ລິ້ງ ສຳຫລັບເຂົ້າຫາ

ຢູເຄຣນ ກັບ ຣັດເຊຍ ກ່າວຫາ ກັນແລະກັນ ກ່ຽວກັບການໂຈມຕີ ດ່ານຊາຍແດນ (ສະໄລດ໌)


ຊາວບ້ານທ້ອງຖິ່ນຄົນນຶ່ງ ຊ່ອງເບິ່ງລົດ ທີ່ຖືກທຳລາຍ ໃນການໂຈມຕີ ດ່ານກວດແຫ່ງນຶ່ງ ທີ່ຄວບຄຸມໂດຍ ຝ່າຍນິຍົມຣັດເຊຍ ໃນໝູ່ບ້ານ Bulbasika ໃກ້ໆເມືອງ Slovyansk ພາກຕາເວັນອອກຂອງຢູເຄຣນ, ວັນອາທິດ ທີ 20 ເມສາ 2014.
ລາຍ​ງານ​ຂ່າວ ​ຈາກ​ພາກ​ຕາ​ເວັນ​ອອກ​ຂອງ​ຢູ​ເຄຣນ ກ່າວວ່າ
ພວກ​ມື​ປືນ​ຈຸ​ນຶ່ງ​ໄດ້​ທຳ​ການ​ໂຈມ​ຕີ​ດ່ານ​ກວດກາ​ແຫ່ງ​ນຶ່ງ​ ທີ່
​ຄວບ​ຄຸມ​ໂດຍພວກ​ຫົວ​ແບາງ​ແຍກ​ດິນ​ແດນ​ນິຍົມຣັດ​ເຊຍ ​
ເຮັດ​ໃຫ້​ປະຊາຊົນ ​ຢ່າງ​ໜ້ອຍ 4 ຄົນ​ ເສຍ​ຊີວິດ.

ການ​ໂຈມ​ຕີ​ໃນ​ເຊົ້າ​ວັນ​ອາທິດ​ມື້​ນີ້ ຢູ່​ໃກ້ໆ​ກັບ​ເມືອງ Slav-
yansk ບໍ່​ສາມາດ​ຢືນຢັນ​ໄດ້​ໃນ​ເວລາ​ນີ້​ເທື່ອ ​ຈາກ​ກະຊວງ​
ພາຍ​ໃນ​ຂອງ​ຢູ​ເຄຣນ. ​ເມືອງ Slavyansk ​ແມ່ນຢູ່​ພາຍ
​ໃຕ້​ການ​ຄວບ​ຄຸມ ​ຂອງ​ພວກ​ຫົວ​ຮຸນ​ແຮງ​ນິຍົມຣັດ​ເຊຍ.

ການໂຈມ​ຕີ​ດັ່ງ​ກ່າວ​ມີ​ຂຶ້ນ ​ໃນ​ເວລາພຽງ​ບໍ່​ເທົ່າ​ໃດ​ຊົ່ວ​ໂມງ ຫຼັງ​ຈາກ​ລັດຖະບານ​ຢູ​ເຄຣນ
ປະກາດ​ຢຸດ​ພັກຊົ່ວ​ຄາວ​ການ​ປະຕິບັດ​ງານ​ດ້ານ​ຄວາມ​ປອດ​ໄພ​ ເພື່ອ​ຂັບ​ໄລ່​ພວກ​ນັກ
​ຕໍ່ສູ້​ຫົວ​ຮຸນ​ແຮງ​ນິຍົມຣັດ​ເຊຍ​ ອອກ​ຈາກ​ພວກ​ອາຄານ​ຕ່າງໆ​ ທີ່ພວກເຂົາ​ໄດ້​ຍຶດ​ເອົາ​ ​
ເມື່ອຫລາຍໆ​ມື້ຜ່ານ​ມາ​ນີ້.

ທ່ານ Andrii Deshchytsia ລັດຖະມົນຕີ​ຕ່າງປະ​ເທດ​ຢູ​ເຄຣນ ກ່າວ​ວ່າ ​ການ​ຢຸດພັກ
ຊົ່ວຄາວ​ໃນ​ການ​ປະຕິບັດ​ງານດັ່ງກ່າວ ແມ່ນ​ເພື່ອ​ອຳ ນວຍ​ໃຫ້​ມີ​ການ​ສະຫລອງ​ບຸນ
​ອີສ​ເຕີ ​ແລະ​ອຳນວຍ​ໂອກາດ​ໃຫ້​ ພວກ​ນັກ​ສັງ​ເກດ​ການ​ສະຫະພາບຢູໂຣບ ມີ​ເວລາ​
ຫລາຍ​ຂຶ້ນ ​ເພື່ອ​ກະກຽມ​ສຳ​ຫລັບ​ພາລະກິດ​ພິ​ເສດ ທີ່​ມີ​ວັດຖຸ​ປະສົງ​ເພື່ອ​ລົດຜ່ອນ
ຄວາມ​ເຄັ່ງ​ຕຶງ​ລົງ​ ໃນ​ພາກ​ຕາ​ເວັນ​ອອກ​ຂອງ​ຢູ​ເຄຣນນັ້ນ.

ຜູ້​ສື່​ຂ່າວ​ວີ​ໂອ​ເອທີ່​ນະຄອນ Kiev ກ່າວ​ວ່າ ທ່ານ Deshchytsia ໄດ້​ຖະ​ແຫລງ​ດັ່ງ
ກ່າວ​ ​ຫຼັງ​ຈາກ​ເສັດ​ສິ້ນ​ການ​ພົບ​ປະກັນ​ກັບ ​ອົງການ​ເພື່ອ​ຄວາມ​ປອດ​ໄພ​ ແລະ​ການ​
ຮ່ວມ​ມື​ໃນ​ຢູ​ໂຣບ ​ແລະ​ພວກ​ເອກ​ອັກຄະ​ລັດຖະທູດ ​ຈາກຣັດ​ເຊຍ ສະຫະລັດ​ ແລະ
​ສະຫະພາບ​ຢູ​ໂຣບ.

ພາບລຳດັບເຫດການ ໃນຢູເຄຣນ:
Error rendering storify.
XS
SM
MD
LG