ອະດີດປະທານາທິບໍດີ ອາຟຣິກາໃຕ້ ທ່ານ Nelson Mandela ໄດ້ເຂົ້າໂຮງພະຍາບານ
ທີ່ນະຄອນ Johannesburg ໂດຍໄດ້ຮັບຄຳແນະນຳ ຈາກບັນດາທ່ານໝໍປະຈໍາຕົວຂອງ
ທ່ານ.
ປະທານາທິບໍດີ Jacob Zuma ໄດ້ຖະແຫລງໃນວັນເສົານີ້ວ່າ ທ່ານ Mandela “ໄດ້ຈົ່ມ
ເຈັບທ້ອງມາເປັນເວລາດົນນານແລ້ວ ແລະບັນດາທ່ານໝໍມີຄວາມຮູ້ສຶກວ່າ ມັນມີຄວາມ
ຈໍາເປັນທີ່ຕ້ອງພົບກັບທ່ານໝໍທີ່ຊ່ຽວຊານໂດຍສະເພາະ.”
ທ່ານ Zuma ໄດ້ກ່າວຕາງໜ້າປະຊາຊົນອາຟຣິກາໃຕ້ວ່າ ຂໍໃຫ້ທ່ານຈົ່ງຫາຍເຊົາ ພ້ອມ
ທັງຂໍຮ້ອງໃຫ້ສາທາລະນະຊົນຈົ່ງໃຫ້ກຽດນັບຖືເລື້ອງສ່ວນຕົວຂອງທ່ານ Mandela ແລະ
ຄອບຄົວ.
ທ່ານ Mandela ອາຍຸ 93 ປີ ຜູ້ທີ່ໄດ້ຮັບລາງວັນໂນແບລຂະແໜງສັນຕິພາບໃນປີ 1993
ບໍ່ໄດ້ປະກົດຕົວຕໍ່ທີ່ສາທາລະນະ ໃນໄລຍະສອງສາມເດືອນຜ່ານມານີ້ເນື່ອງຈາກວ່າມີສຸກຂະ
ພາບອ່ອນເພຍ.
ທ່ານ Nelson Mandela ໄດ້ເປັນປະທານາທິບໍດີຄົນຜີວດໍາຂອງອາຟຣິກາໃຕ້ຜູ້ທໍາອິດ
ໃນປີ 1994 ຊຶ່ງເຮັດໃຫ້ການປົກຄອງຂອງຄົນຜີວຂາວ ທີ່ຮ້ອງວ່າ ການແບ່ງແຍກເຊື້ອ
ຊາດຜີວພັນຫລື Apartheid ສິ້ນສຸດລົງ.