ລັດຖະບານໃນມຽນມາ ກໍາລັງດໍາເນີນບາດກ້າວເພື່ອຫລຸດຜ່ອນ ການຄວບຄຸມສື່ມວນຊົນ
ແລະສິນລະປະລົງ. ນັກສິນລະປິນທີ່ຂະໜານນາມໂຕເອງວ່າ ດາໂຄ ຊີ (Darko C) ເວົ້າວ່າ
ລາວດີໃຈຕໍ່ການເຄື່ອນໄຫວແບບນັ້ນ ແຕ່ກໍບໍ່ແນ່ໃຈວ່າ ຂອບເຂດຈໍາກັດອັນໃໝ່ຈະແມ່ນແນວ
ໃດກັນແທ້.
ທ້າວດາໂຄ ຊີ ເວົ້າວ່າ “ເອີ້, ຄິດວ່າມັນກໍຈະຕ້ອງໃຊ້ເວລາດົນຢູ່ ກ່ວາຈະມີການປ່ຽນແປງ
ຢ່າງແທ້ຈິງ. ສິ່ງທີ່ພວກເພິ່ນເຮັດກໍຄືວ່າ ຫລຸດລະບຽບຈໍາກັດລົງໜ້ອຍນຶ່ງ, ແຕ່ວ່າ ກໍຍັງ
ມີກົດລະບຽບແບບບໍ່ຖືກຕ້ອງ ກ່ຽວກັບການຄອຍສິ້ງຊອມກວດກາ ບາງຢ່າງຄ້າງຄາຢູ່.”
ກະຊວງຖະແຫລງຂ່າວຂອງມຽນມາ ກວດກາເນື້ອຮ້ອງຂອງເພງຕ່າງໆ. ໃນອະດີດ ພວກເຈົ້າໜ້າທີ່ໄດ້ເກືອດຫ້າມເພງກ່ຽວກັບການເມືອງ, ການກິນເຫລົ້າ ຫລືການກອດຈູບກັນ.
ທ້າວ ດາໂຄ ຊີ ເວົ້າວ່າ ຂັ້ນຕອນການເກືອດຫ້າມນັ້ນ ແມ່ນບໍ່ແນ່ນອນ. ລາວໃຫ້ຄໍາເຫັນວ່າ:
ດາໂຄ ຊີໃຫ້ເວົ້າວ່າ: “ເວົ້າແທ້ໆແລ້ວ, ຂ້ອຍຄິດວ່າ ມັນຂຶ້ນກັບອາລົມຂອງພວກເພິ່ນ.
ພວກເພິ່ນແຕ່ລະຄົນ ກໍມີອຸບປະນິໃສສ່ວນຕົວຂອງໃຜລາວ ແມ່ນບໍ່? ມີຫລາຍຄົນ
ຕ່າງກັນທີ່ເຮັດວຽກນີ້ ສະນັ້ນ ມັນຂຶ້ນກັບວ່າ ແມ່ນໃຜເປັນຜູ້ກວດກາເນື້ອຮ້ອງຂອງ
ເພງເຮົາ. ຈັ່ງຊັ້ນແລ້ວ ເຮົາກໍໄດ້ແຕ່ພາວະນາຕໍ່ພະພຸດທະເຈົ້າ ຂໍໃຫ້ເພິ່ນຄຸ້ມຄອງປົກ
ປ້ອງ ບໍ່ໃຫ້ພວກກວດກາ ທໍາລາຍເນື້ອຮ້ອງເພງຂອງເຮົາ.”
ທ້າວດາໂຄ ຊີ ເວົ້າວ່າວົງດົນຕີ
ຣັອກຂອງລາວບໍ່ມີເປົ້າໝາຍ
ແນໃສ່ທາງການເມືອງ ແຕ່ລາວ
ເວົ້າວ່າ ກຸ່ມຂອງລາວກໍຍັງຢາກ
ທົດສອບພວກຜູ້ຟັງເພງຂອງເຂົາ
ເຈົ້າຢູ່. ລາວກ່າວຕໍ່ໄປວ່າ:
ທ້າວດາໂຄ ຊີເວົ້າວ່າ “ການທົດ
ສອບ ຫລືຜັກດັນຂອບເຂດຈໍາ
ກັດອອກໄປແມ່ນດີ. ຂ້ອຍໝາຍ
ຄວາມວ່າ ບໍ່ພຽງແຕ່ທົດສອບ
ລັດຖະບານ ຫລືເຈົ້າໜ້າທີ່ ໃນ
ເລື່ອງການຫລຸດຂອບເຂດຈໍາ
ກັດເທົ່ານັ້ນ ແຕ່ຂ້ອຍໝາຍຄວາມ
ເຖິງການທົດສອບຄວາມເຊື່ອຖື
ແລະຄວາມຄິດຂອງຄົນນໍາອີກ.”
ທ້າວດາໂຄ ຊີ ຍັງໃຫ້ຄໍາເຫັນອີກວ່າ ເວລານີ້ ເປັນຊ່ວງເວລາທີ່ແປກໆ ໃນມຽນມາ ຍ້ອນມີການປ່ຽນແປງຕ່າງໆເກີດຂຶ້ນ. ແຕ່ວ່າລາວກໍມັກ ສະພາບການແບບນີ້.
ທ້າວດາໂຄ ຊີ ເວົ້າວ່າ “ພວກເຮົາຍັງບໍ່ທັນແນ່ໃຈໄດ້ວ່າ ພວກເຮົາແມ່ນມີເສລີພາບອັນແທ້
ຈິງຫລືບໍ່ ແລະບໍ່ແນ່ໃຈວ່າ ພວກເຮົາມີເສລີພາບ ຂ້ອຍໝາຍເຖິງວ່າ ເສລີພາບຫຍັງ? ເສລີ
ພາບໃນການສະແດງອອກ ບໍ່? ສະນັ້ນ ພວກເຮົາຍັງບໍ່ແນ່ໃຈວ່າ ພວກເຮົາມີເສລີພາບອັນ
ໃດແທ້.”
ວົງດົນຕີຂອງ ທ້າວດາໂຄ ຊີ ມີໜ້າ Facebook, Twitter ແລະ YouTube. ເຂົາເຈົ້າຄອງ
ຄອຍຖ້າທີ່ຈະໄດ້ສະແດງເພງຈັງຫວະຣັອກຂອງມຽນມາ ໃຫ້ພວກຄົນຕ່າງປະເທດໄດ້ເບິ່ງ
ໄດ້ຊົມກັນ.
ໃນວີດີໂອຂ້າງລຸ່ມນີ້ ມີບາງຄໍາສັບທີ່ແປເປັນພາສາອັງກິດ ແຕ່ບໍ່ມີສຽງ:
