ລິ້ງ ສຳຫລັບເຂົ້າຫາ

4 ປະເທດ ໃນຢູໂຣບ ຢາກຂໍຊື້ ແກສທຳມະຊາດ ຈາກສະຫະລັດ (ວີດີໂອ)


ແມ່ຍິງຄົນນຶ່ງ ຍ່າງກາຍເຄື່ອງວັດແທກແກສ ທີ່ເມືອງ Chisinau, ປະເທດ Moldova ທີ່ຊື້ແກສຈາກຣັດເຊຍຄືກັນ, ວັນທີ 16 ມັງກອນ 2009 ຊຶ່ງຣັດເຊຍໄດ້ຕັດການສົ່ງແກສ ຜ່ານຢູເຄຣນ.
4 ປະ​ເທດ​ໃນ​ພາກ​ກາງ​ຢູ​ໂຣບ ຮຽກຮ້ອງ​ໃຫ້​ສະຫະ​ລັດ ເຮັດ​
ໃຫ້​ງ່າຍ​ຂຶ້ນ​ສຳລັບ​ພວກ​ເຂົາ​ເຈົ້າ ​ໃນ​ການ​ສັ່ງ​ຊື້​ແກ​ສທຳ​ມະ
ຊາດ ຈາກ​ສະຫະລັດ ​ເພື່ອ​ວ່າ​ພວກ​ເຂົ​າເຈົ້າ​ຈະ​ສາມາດ ​
ຫຼຸດ​ຜ່ອນ​ການ​ອາ​ໄສ​ແກສດັ່ງກ່າວ​ນີ້ ຈາກຣັດ​ເຊຍ​ໄດ້​ນັ້ນ.

ບັນ​ເອກ​ອັກຄະ​ລັດຖະທູດ ຈາກ​ ສາທາລະນະ​ລັດ Czech,
ຮັງ​ກາຣີ, Poland ​ແລະ Slovakia ​ໄດ້ຂໍ​ຮ້ອງຢູ່​ໃນ​ຈົດໝາຍ​
ສະບັບ​ນຶ່ງ ທີ່​ສົ່ງ​ເຖິງທ່ານ John Boehner ປະທານ​ສະພາ​
ຕຳ່ສະຫະລັດ ​ແລະ​ສັງກັດ​ພັກ Republican.

ພວກ​ເອກ​ອັກຄະ​ລັດຖະທູດ​ດັ່ງກ່າວ ຂຽນ​ວ່າ ​ປະຊາຊົນ​ໃນ
​ພາກ​ກາງ ​ແລະ​ພາກ​ຕາ​ເວັນ​ອອກ​ຂອງ​ຢູ​ໂຣບ​ ​ແມ່ນ​ຈະ​ຍິນ​ດີ​ເປັນ​ຢ່າງ​ຍິ່ງ ນຳແກ​ສທຳ​ມະ
​ຊາດ​ຂອງ​ສະຫະລັດ ຊຶ່ງຈະ​ເປັນຜົນ​ປະ​ໂຫຍ​ດອັນສຳຄັນຂອງ​ສະຫະລັດ ​ໃນ​ພາກພື້ນ
ແຫ່ງນັ້ນ.

ບັນຫາ​ຂັດ​ແຍ້​ງກັນ​ມາ​ກ່ອນ ກ່ຽວ​ກັບ​ການ​ໃຊ້​ຈ່າຍຄ່າ​ແກ​ສ ລະຫວ່າງຣັດ​ເຊຍ​ ແລະ​
ຢູ​ເຄຣນ ​ໄດ້​ເປັນສາ​ເຫດເຮັດ​ໃຫ້ຣັດ​ເຊຍ ຕັດ​ການ​ສົ່ງ​ແກ​ສ. ພວກ​ທໍ່​ລຳລຽງ​ແກ​ສດັ່ງ
ກ່າວ​ ​ໄປ​ຍັງຢູ​ເຄຣນ ຍັງ​ສົ່ງ​ຕໍ່ໄປ​ຍັງ​ພາກ​ຕາ​ເວັນ​ອອກ​ຂອງ​ຢູ​ໂຣບນຳ ຊຶ່​ງ​ໄດ້​ສ້າງ​ການ​
ຂາດ​ແຄນ ແກ​ສທຳ​ມະ​ຊາດ​ຢູ່​ທີ່​ນັ້ນ.

​ໃນ​ວັນ​ສຸກ​ແລ້ວ​ນີ້ ຣັດ​ເຊຍ​ໄດ້​ເຕືອນ​ລັດຖະບານ​ຮັກສາ​ການ​ຂອງ​ຢູ​ເຄຣນ ກ່ຽວ​ກັບ
ຄວາມ​ເປັນ​ໄປ​ໄດ້​ທີ່​ຈະ​ມີ​ການ​ອັດ​ທໍ່​ລຳລຽງ ຍ້ອນ​ວ່າ​ຢູ​ເຄຣນ​ບໍ່​ໄດ້​ຈ່າຍ​ຄ່າ​ແກ​ສ.

ທ່ານ Boehner ກ່າວ​ໃນ​ວັນ​ເສົາ​ວານ​ນີ້​ວ່າ ທ່ານ​ຫວັງ​ວ່າ ປະທານາທິບໍດີ ບາຣັກ ​
ໂອ​ບາ​ມາ ຈະ​ສັ່ງ​ໃຫ້​ລັດຖະມົນຕີ​ແຮງ​ງານ​ຂອງ​ສະຫະລັດ ຮັບ​ຜ່ານ​ການ​ສົ່ງ​ອອກ
ແກ​ສທຳ​ມະ​ຊາດ​ນີ້​ໂດຍ​ທັນທີ ຕາມ​ຄຳຮ້ອງ​ຂໍ​ມາ​ຈາກ​ປະ​ເທດ​ເພື່ອນ​ມິດ​ຂອງ​ອາເມ
ຣິກາ​ໃນ​ຢູ​ໂຣບ ​ແລະ​ຈາກ​ທົ່ວ​ໂລກ ​ເພື່ອ​ວ່າ​ໂລກຈະ​ສາມາດຫຼຸດ​ຜ່ອນ​ການ​ອາ​ໄສ ​
ແກ​ສຈາກຣັດ​ເຊຍລົງໄດ້.ທຳນຽບຂາວ ກ່າວ​ວ່າ ລະດູ​ໜາວ​ໃນ​ຢູ​ໂຣບ ທີ່​ບໍ່​ໜາວ
​ປານ​ໃດ ​ໄດ້​ເຮັດ​ໃຫ້​ມີ​ສະບຽງ​ແກ​ສຫຼາຍ​ກວ່າ​ ປະລິມານ​ທີ່​ມີ​ຕາມ​ທຳ​ມະ​ດາ ແລະ​
ວ່າ ການ​ສົ່ງ​ອອກ​ໃໝ່ນັ້ນ ​ເບິ່ງ​ຄື​ວ່າ​ຈະ​ບໍ່ໄປ​ຮອດ​ຢູ​ໂຣບ ຈົນກ່ວາທ້າຍ​ປີ 2015.

ວີດີໂອ: ບັນຫາລະຫວ່າງ ຣັດເຊຍກັບຢູເຄຣນ ພາໃຫ້ມີຄວາມວິຕົກ ກ່ຽວກັບ
ການຂາດແຄນແກສ ໃນຢູໂຣບ ຍ້ອນທໍ່ລໍ່ ລຽງຈາກຮັເຊຍ ແລ່ນຜ່ານຢູເຄຣນ
:

XS
SM
MD
LG