ລິ້ງ ສຳຫລັບເຂົ້າຫາ

ປະທານາທິບໍດີ ກາບົງ ຄັດຄ້ານ ຂໍ້ສະເໜີ ການນັບຄະແນນສຽງຄືນ ຂອງ EU


ປະຊາຊົນເຕົ້າໂຮມກັນຢູ່ນອກສານ Palais de Justice ໃນເມືອງ Libreville. 5 ກັນຍາ, 2016, ເພື່ອລໍຖ້າຟັງຂ່າວ ກ່ຽວກັບ ພີ່ນ້ອງຂອງພວກເຂົາເຈົ້າ ຜູ້ທີ່ຖືກຈັບຫຼັງຈາກການກໍ່ຈະລາຈົນ ຫຼັງການເລືອກຕັ້ງ ເຊິ່ງມີ 3 ຄົນເສຍຊີວິດ ແລະ 105 ຄົນໄດ້ຮັບບາດເຈັບ.

ປະຊາຊົນເຕົ້າໂຮມກັນຢູ່ນອກສານ Palais de Justice ໃນເມືອງ Libreville. 5 ກັນຍາ, 2016, ເພື່ອລໍຖ້າຟັງຂ່າວ ກ່ຽວກັບ ພີ່ນ້ອງຂອງພວກເຂົາເຈົ້າ ຜູ້ທີ່ຖືກຈັບຫຼັງຈາກການກໍ່ຈະລາຈົນ ຫຼັງການເລືອກຕັ້ງ ເຊິ່ງມີ 3 ຄົນເສຍຊີວິດ ແລະ 105 ຄົນໄດ້ຮັບບາດເຈັບ.

ປະທານາທິບໍດີ ປະເທດ ກາບົງ ທ່ານ Ali Bongo ຜູ້ທີ່ໄດ້ຖືກກ່າວຫາໂດຍບັນດານັກການ ເມືອງຝ່າຍກົງການຂ້າມ ກ່ຽວກັບ ການສໍ້ໂກງ ຄະແນນສຽງ, ໄດ້ຢືນຢັນການຮຽກຮ້ອງ ຕ່າງໆໃນວັນພຸດມື້ນີ້ ສຳລັບການນັບຄະແນນສຽງຄືນ​ໃໝ່ໃນການເລືອກຕັ້ງປະທານາທິບໍ ດີ, ໂດຍກ່າວວ່າ ທ່ານບໍ່ມີອຳນາດທີ່ຈະອອກຄຳສັ່ງ.

ບັນດາຜູ້ສັງເກດການ ສະຫະພາບ ຢູໂຣບຫຼື EU ໃນ ກາບົງ ໄດ້ກ່າວວ່າ ມັນໄດ້ມີ “ຄວາມ ຜິດປົກກະຕິຢ່າງເຫັນໄດ້ຊັດ” ກ່ຽວ​ກັບ​ຜົນການເລືອກຕັ້ງ ທີ່ໄດ້ສະແດງໃຫ້ເຫັນວ່າ ທ່ານ ບົງໂກ ໄດ້ເອົາຊະນະຂູ່ແຂ່ງຂັນທ່ານ Jean Ping ຢ່າງຫວຸດຫວິດ.

ຜູ້ສັງເກດການ EU ທີ່ປະຕິບັດພາລະກິດໃນ ກາບົງ ​ໄດ້​ຕັ້ງຄຳ​ຖາມ ກ່ຽວ​ກັບ ​ຜົນ​ການ​ນັບ ຄະແນນຈາກຕອນເໜືອຂອງແຂວງ Ogooue, ເຊິ່ງເປັນຖານທີ່ໝັ້ນຂອງທ່ານ Bongo ບ່ອນທີ່ ປະທານາທິບໍດີ ຜູ້ທີ່ດຳລົງຕຳແໜ່ງຢູ່​ໃນ​ເວລາ​ນີ້ ໄດ້ຊະນະຢ່າງເປັນທາງການ ດ້ວຍຄະແນນ 95 ເປີເຊັນຂອງຄະແນນສຽງທັງ​ໝົດ ຖ່າມກາງຜູ້ທີ່ໄດ້ອອກມາລົງຄະແນນ ສຽງ 99 ເປີເຊັນ. ຝ່າຍກົງກັນຂ້າມໄດ້ກ່າວວ່າ ການນັບຄະແນນສຽງໃນແຂວງດັ່ງກ່າວ ແມ່ນ ສູງຜິດປົກກະຕິ.

ປະທານາທິບໍດີ ກາບົງ ທ່ານ Ali Bongo ກ່າວຄຳປາໄສຕໍ່ບັນດານັກຂ່າວທີ່ ສວນອຸດທະຍານແຫ່ງ ຊາດ ໄນໂຣບີ, ໃກ້ກັບນະຄອນຫຼວງ ໄນໂຣບີ, ເຄັນຢາ. 30 ເມສາ 2016.

ປະທານາທິບໍດີ ກາບົງ ທ່ານ Ali Bongo ກ່າວຄຳປາໄສຕໍ່ບັນດານັກຂ່າວທີ່ ສວນອຸດທະຍານແຫ່ງ ຊາດ ໄນໂຣບີ, ໃກ້ກັບນະຄອນຫຼວງ ໄນໂຣບີ, ເຄັນຢາ. 30 ເມສາ 2016.

ໃນຖະແຫຼງການສະບັບໜຶ່ງ​ເມື່ອວັນອັງຄານວານນີ້, ຄະນະທູດ EU ໄດ້ເນັ້ນວ່າ ຈຳນວນ ຜູ້ອອກມາລົງຄະແນນສຽງ ແມ່ນຕ່ຳກວ່ານັ້ນຢ່າງຫຼວງຫຼາຍໃນ 8 ແຂວງອື່ນໆຂອງ ກາບົງ, ສະເລ່ຍແລ້ວແມ່ນປະມານ 48 ເປີເຊັນໃນທົ່ວປະເທດເທົ່ານັ້ນ.

ພວກເຂົາເຈົ້າໄດ້ກ່າວວ່າ “ໃນການວິເຄາະຕົວເລກຂອງຜູ້ທີ່ບໍ່ໄດ້ລົງຄະແນນສຽງ ແລະ ບັດຄະແນນເປົ່າ ແລະ ບັດເສຍ ໄດ້ເປີດເຜີຍຄວາມຜິດປົກກະຕິຢ່າງຊັດເຈນຂອງຜົນ ການ​ນັບ​ຄະແນນສຽງ​ຂັ້ນສຸດທ້າຍ ທີ່​ຕອນເໜືອຂອງແຂວງ Ogooue. ຄວາມຖືກຕ້ອງ ຂອງຜົນຄະແນນຊົ່ວຄາວໃນແຂວງນີ້ ແມ່ນມີຄຸນນະພາບທີ່ຕ່ຳ.”

ຫົວໜ້າຄະນະທູດ EU ໄດ້ກ່າວຢ້ຳ​ເຖິງການຮຽກຮ້ອງ​ໃຫ້ບັນເຈົ້າໜ້າທີ່ ກາບົງ ເປີດເຜີຍ ຜົນການ​ນັບຄະແນນຈາກທຸກໆໜ່ວຍເລືອກຕັ້ງໃນທົ່ວປະເທດ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG