ລິ້ງ ສຳຫລັບເຂົ້າຫາ

ປະທານອົງການ FIFA ຮຽກຮ້ອງ ໃຫ້ສາມັກຄີກັນ ທ່າມກາງ ທີ່ມີຂ່າວສໍ້ໂກງ


ປະທານ ສະມາຄົມເຕະບານຢູໂຣບ ຫຼື UEFA ທ່ານ Michel Platini (ກາງ) ໂອ້ລົມກັບ ປະທານອົງການ​ຄຸ້ມ​ຄອງ​ເຕະບານ​ໂລກ ຫຼື FIFA ທ່ານ Sepp Blatter (ຊ້າຍ) ແລະ ທ່ານ Jerome Valcke, ເລຂາທິການໃຫຍ່ ຂອງ ອົງການ FIFA, ຢູ່ທີ່ ກອງ​ປະຊຸມ​ປະຈຳ​ປີ ຂອງອົງການ FIFA ຄັ້ງທີ 65 ​ໃນ​ນະຄອນ Zurich, Switzerland, ວັນທີ 29 ພຶດສະພາ 2015.

ປະທານ ສະມາຄົມເຕະບານຢູໂຣບ ຫຼື UEFA ທ່ານ Michel Platini (ກາງ) ໂອ້ລົມກັບ ປະທານອົງການ​ຄຸ້ມ​ຄອງ​ເຕະບານ​ໂລກ ຫຼື FIFA ທ່ານ Sepp Blatter (ຊ້າຍ) ແລະ ທ່ານ Jerome Valcke, ເລຂາທິການໃຫຍ່ ຂອງ ອົງການ FIFA, ຢູ່ທີ່ ກອງ​ປະຊຸມ​ປະຈຳ​ປີ ຂອງອົງການ FIFA ຄັ້ງທີ 65 ​ໃນ​ນະຄອນ Zurich, Switzerland, ວັນທີ 29 ພຶດສະພາ 2015.

ປະທານ ອົງການ​ຄຸ້ມ​ຄອງ​ເຕະບານ​ໂລກ ຫຼື FIFA ທ່ານ Sepp
Blatter ​ໄດ້​ຮຽກຮ້ອງໃຫ້​ບັນດາ​ສະມາຊິກ ຂອງ​ອົງ​ກອນ​ບໍລິຫານ
​ເຕະບານ ສາມັກຄີກັນ ​ແລະ ​ໃຫ້​ຄຳ​ໝັ້ນສັນຍາ​ວ່າ ຈະ​ທຳ​ງານ
​ເພື່ອແກ້​ບັນຫາ ການສໍ້​ໂກງ​ທີ່ເກີດ​ເປັນ​ຂ່າວ​ໃຫຍ່ ຂອງ​ກຸ່ມ
​ດັ່ງກ່າວນັ້ນ​ ຖ້າ​ທ່ານ ​ໄດ້​ຖືກ​ເລືອກ​ໃຫ້​ເປັນ​ປະທານ​ອີກຕໍ່​ໄປ.

ທ່ານ Blatter ກ່າວ​ຖະ​ແຫລງ ຢູ່​ທີ່​ກອງ​ປະຊຸມ​ປະຈຳ​ປີ ຂອງ
ອົງການ FIFA ຄັ້ງທີ 65 ​ໃນ​ນະຄອນ Zurich ປະ​ເທດ​
ສະ​ວິດ​ເຊີ​ແລນ ບ່ອນ​ທີ່​ບັນດາ​ສະມາຊິກ ຈະ​ປ່ອນ​ບັດອອກສຽງ
​ໃນວັນ​ສຸກ​ມື້​ນີ້ ກ່ຽວ​ກັບ​ວ່າ ທ່ານຈະ​ໄດ້​ຮັບ​ເລືອກ​ເປັນ​ປະທ​ານອີ​ກ
ສະ​ໄໝ​ນຶ່ງ ຫຼືບໍ່. ​ເຈົ້າຊາຍ Ali bin al-Hussein ຂອງ​ຈໍ​ແດນ ​ແມ່ນ​ຜູ້​ທ້າ​ຊິງ​ຕຳ​ແໜ່​ງຂອງ ທ່ານ Blatter.

