ໄດ້ເກີດການປະທະກັນໃໝ່ໆ ໃນວັນຈັນມື້ນີ້ ລະຫວ່າງກອງ
ທະຫານຢູ່ໃນເຂດຊາຍແດນລະຫວ່າງອັຟການິສຖານ ແລະ
ປາກິສຖານ ບ່ອນທີ່ທະຫານຂອງທັງສອງປະເທດ ໄດ້ຍິງປືນ
ຕໍ່ສູ້ກັນ ໃນອາທິດແລ້ວນີ້.
ບັນດາເຈົ້າໜ້າທີ່ອັຟການິສຖານ ກ່າວວ່າ ການຍິງກັນໄດ້ເກີດ
ຂື້ນຫລັງຈາກທະຫານປາກິສຖານ ໄດ້ກັບຄືນໄປບ່ອນປາກປະ
ຕູຊາຍແດນ ຊຶ່ງທັງສອງຝ່າຍ ພາກັນອ້າງເອົາກໍາມະສິດນັ້ນ.
ຍັງບໍ່ເປັນທີ່ແຈ້ງຂາວເທື່ອວ່າ ໄດ້ມີການລົ້ມຕາຍຫລືໄດ້ຮັບ
ບາດເຈັບ ຈາກການຕໍ່ສູ້ກັນໃນວັນຈັນມື້ນີ້ ຫລືບໍ່.
ອາທິດແລ້ວນີ້ ການຍິງກັນຂ້າມຊາຍແດນໄດ້ເຮັດໃຫ້ທະຫານ
ຍາມຊາຍແດນ ອັຟການິສຖານ ຄົນນຶ່ງເສຍຊີວິດ ແລະໜ່ວຍ
ຮັກສາຄວາມປອດໄພປາກິສຖານ ສອງຄົນ ໄດ້ຮັບບາດເຈັບ.
ປາກິສຖານ ແລະອັຟການິສຖານ ໄດ້ຖິ້ມໂທດໃສ່ກັນແລະກັນ
ວ່າເປັນຜູ້ເລີ້ມຕົ້ນກ່ອນ ໃນການຍິງຕໍ່ສູ້ກັນໃນວັນພຸດແລ້ວນັ້ນ ຢູ່ໃນເຂດທີ່ເປັນສະໜາມ
ລົບທີ່ສໍາຄັນ ໃນການຕໍ່ສູ້ຕ້ານພວກກໍ່ການຮ້າຍ ທາລິບານ ທີ່ປະຕິບັດງານຢູ່ໃນສອງປະ
ເທດ. ເຈົ້າໜ້າທີ່ກ່າວວ່າ ການຍິງປືນໃຫຍ່ໃສ່ກັນ ໄດ້ດໍາເນີນໄປເປັນເວລາຫລາຍຊົ່ວໂມງ
ແລະສຸມໃສ່ບໍລິເວນປະຕູຊາຍແດນ ທີ່ເປັນຂໍ້ໂຕ້ແຍ້ງກັນນັ້ນ.
ຊາວອັຟການິສຖານ ຫລາຍຮ້ອຍຄົນ ພາກັນເດີນຂະບວນປະທ້ວງປາກິສຖານ ໃນວັນເສົາ
ທີ່ຜ່ານມາ ຢູ່ຕາມຖະໜົນຫົນທາງໃນເມືອງ Asadabad ເມືອງຫລວງຂອງແຂວງ Kunar.
ພວກປະທ້ວງພາກັນຈູດທຸງຊາດປາກິສຖານ ແລະຮ້ອງດ່າປະນາມ ປາກິສຖານ.
ເບິ່ງວີດິໂອກ່ຽວກັບ ການປະທ້ວງຂອງຊາວອັຟການິສຖານ:
ທະຫານຢູ່ໃນເຂດຊາຍແດນລະຫວ່າງອັຟການິສຖານ ແລະ
ປາກິສຖານ ບ່ອນທີ່ທະຫານຂອງທັງສອງປະເທດ ໄດ້ຍິງປືນ
ຕໍ່ສູ້ກັນ ໃນອາທິດແລ້ວນີ້.
ບັນດາເຈົ້າໜ້າທີ່ອັຟການິສຖານ ກ່າວວ່າ ການຍິງກັນໄດ້ເກີດ
ຂື້ນຫລັງຈາກທະຫານປາກິສຖານ ໄດ້ກັບຄືນໄປບ່ອນປາກປະ
ຕູຊາຍແດນ ຊຶ່ງທັງສອງຝ່າຍ ພາກັນອ້າງເອົາກໍາມະສິດນັ້ນ.
ຍັງບໍ່ເປັນທີ່ແຈ້ງຂາວເທື່ອວ່າ ໄດ້ມີການລົ້ມຕາຍຫລືໄດ້ຮັບ
ບາດເຈັບ ຈາກການຕໍ່ສູ້ກັນໃນວັນຈັນມື້ນີ້ ຫລືບໍ່.
ອາທິດແລ້ວນີ້ ການຍິງກັນຂ້າມຊາຍແດນໄດ້ເຮັດໃຫ້ທະຫານ
ຍາມຊາຍແດນ ອັຟການິສຖານ ຄົນນຶ່ງເສຍຊີວິດ ແລະໜ່ວຍ
ຮັກສາຄວາມປອດໄພປາກິສຖານ ສອງຄົນ ໄດ້ຮັບບາດເຈັບ.
ປາກິສຖານ ແລະອັຟການິສຖານ ໄດ້ຖິ້ມໂທດໃສ່ກັນແລະກັນ
ວ່າເປັນຜູ້ເລີ້ມຕົ້ນກ່ອນ ໃນການຍິງຕໍ່ສູ້ກັນໃນວັນພຸດແລ້ວນັ້ນ ຢູ່ໃນເຂດທີ່ເປັນສະໜາມ
ລົບທີ່ສໍາຄັນ ໃນການຕໍ່ສູ້ຕ້ານພວກກໍ່ການຮ້າຍ ທາລິບານ ທີ່ປະຕິບັດງານຢູ່ໃນສອງປະ
ເທດ. ເຈົ້າໜ້າທີ່ກ່າວວ່າ ການຍິງປືນໃຫຍ່ໃສ່ກັນ ໄດ້ດໍາເນີນໄປເປັນເວລາຫລາຍຊົ່ວໂມງ
ແລະສຸມໃສ່ບໍລິເວນປະຕູຊາຍແດນ ທີ່ເປັນຂໍ້ໂຕ້ແຍ້ງກັນນັ້ນ.
ຊາວອັຟການິສຖານ ຫລາຍຮ້ອຍຄົນ ພາກັນເດີນຂະບວນປະທ້ວງປາກິສຖານ ໃນວັນເສົາ
ທີ່ຜ່ານມາ ຢູ່ຕາມຖະໜົນຫົນທາງໃນເມືອງ Asadabad ເມືອງຫລວງຂອງແຂວງ Kunar.
ພວກປະທ້ວງພາກັນຈູດທຸງຊາດປາກິສຖານ ແລະຮ້ອງດ່າປະນາມ ປາກິສຖານ.
ເບິ່ງວີດິໂອກ່ຽວກັບ ການປະທ້ວງຂອງຊາວອັຟການິສຖານ:
