ຫລັງຈາກ ໄດ້ຮັບຄວາມຍາກລຳບາກ ມາຫລາຍປີ ຍ້ອນເສດຖະ
ກິດຕົກຕໍ່າ ແລະເງິນເຟີ້ ເພື່ອຊື້ສິ່ງຈຳເປັນເຊັນວ່າ ອາຫານ ແມ່ນ
ແຕ່ຊາວປາກິສຖານຊົນຊັ້ນກາງ ກໍພາກັນມີຄວາມຮູ້ສຶກ ກ່ຽວກັບ
ຄວາມຝືດເຄືອງດ້ານເສດຖະກິດ. ໃນຂະນະ ທີ່ເດືອນສັກສິດຖື
ສິນອົດ Ramadan ເລີ້ມຂຶ້ນຢູ່ໃນປາກິສຖານຫລາຍຄົນພາກັນ
ສວຍໂອກາດກິນອາຫານແລງ iftar ຟຣີ ທີ່ອຸປະຖຳໂດຍບັນດາ
ອົງການກຸສົນ ແລະບຸກຄົນທີ່ຮັ່ງມີ.
ຢູ່ໃນຄຸ້ມບ້ານທີ່ມີລາຍໄດ້ຕໍ່າຂອງນະຄອນຫຼວງປາກິສຖານ
ອາຫານແລງ iftar ຟຣີ ໄດ້ຈັດໄວ້ໃຫ້ແກ່ຜູ້ຄົນທີ່ລໍາບາກຍາກເຂັນ
ຕະຫຼອດເດືອນສັກສິດ Ramadan.
ບັນດາຜູ້ຈັດຕັ້ງກ່າວວ່າ ໄພເງິນເຟີ້ທີ່ທະວີຄວາມຮ້າຍແຮງຂຶ້ນ ໄດ້ພາໃຫ້ຜູ້ຄົນຫລາຍຂຶ້ນ
ນັບມື້ ໃນແຕ່ລະປີ ພາກັນກິນອາຫານຢູ່ບ່ອນຈັດອາຫານໃຫ້ກິນຟຣີ. ທ່ານ Mohammad
Amir ເຮັດວຽກຢູ່ຮ້ານຕັດຫຍິບ.
ທ່ານກ່າວວ່າ ທ່ານໄດ້ທ້ອນຫອມເງິນໄດ້ຢ່າງດີ ໂດຍການກິນອາຫານຟຣີ ຢູ່ທີ່ນີ້ ເພາະວ່າ
ລາຍໄດ້ຂອງລາວບໍ່ພຽງພໍຊື້ອາຫານ ແກ່ຄອບຄົວຂອງລາວທັງໝົດ.
ລາວກ່າວວ່າ ລາວມາທີ່ນີ້ເພື່ອກິນ ຫຼັງຈາກການອົດອາຫານ ໃນດ້ານສ່ວນໂຕແລ້ວ ມັນ
ເປັນການລະອາຍ ທີ່ມານັ່ງຢູ່ບ່ອນເປີດເຜີຍ ແລະລໍຖ້າກິນອາຫານເພື່ອການກຸສົນ.
ທ້າວ Asad Ullah ເຮັດວຽກເປັນນາຍຍາມ ແລະມາກິນອາຫານຟຣີ ທຸກໆວັນໃນເດືອນ
Ramadan. ລາວຫວັງວ່າ ເງິນທີ່ລາວທ້ອນຫອມໄວ້ນັ້ນ ຈະຊ່ວຍໃຫ້ລາວຊື້ເຄຶ່ອງນຸ່ງຫົ່ມ
ໃໝ່ ໃຫ້ແກ່ພວກລູກໆຂອງລາວ.
ລາວກ່າວວ່າ ເງິນເດືອນຂອງລາວພຽງແຕ່ປະມານ 10,000 ຣູປີຫລື 100 ໂດ ລາຕໍ່ເດືອນ.
ລາວກ່າວວ່າ ກິນອາຫານຟຣີຄາບນຶ່ງ ລາວສາມາດທ້ອນເງິນໄວ້ໄດ້ 25 ເປີເຊັນຂອງລາຍ
ໄດ້ລາວ ແລະຊ່ວຍຄອບຄົວຂອງລາວໃນທ້າຍເດືອນ ເພື່ອໃຊ້ຈ່າຍໃນສິ່ງຈຳເປັນບາງຢ່າງ.
ຜູ້ຈັດຕັ້ງ ທ່ານ Abdul Razak Bhatti ກ່າວວ່າ ພໍ່ຄ້າຊາວຂາຍທ້ອງຖິ່ນ ແລະຜູ້ຮັ່ງມີ ພາ
ກັນໃຫ້ທຶນສະໜັບສະໜຸນຕໍ່ການປະຕິບັດງານການກຸສົນຢ່າງງຽບໆ. ທ່ານກ່າວວ່າ ທ່ານ
ໄດ້ເລີ້ມແຈກອາຫານຟຣີ ໃນລະຫວ່າງເດືອນສັກ ສິດ Ramadan ເມື່ອຫ້າປີກ່ອນ ຍ້ອນ
ຄວາມສັດທາທາງດ້ານສາສະໜາຂອງ ທ່ານ. ແຕ່ທ່ານກ່າວວ່າ ບັດນີ້ໄດ້ເຮັດເປັນປະຈຳ
ໃນແຕ່ລະວັນ ຕະຫລອດປີ.
