ໃນຂະນະທີ່ປະທານາທິບໍດີຝຣັ່ງ ທ່ານ Francois Hollande
ເປັນປະທານຈັດພິທີໄວ້ອາໄລສະແດງຄວາມເສົ້າສະຫລົດໃຈ
ໃຫ້ແກ່ພວກເຄາະຮ້າຍ ທີ່ຫໍພິພິດທະພັນທະຫານ Invalides
ຢູ່ໃນນະຄອນຫລວງປາຣີນັ້ນ ທ່ານ Christophe Huguet ກໍ
ປີນຂຶ້ນຂັ້ນໄດຢູ່ນອກບາຂອງທ່ານເພື່ອຫ້ອຍທຸງຊາດທີ່ມີສາມ
ສີຂອງຝຣັ່ງເພື່ອໄວ້ອາໄລໃຫ້ແກ່ຜູ້ເສຍຊີວິດ 130 ຄົນໃນການ
ໂຈມຕີຢູ່ປາຣີເດືອນນີ້.
ໃນທັນໃດ ພວກເຮົາກໍຖາມໂຕເອງວ່າ ການເປັນຄົນຝຣັ່ງ ເພື່ອ
ອາໄສຢູ່ໃນປະເທດຝຣັ່ງ ມັນເປັນສິ່ງທີ່ພວກເຮົາໄດ້ເຮັດໃນທຸກ
ມື້ໂດຍບໍ່ຕ້ອງມີຄຳຖາມໃດໆ. ທ່ານ Huguet ໄດ້ກ່າວລຸນຫລັງ
ລົງມາຈາກຂັ້ນໄດແລ້ວເພື່ອຕອບຄຳຖາມກ່ຽວກັບວ່າ ມັນໝາຍຄວາມວ່າແນວໃດໃນເປັນ
ຄົນຝຣັ່ງຫລັງຈາກເກີດເຫດການສັງຫານແບບນອງເລືອດນັ້ນແລ້ວ.
ການທີ່ຈະຮູ້ສຶກວ່າພວກເຮົາແມ່ນໃຜໃນລັກສະນະແບບມື້ນີ້ມັນບໍ່ເປັນຈັ່ງໂຊກແຕ່ ທ່ານກໍ
ກ່າວຕື່ມວ່າ ມັນຊິເປັນຫຍັງໄປລະ.
ປະຊາຊົນຊາວຝຣັ່ງຢູ່ໃນທົ່ວປະເທດ ໄດ້ພາກັນໄວ້ອາໄລໃຫ້ແກ່ພວກເຄາະຮ້າຍ ໃນການ
ໂຈມຕີເມື່ອວັນທີ 13 ພະຈິກ ໂດຍພາກັນສະແດງອອກ ເຊິ່ງຄວາມຮັກຊາດແບບທີ່ບໍ່ຄ່ອຍ
ໄດ້ເຫັນກັນຄືພາກັນສະໜອງຕອບຕໍ່ຄຳຮຽກຮ້ອງຂອງລັດຖະບານໃຫ້ປັກຫຼືຫ້ອຍທຸງຊາດ
ໃສ່ປະຕູປ່ອງຢ້ຽມ ແລະກໍຖ່າຍຮູບໄວ້. ຄວາມຕ້ອງການດັ່ງກ່າວ ເຮັດໃຫ້ທຸງຊາດຂາດຕະ
ຫລາດຢ່າງໄວວາແລະດ້ວຍຄວາມຊົງຈຳທີ່ຍັງເຫລືອຢູ່ກ່ຽວກັບລັດຖະບານວີຊີນັ້ນ ຈຶ່ງໄດ້
ກໍ່ໃຫ້ເກີດເປັນບັນຫາໂຕ້ແຍ້ງສຳລັບບາງກຸ່ມ.
ທີ່ນະຄອນຫລວງປາຣີ ປະຊາຊົນແລະພວກນັກທ່ອງທ່ຽວໄດ້ໄປເຕົ້າໂຮມກັນຢູ່ທີ່ບ່ອນໄວ້
ອາໄລຊົ່ວຄາວ ໃຫ້ແກ່ພວກເຄາະຮ້າຍ ເກືອບ 500 ຄົນ ຮວມທັງພວກທີ່ໄດ້ຮັບບາດເຈັບ ຫຼາຍກວ່າ 350 ຄົນໃນການໂຈມຕີດ້ວຍປືນແລະລະເບີດ ທີ່ມີຂຶ້ນເກືອບວ່າພ້ອມໆກັນ ທີ່
ກຸ່ມລັດອິສລາມໄດ້ອ້າງເອົາຄວາມຮັບຜິດຊອບນັ້ນ.
