ລິ້ງ ສຳຫລັບເຂົ້າຫາ

ລະເບີດທີ່ແຕກ ໃນອາບູຈາ ເຊື່ອມໂຍງ ໃສ່ ພວກວາງລະເບີດ ສະລະຊີບ ຊາຍ ແລະ ຍິງ


ພະນັກງານ ໜ່ວຍເກັບກູ້ລະເບີດ ຂອງຕຳຫຼວດ ໄດ້ເກັບກຳເອົາ ສິ່ງຂອງຕ່າງໆ ຢູ່ທີ່ຈຸດເກີດເຫດ ໃນເມືອງ Nyanya ຢູ່ນອກນະຄອນຫຼວງ ອາບູຈາ ຂອງໄນຈີເຣຍ ເພື່ອນຳໄປວິເຄາະ, ວັນທີ 3 ຕຸລາ 2015.

ພະນັກງານ ໜ່ວຍເກັບກູ້ລະເບີດ ຂອງຕຳຫຼວດ ໄດ້ເກັບກຳເອົາ ສິ່ງຂອງຕ່າງໆ ຢູ່ທີ່ຈຸດເກີດເຫດ ໃນເມືອງ Nyanya ຢູ່ນອກນະຄອນຫຼວງ ອາບູຈາ ຂອງໄນຈີເຣຍ ເພື່ອນຳໄປວິເຄາະ, ວັນທີ 3 ຕຸລາ 2015.

ຕຳຫຼວດ​ໄນ​ຈີ​ເຣຍ ​ແລະ ບັນດາ​ຜູ້​ເຫັນ​ເຫດການ ​ໄດ້​ເຊື່ອມ​ໂຍງ
​ການ​ລະ​ເບີດ​ທີ່​ແຕກ​ຂຶ້ນ 2 ​ເທື່ອ ໃນຕອນ​ກາງຄືນວັນ​ສຸກ​ຜ່ານ​ມາ
ຢູ່​ນອກ​ນະຄອນ ອາ​ບູຈາ ​ໃສ່​ກັນ ​ລະຫວ່າງຜູ້ວາງ​ລະ​ເບີດ​ສະລະ
​ຊີບ ທີ່​ເປັນ​ຜູ້ຊາຍ ​ກັບ​ແມ່ຍິງ. ​ລະ​ເບີດທີ່​ແຕກຂຶ້ນ​ຢູ່​ໃນ​ເມືອງ
Nyanya ​ແລະ Kuje ​ໄດ້​ສັງຫານ​ຢ່າງ​ໜ້ອຍ 18 ຄົນ ​ແລະ ອີກ
ປະມານ​ 40 ຄົນ ​ໄດ້​ຮັບ​ບາດ​ເຈັບ.

ໜັງສືພິມ Vanguard ຂອງ​ໄນ​ຈີ​ເຣຍ ​ໄດ້​ອ້າງ​ເຖິງ​ຄຳ​ເວົ້າ ຂອງ​
ບັນດາ​ຜູ້​ເຫັນ​ເຫດການ ທີ່​ເວົ້າວ່າ ຄວາມ​ຮຸນ​ແຮງ​ໄດ້​ລະ​ເບີດ​ຂຶ້ນ
​ໃນ​ເວລາ ຍິງສາວ ອາຍຸ 15 ປີ ​ໄດ້​ມຸ້ງ​ໜ້າເຂົ້າ​ໄປ ສະຖານີ​ຕຳຫຼວດ
​ໃນ​ເມືອງ Kuje ຫຼັງຈາກ​ເດີນທາງ​ໄປ​ເຖິງຈຸດໝາຍ ດ້ວຍລົດຈັກ
ຕັກ​ຊີ້. ຜູ້​ວາງລະ​ເບີດ​ສະລະ​ຊີບຄົນ​ນັ້ນ ເສຍ​ຊີວິດ ​ໃນ​ເມື່ອ​ລະ​ເບີດ​ຂອງ​ນາງ​ໄດ້​ແຕກ​ຂຶ້ນ
ກ່ອນ​ກຳນົດ.

ບົດ​ລາຍ​ງານ​ກ່າວ​ອີກ​ວ່າ ຜູ້​ວາງລະ​ເບີດ​ສະລະຊີບ ຄົນ​ທີ​ສອງ ທີ່ເປັນ​ຜູ້​ຊາຍ ​ໄດ້​ເດີນທາງ
ໄປ​ເຖິງ​ຕະຫຼາດ Zamfara ຢູ່​ໃກ້​ໆ ບໍລິ​ເວນ ອີກ​ບໍ່​ດົນຕໍ່​ມາ​ ໃນ​ຂະນະ​ທີ່​ຖື​ຖົງ​ໜ່ວຍ​ນຶ່ງ ຊຶ່ງ
ຜູ້ກ່ຽວ​ໄດ້​ນຳ​ໄປ​ວາງ​ໄວ້​ຢູ່​ໃກ້ໆ ​ຮ້ານຄ້າຂາຍ​ແຫ່ງ​ນຶ່ງ ຫຼັງຈາກນັ້ນບຶດ​ດຽວ ຖົງ​ກໍໄດ້ແຕກ​ຂຶ້ນ.
ຜູ້​ເຫັນ​ເຫ​ດການ​ຄົນ​ນຶ່ງ ​ເວົ້າວ່າ ມີຜູ້ຍິງ​ຖືພາ​ ​ແລະ ​ເດັກນ້ອຍ​ຄົນ​ນຶ່ງ ​ແມ່ນ​ລວມຢູ່​ໃນ
ຈຳນວນ​ຜູ້​ທີ່​ເສຍ​ຊີວິດ.

ບໍ່​ມີ​ກຸ່ມ​ໃດ​ໄດ້​ອອກ​ມາ​ອ້າງ​ເອົາ​ຄວາມ​ຮັບ​ຜິດ​ຊອບ ​ແຕ່ບັນດາ​ເຈົ້າໜ້າ​ທີ່ ​ໄດ້​ເຊື່ອມ​ໂຍງ​
ການ​ໂຈມ​ຕີ​ທັງ​ສອງ​ຄັ້ງດັ່ງກ່າວ ​ໃສ່​ກຸ່ມ​ຫົວ​ຮຸນ​ແຮງ​ຈັດ Boko Haram ຢູ່​ພາຍ​ໃນ​ປະ​ເທດ.

ການ​ໂຈມ​ຕີຄັ້ງຫຼ້າສຸດ​ນີ້ ​ເກີດ​ຂຶ້ນນຶ່ງ​ມື້ ຫຼັງຈາກ​ຜູ້​ວາງລະ​ເບີດ ສະລະຊີບ ສີ່​ຄົນ​ໄດ້ ລະ​ເບີດ
​ຕົວ​ເອງ​ຕາຍ ​ໃນ​ເມືອງ Maiduguri ທີ່​ໄດ້​ສັງຫານ​ຢ່າງ​ໜ້ອຍ 14 ຄົນ ​ແລະ ອີກປະ​ມາດ 40 ຄົນບາດ​ເຈັບ.

XS
SM
MD
LG