ລິ້ງ ສຳຫລັບເຂົ້າຫາ

ຝຣັ່ງປ່ອນບັດເອົາ ປະທານາທິບໍດີ ໃນການເລືອກຕັ້ງຮອບທີນຶ່ງ

  • ສິງ ບູຣົມມະວົງ

ປະທານາທິບໍດີ Nicolas Sarkozy ແລະພັນລະຍາ ທ່ານນາງ Carla
Bruni ອອກຈາກໜ່ວຍປ່ອນບັດ ຫຼັງຈາກປ່ອນບັດເລືອກຕັ້ງປະທານາ ທິບໍດີ ຮອບທີນຶ່ງໃນວັນອາທິດມື້ນີ້.
ວັນທີ22 ເມສາ 2012

ປະທານາທິບໍດີ Nicolas Sarkozy ແລະພັນລະຍາ ທ່ານນາງ Carla Bruni ອອກຈາກໜ່ວຍປ່ອນບັດ ຫຼັງຈາກປ່ອນບັດເລືອກຕັ້ງປະທານາ ທິບໍດີ ຮອບທີນຶ່ງໃນວັນອາທິດມື້ນີ້. ວັນທີ22 ເມສາ 2012




















ປະທານາທິບໍດີ​ຝຣັ່ງທ່ານ Sarkozy ພ້ອມ​ດ້ວຍ​ພັນ​ລະ​ຍາ ທ່ານ​ນາງ Carla Bruni
ໄດ້​ອອກ​ໄປປ່ອນ​ບັດ​ໃນ​ວັນ​ອາທິດ​ມື້​ນີ້​ ໃນ​ການ​ເລືອກຕັ້ງ​ປະທານາທິບໍດີ​ຮອບ​ທີ​ນຶ່ງ
ຂອງຝຣັ່ງ.

ທ່ານ Francois Hollande ຄູ່​ແຂ່ງ​ຄົນ​ສໍາຄັນ​ຂອງ​ທ່ານ Sarkozyສັງກັດ​ພັກ​ສັງຄົມ
ນິຍົມ ກໍ​ໄດ້ອອກ​ໄປ​ປ່ອນ​ບັດ ​ໃນ​ເຊົ້າ​ມື້​ນີ້​ເຊ່ນ​ກັນ.

ການ​ສໍາ​ຫຼວດຫາງ​ສຽງ​ປະຊາຊົນກ່ອນວັນ​ເລືອກ​ຕັ້ງ​ ສະ​ແດງ​ໃຫ້​ເຫັນ​ວ່າ ທ່ານ Sar
kozy ມີ​ຄະ​ແນນສຽງ​ລ້າ​ຫຼັງ​ທ່ານ Hollande ຫລາຍຄະ​ແນນ.

ພວກ​ສໍາ​ຫຼວດຫາງ​ສຽງ​ປະຊາຊົນ​ກ່າວ​ວ່າ ​ທ່ານ Marine Le Pen ຫົວ​ນິຍົມ​ຂວາ
ຈັດ ​ແລະ​ທ່ານ Jean-Luc Melenchon ຫົວ​ນິຍົມຊ້າຍ​ຈັດ ຄາດ​ວ່າ​ຈະ​ໄດ້​ຮັບ​ສຽງ
ສະໜັບສະໜຸນ​ມາ​ໃນ​ອັນ​ດັບ3 ​ແລ​ະ4 ຕາມ​ລໍາດັບ.

ການ​ປ່ອນ​ບັດ​ເລືອກ​ຕັ້ງ​ໃນ​ວັນ​ອາທິດ​ມື້​ນີ້ ຈະ​ຕັດ​ຈໍານວນ​ຜູ້​ສະມັກ​ແຂ່ງຂັນ​ຈາກ
10 ຄົນ​ ລົງ​ມາ​ເປັນ 2 ​ແລະ​ຄາດ​ວ່າ ທ່ານ Sarkozy ​ແລະ​ ທ່ານ Hollande ຈະ​
ແຂ່ງຂັນ​ກັນໃນ​ການ​ເລືອກ​ຕັ້ງຮອບທີ​ສອງ ໃນ​ວັນ​ທີ 6 ພຶດສະພາ ​ເດືອນ​ໜ້າ​ນີ້​ ຊຶ່ງ​
ຈະຕັດສິນຊີ້​ຂາດ​ວ່າ​ຜູ​ໃດ​ຈະ​ດໍາລົງ​ຕໍາ​ແໜ່​ງປະທານາທິບໍດີ​ຄົນຕໍ່​ໄປຂອງຝຣັ່ງ.

ກົດໝາຍ​ຂອງຝຣັ່ງ ຫ້າມ​ສື່​ມວນ​ຊົນ​ປະກາດ​ຜົນ​ຂອງ​ການ​ເລືອກ​ຕັ້ງ​ໃຫ້​ຮູ້ລ່ວງ​ໜ້າ
ຫຼື​ໃຫ້​ຮູ້​ເປັນ​ບາງສ່ວນ ກ່ອນ​ໜ່ວຍ​ປ່ອນ​ບັດ​ເລືອກ​ຕັ້ງ​ທັງ​ໝົດອັດ​ລົງໃນ​ແລງ​ວັນ​ອາ
ທິດ​ມື້​ນີ້ຕາມ​ເວລາ​ໃນ​ທ້ອງ​ຖິ່ນ.

XS
SM
MD
LG