ລິ້ງ ສຳຫລັບເຂົ້າຫາ

ທ່ານນາງ Nancy Reagan ຖືກຈົດຈຳ ດ້ວຍສຽງຫົວ ແລະ ນ້ຳຕາ​


ຫີບສົບຂອງທ່ານນາງ Nancy Reagan ສົ່ງໄປເຖິງ ບ່ອນຈັດພິທີ ສົ່ງສະການ ທີ່ຫ້ອງສະໝຸດ ປະທານາທິບໍດີ
Ronald Reagan ທີ່ເມືອງ Simi Valley ລັດຄາລີຟໍເນຍ ເມື່ອວັນທີ 11 ມີນາ 2016.

ຫີບສົບຂອງທ່ານນາງ Nancy Reagan ສົ່ງໄປເຖິງ ບ່ອນຈັດພິທີ ສົ່ງສະການ ທີ່ຫ້ອງສະໝຸດ ປະທານາທິບໍດີ Ronald Reagan ທີ່ເມືອງ Simi Valley ລັດຄາລີຟໍເນຍ ເມື່ອວັນທີ 11 ມີນາ 2016.

ອະດີດ​ສະຕີ​ໝາຍ​ເລກ​ນຶ່ງ ມື້ລາງ​ທ່ານ​ນາງ Nancy Reagan ​
ໄດ້​ຖືກ​ຈົດ​ຈຳດ້ວຍ​ສຽງ​ຫົວ​ແລະ​ນ້ຳຕາ​ ​ໂດຍ​ພວກ​ໄວ້​ທຸກ​ທີ່​ໄດ້​
ຖືກ​ຮັບ​ເຊີນ ​ຢ່າງ​ໜ້ອຍ 1,000 ຄົນ ​ໃຫ້ໄປຮ່ວມ ໃນ​ພິທີ​ສົ່ງສະ
ການ​ໃຫ້​ແກ່​ທ່ານ​ນາງ ຢູ່​ທີ່​ຫ້ອງ​ສະມຸດ Ronald Reagan ທີ່​
ເມືອງ Simi Valley.

ທ່ານ​ນາງ Nancy Reagan ມີ​ອາຍຸ 94 ປີເວລາ​ທ່ານ​ນາງ​ເຖິງ​
ແກ່ອະສັນ​ຍະກຳ​ ຍ້ອນ​ຫົວ​ໃຈ​ລົ້ມ​ແຫຼວ ຢູ່ທີ່​ເມືອງ Bel Air ​ໃນ
​ລັດ​ຄາ​ລີ​ຟໍ​ເນຍເມື່ອ​ວັນ​ອາທິດ ​ແລ້ວນີ້.

ສະຕີ​ໝາຍ​ເລກ​ນຶ່ງ ​ຄົນ​ປັດຈຸບັນ ທ່ານ​ນາງ Michelle Obama ​
ໄດ້​ຕາງໜ້າ​ໃຫ້ທຳນຽບຂາວ​ໄປ​ຮ່ວມ​ພິທີ​ສົ່ງສະການ​ໃນ​ວັນ​ສຸກ​ວານ​ນີ້. ປະທານາທິບໍດີ​ບາ​
ຣັກ ​ໂອ​ບາ​ມາ ກ່າວ​ໃນ​ຄຳ​ປາ​ໄສ ປະຈຳ​ສັບປະດາ​ຂອງ​ທ່ານ ​ໃນ​ວັນ​ເສົາ​ມື້ນີ້ວ່າ ​ໃນ​ຖານະ​
ທີ່​ເປັນ​ປະທານາທິບໍດີ ຂ້າພະ​ເຈົ້າຮູ້​ດີ​ວ່າ ​ມັນ​ມີ​ຄວາມ​ສຳຄັນ​ສ່ຳ​ໃດໃນ​ການມີ​ຄູ່​ຮ່ວມ​ຊີວິດ ​
ທີ່​ເຂັ້ມ​ແຂງ ​ແລະ​ປະ ທານາທິບໍດີ Reagan ​ແມ່ນ​ໂຊກ​ດີ ​ຄື​ກັນ​ກັບຂ້າພະ​ເຈົ້າ.

