າວວ່າ 85 ຄົນ ແມ່ນ ຍັງຮັບການຮັກສາປິ່ນປົວຢູ່ທີ່ໂຮງໝໍ ໂດຍມີ 18 ຄົນໃນນັ້ນ ຢູ່ໃນອາການສາຫັດ.

ກຸ່ມກໍ່ການຮ້າຍລັດອິສລາມ ໄດ້ອ້າງເອົາຄວາມຮັບຜິດຊອບ ສຳລັບການໂຈມຕີ ດ້ວຍລົດ ບັນທຸກ ເມື່ອວັນພະຫັດ ຢູ່ໃນຖະແຫລງການສະບັບໜຶ່ງ ທີ່ໄດ້ຖືກພິມລົງໃນສື່ຂອງກຸ່ມ ດັ່ງກ່າວ ໂດຍຮ້ອງຜູ້ໂຈມຕີ ວ່າ ເປັນ “ນາຍທະຫານ.”

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG