ລິ້ງ ສຳຫລັບເຂົ້າຫາ

ຈີນ ຈະບໍ່ຕໍ່ອາຍຸ ບັດສື່ມວນຊົນ ໃຫ້ແກ່ ນັກຂ່າວຝຣັ່ງ ນາງ Ursula Gauthier


ນັກຂ່າວຝຣັ່ງ ນາງ Ursula Gauthier

ນັກຂ່າວຝຣັ່ງ ນາງ Ursula Gauthier

ຈີນ​ໃຫ້ການ​ຢືນຢັນ​ ກ່ຽວ​ກັບ​ການ​ຕັດສິນ​ໃຈ​ຂອງ​ຕົນທີ່​ຈະ​ບໍ່​ຕໍ່
​ອາຍຸ ​ໃບ​ອະນຸຍາດສື່​ມວນ​ຊົນ ໃຫ້​ແກ່​ນັກ​ຂ່າວ​ຝຣັ່ງ ທີ່​ປັກ​ກິ່ງ​
ກ່າວ​ຫາ​ວ່າ ​ໃຫ້ການ​ສະໜັບສະໜຸນ​ແກ່ພວກ​ກໍ່​ການ​ຮ້າຍ ຊຶ່ງ​
ໝາຍ​ຄວາມ​ວ່າ​ ນາງ​ຕ້ອງ​ໄດ້​ອອກ​ເດີນທາງ​ໄປ​ຈາກ​ຈີນພາຍ​
ໃນທ້າຍ​ປີນີ້.

ກະຊວງ​ການ​ຕ່າງປະ​ເທດ​ຈີນ​ ກ່າວ​ໃນ​ວັນ​ເສົາ​ມື້ນີ້ວ່າ ນາງ
Ursula Gauthier ຜູ້​ສື່​ຂ່າວ​ປະຈຳ​ປັກ​ກິ່ງ​ ຂອງ​ວາລະສານ
L’Obs ບໍ່​ເໝາະສົມ​ທີ່​ຈະ​ໄດ້​ຮັບ​ອະນຸຍາດໃຫ້​ເຮັດວຽກ​ຕໍ່​ໄປ
ຢູ່​ໃນ​ຈີນ​. ກະຊວງການ​ຕ່າງປະ​ເທດ​ຈີນ​ກ່າວ​ວ່າຈີນ​ຈະ​ບໍ່​ໃຫ້
ການ​ສະໜັບສະໜຸນ​ຕໍ່​ອິດສະຫຼະພາບ​ໃນ​ການໃຫ້​ຄວາມ​ສຳ
ຄັນ​ຕໍ່ການຍົກຍ້ອງ​ການກໍ່​ການ​ຮ້າຍເດັດຂາດ.

ຈີນ​ໄດ້​ທວງ​ໃຫ້​ນາງ Gauthier ຖອນ​ລາຍ​ງານ​ເລື້ອງນຶ່ງ​ຖ້າ​ນາງ​ມີ​ຄວາມ​ປະສົງຢາກ​ຈະ
​ຢູ່​ໃນ​ປະ​ເທດ​ຈີນ​ຕໍ່​ໄປ. ນາງ​ກ່າວ​ວ່າ ນາງ​ພ້ອມ​ແລ້ວ​ທີ່​ຈະ​ເດີນທາງອອກ​ຈາກ​ຈີນ.

​ໃນ​ເດືອນ​ແລ້ວນີ້ ນາງ Gauthier ​ໄດ້​ພິມ​ລາຍ​ງານ​ທີ່​ສະ​ເໜີ​ແນະ​ວ່າ​ຈີນ​ໄດ້​ໃຊ້ການ​ໂຈມ​
ຕີ​ຂອງ​ພວກ​ກໍ່​ການ​ຮ້າຍຢູ່​ປາຣີ​ເມື່ອ​ບໍ່​ດົນ​ມານີ້​ ​ອ້າງເປັນເຫດຜົນ​ກ່ຽວກັບການ​ປາບ​ປາມ
​ພວກ​ມຸສລິ​ມວີ​ເກີ້ ໃນ​ພາກ​ຕາ​ເວັນ​ຕົກ​ສຽງ​ເໜືອ​ຂອງ​ຈີນ​ນັ້ນວ່າ​ ຍຸຕິທຳ.

​ເຈົ້າໜ້າ​ທີ່​ຈີນ​ເວົ້າວ່າ ບົດ​ຂຽນ​ດັ່ງກ່າວໃສ່​ຮ້າຍ​ປ້າຍ​ສີ​ ນະ​ໂຍບາຍ​ຂອງ​ລັດຖະບານ​ແລະ​
ສື່​ມວນ​ຊົນ​ຂອງ​ທາງ​ການ​ຈີນ​ຫລາຍໆ​ສະບັບ​ທີ່​ໄດ້​ພິມ​ເຜີຍ​ແຜ່​ບົດ​ບັນນາ​ທິການ​ປະນາມ​
ບົດ​ຂຽນ​ນີ້.

XS
SM
MD
LG