ຈາກຊ້າຍຫາຂວາ: ສະຕີີໝາຍເລກນຶ່ງ Michelle Obama ອະດີດປະທານາທິບໍດີ George W. Bush ແລະທ່ານນາງ Laura Bush ອອກຈາກພິທີສົ່ງສະການ ໃຫ້ແກ່ມື້ລາງ ສະຕີໝາຍເລກນຶ່ງ Nancy Reagan ທີ່ຫ້ອງສະໝຸດ ປະທານາທິບໍດີ Ronald Reagan ຢູ່ເມືອງ Simi Valley ລັດ California, ເມື່ອວັນທີ 11 ມີນາ 2016.

ຈາກຊ້າຍຫາຂວາ: ສະຕີີໝາຍເລກນຶ່ງ Michelle Obama ອະດີດປະທານາທິບໍດີ George W. Bush ແລະທ່ານນາງ Laura Bush ອອກຈາກພິທີສົ່ງສະການ ໃຫ້ແກ່ມື້ລາງ ສະຕີໝາຍເລກນຶ່ງ Nancy Reagan ທີ່ຫ້ອງສະໝຸດ ປະທານາທິບໍດີ Ronald Reagan ຢູ່ເມືອງ Simi Valley ລັດ California, ເມື່ອວັນທີ 11 ມີນາ 2016.

ບັນດາ​ເພື່ອນ​ຝູງ ຂອງ​ຄອບຄົວ Reagan ທີ່​ມີ​ບັນຊີ​ລາຍ​ຊື່​ອັນ​ຍາວ​ຢຽດນັບ​ຕັ້ງ​ແຕ່​ສະມາ
ຊິກ​ນິຍົມແນວ​ທາງ​ເດີມ​ຂອງ​ພັກ​ຣີພັບ​ບລີກັນ​ຕະຫລອດ​ເຖິງ​ສະມາຊິກ​ພັກ​ເດ​ໂມ​ແຄ​ຣັດທີ່​
ນິຍົມ​ຊ້າຍຕ່າງ​ກໍ​ໄດ້​ໄປ​ຮ່ວມ​ພິທີ​ສົ່ງ​ສະການດັ່ງກ່າວ.

ພວກ​ແຂກ​ທີ່​ໄປ​ຮ່ວມ​ ແມ່ນຮວມທັງ​ ບັນດາສະມາຊິກ​ໃນ​ຄອບຄົວ ທີ່​ເຄີຍ​ຢູ່​ທຳນຽບຂາວ
ຢ້ອນ​ຫຼັງ​ໄປ​ເກືອບ 60 ປີ​ ຮວມທັງທ່ານ​ນາງ Caroline Kennedy ທ່ານ Steven Ford
ອະດີດ​ປະທານາທິບໍດີ George W. Bush ​ແລະ​ບັນດາ​ອະດີດ​ສະຕີ​ໝາຍ​ເລກ​ນຶ່ງ ທ່ານ​
ນາງ Hillary Clinton ທ່ານ​ນາງ Laura Bush ​ແລະທ່ານ​ນາງ Rosalyn Carter.

ດາລາ​ນັກສະ​ແດງ Tom Selleck, Bo Derek ​ແລະ​ນັກ​ຮ້ອງ Johnny Mathis ​ແລະ
Wayne Newton ​ແມ່ນ​ຮວມຢູ່​ໃນ​ພວກ​ດາລາ​ຮອນ​ລີ​ວູດ​ແຖວ​ໜ້າທີ່ໄປຮ່ວມໃນພິທີດັ່ງ
ກ່າວ.

ທ່ານ​ນາງ Nancy Reagan ​ໄດ້​ຖືກ​ຈົດ​ຈຳ​ໃນ​ຖານະ​ທີ່​ເປັນ​ແມ່ຍິງເຂັ້ມ​ແຂງ​ແລະ​ໃນ​ບາງ​
ຄັ້ງບາງ​ຄາວ​ກໍດື້ແຕ່​ກໍ​ເປັນ​ບຸກຄົນ​ທີ່​ໄດ້​ອຸທິດ​ຕົນ​ຮ້ອຍ​ເປີ​ເຊັນ​ໃຫ້​ແກ່ມື້ລາງ​ສາມີ​ຂອງ​ທ່ານ
​ນາງ ປະທານາທິບໍດີ Ronald Reagan.

XS
SM
MD
LG