Blatter ກ່າວ​ວ່າ ການ​ຈັບ​ກຸມ ​ເຈົ້າໜ້າ​ທີ່​ລະດັບ​ສູງ 7 ຄົນ ຂອງ​ອົງການ​ດັ່ງກ່າວ ທີ່ເຂົ້າຮ່ວມ ​ກອງ​ປະຊຸມ ​ເມື່ອ​ວັນ​ພຸດ​ຜ່ານ​ມານັ້ນ ​ໄດ້​ “ກໍ່​ໃຫ້​ເກີດ​ພາຍຸ​ຂຶ້ນ” ​ແຕ່​ທ່ານ​ກ່າວ​ອີກ​ວ່າ ທ່ານ“ຂໍ​ຮ້ອງ​ໃຫ້​ສາມັກຄີ​ກັນ ​ແລະ ​ໃຫ້​ມີນ້ຳ​ໃຈ​ນັກ​ກິລາ” ​ເພື່ອ​ໃຫ້ ອົງການ FIFA ກ້າວໜ້າ​ຕໍ່​ໄປ.

ບັນດາສະມາຊິກລະດັບສູງ ອົງການ FIFA ທີ່ກ່ຽວພັນກັບເລື້ອງການສໍ້ໂກງ (ຈາກ ແຖວເທິງ ຊ້າຍ ຫາ ຂວາ) Rafael Esquivel, Nicolas Leoz, Jeffrey Webb, Jack Warner, Eduardo Li, Eugenio Figueredo and Jose Maria Marin

ບັນດາສະມາຊິກລະດັບສູງ ອົງການ FIFA ທີ່ກ່ຽວພັນກັບເລື້ອງການສໍ້ໂກງ (ຈາກ ແຖວເທິງ ຊ້າຍ ຫາ ຂວາ) Rafael Esquivel, Nicolas Leoz, Jeffrey Webb, Jack Warner, Eduardo Li, Eugenio Figueredo and Jose Maria Marin

ເມື່ອ​ວັນ​ພະຫັດວານ​ນີ້ ທ່ານ Blatter ​ໄດ້​ກ່າວ​ວ່າ ສະຫະ​ພັນ​ເຕະບານ ປະ​ເຊີນ​ໜ້າ​ກັບ
“ຂ່າວ​ບໍ່​ດີ​ຕື່ມອີກ” ​ແລະ ​ໃນສອງ​ສາມ​ເດືອນຂ້າງ​ໜ້ານີ້ ຈະ​ບໍ່​ເປັນການງ່າຍດາຍ ​ສຳ​ຫລັບ ອົງການ FIFA ​ແຕ່ “ມັນ​ມີຄວາມ​ ຈຳ​ເປັນ​ ທີ່​ຈະຕ້ອງ​ເລີ້ມ​ຕົ້ນ ກອບ​ກູ້ຄວາມ​ເຊື່ອ​ຖື” ຢູ່​ໃນ​ອົງການ​.

ທ່ານ Blatter ​ເວົ້າວ່າ “ພວກ​ເຮົາ​ບໍ່​ຄວນ​ອະນຸຍາດ​ ໃຫ້ຊື່​ສຽງ​ຂອງ​ກິລາ​ເຕະບານ ​
ແລະ ອົງການ FIFA ຖືກ​ລາກລົງໄປເກືອກກົ້ວໃສ່​ຕົມ ​ອີກ​ຕໍ່​ໄປ. ມັນ​ຕ້ອງ​ຍຸດຕິ​ລົງ​
ຢູ່ແຫ່ງ​ນີ້.”

ສອງສະມາຄົມ​ເຕາະ​ບານໃຫຍ່ຂອງ​ຢູ​ໂຣບ ​ໄດ້​ຮຽກຮ້ອງ​ໃຫ້ ທ່ານ Blatter ລາ​ອອກ​ຈາກ​
ຕຳ​ແໜ່​ງ ກ່ອນໜ້າ ການ​ເລືອກ​ຕັ້ງປະທານ​ຂອງ​ອົງການ FIFA ​ໃນ​ວັນ​ສຸກ​ມື້​ນີ້ ​ແຕ່​ທ່ານ
Blatter ​ໄດ້​ປະຕິ​ເສດ.

XS
SM
MD
LG