ລິ້ງ ສຳຫລັບເຂົ້າຫາ

ທະນາຄານກາງ ສຫລ ຍັງຮັກສາ ອັດຕາດອກເບ້ຍ ໃຫ້ຢູ່ໃນລະດັບຕ່ຳ


ຊາຍຄົນໜຶ່ງຍ່າງຜ່ານ ສຳນັກງານໃຫຍ່ ຂອງ ທະນາຄານກາງ ສະຫະລັດ ຫຼື Federal Reserve Bank ຢູ່ໃນນະຄອນຫຼວງ ວໍຊິງຕັນ, ດີຊີ.

ຊາຍຄົນໜຶ່ງຍ່າງຜ່ານ ສຳນັກງານໃຫຍ່ ຂອງ ທະນາຄານກາງ ສະຫະລັດ ຫຼື Federal Reserve Bank ຢູ່ໃນນະຄອນຫຼວງ ວໍຊິງຕັນ, ດີຊີ.

ບັນດາເຈົ້າໜ້າທີ່ດ້ານເສດຖະກິດ ຂອງສະຫະລັດ ຍັງ​ສືບ​ຕໍ່ຮັກສາອັດຕາດອກເບ້ຍ ໃຫ້ ຢູ່ໃນລະດັບ ທີ່ເກືອບວ່າ ຕ່ຳເປັນປະຫວັດການ ໃນວັນພຸດວານນີ້ ແຕ່ໄດ້ກ່າວວ່າ ກໍລະນີ ທີ່ຈະມີການຂຶ້ນອັດຕາດອກເບ້ຍນັ້ນ ແມ່ນ “ມີຄວາມ​ເປັນ​ໄປ​ໄດ້ຫຼາຍຂຶ້ນ.”

ບັນດານັກຊ່ຽວຊານຫຼາຍທ່ານ ຕີຄວາມໝາຍວ່າ ​ແມ່ນເປັນສັນຍານທີ່ ທະນາຄານກາງ ສະຫະລັດ ອາດຈະຂຶ້ນອັດຕາດອກເບ້ຍ ໃນເດືອນທັນວາ ຈະມາເຖິງນີ້. ທະນາຄານກາງ ໄດ້ກ່າວຢ້ຳ ເຖິງຄຳໝັ້ນສັນຍາ ທີ່ວ່າ ໃນເວລາໃດ ຕົນເລີ່ມຂຶ້ນຄ່າໃຊ້ຈ່າຍ ໃນການກູ້ຢືມ​ແລ້ວ ຕົນຈະຂຶ້ນອັດຕາດອກເບ້ຍ ເທື່ອລະ​ເລັກ​ລະໜ້ອຍ.

ຊາຍຄົນໜຶ່ງ ຍ່າງຜ່ານປ້າຍໄຟຟ້າ ສະແດງໃຫ້ເຫັນ ລາຄາຂອງຮຸ້ນ ຢູ່ໃນຕະຫຼາດ Nikkei ຂອງຍີ່ປຸ່ນ ທີ່ມີດັດສະນີຢູ່ 225 ທີ່ໄດ້ຕົກລົງ 80.18 ຄະແນນ ຫຼຶ 0.5 ເປີເຊັນ ສະເລ່ຍເປັນ 16,411.97 ຢູ່ທີ່ຕະຫຼາດຫລັກຊັບ ໃນໂຕກຽວ, ວັນທີ 21 ກັນຍາ 2016.

ຊາຍຄົນໜຶ່ງ ຍ່າງຜ່ານປ້າຍໄຟຟ້າ ສະແດງໃຫ້ເຫັນ ລາຄາຂອງຮຸ້ນ ຢູ່ໃນຕະຫຼາດ Nikkei ຂອງຍີ່ປຸ່ນ ທີ່ມີດັດສະນີຢູ່ 225 ທີ່ໄດ້ຕົກລົງ 80.18 ຄະແນນ ຫຼຶ 0.5 ເປີເຊັນ ສະເລ່ຍເປັນ 16,411.97 ຢູ່ທີ່ຕະຫຼາດຫລັກຊັບ ໃນໂຕກຽວ, ວັນທີ 21 ກັນຍາ 2016.

ບັນດາເຈົ້າໜ້າທີ່ທະນາຄານກາງ ​ແມ່ນໃຊ້ອັດຕາດອກເບ້ຍທີ່ຕ່ຳນັ້ນ ​ເພື່ອ​ເປັນຄັນເລັ່ງ ​ໃນການ​ຊຸກ​ຍູ້​ໃຫ້​ເສດຖະກິດຂະຫຍາຍຕົວ ແລະ ການ​ຂຶ້ນອັດຕາດອກເບ້ຍ ເປັນຄືກັບ ຄັນຫ້າມລໍ້ ເພື່ອຮັກສາເສດຖະກິດ ບໍ່​ໃຫ້ມີອັດຕາເງິນເຟີ້ສູງ ຫຼື ລາຄາຮຸ້ນທີ່ບໍ່ສົມຈິງ.

ການຕັດສິນໃຈຂອງທະນາຄານກາງສະຫະລັດ ມີຂຶ້ນຫຼັງຈາກ ການອະພິປາຍໂດຍ ບັນດາຜູ້ນຳຂອງທະນາຄານຍີ່ປຸ່ນ ຫຼື BOJ ຊຶ່ງກຳນົດນະໂຍບາຍຕ່າງໆ ໃຫ້ແກ່ ເສດຖະກິດ ທີ່ໃຫຍ່ທີ່ສຸດ​ເປັນອັນດັບສາມຂອງໂລກ. ບັນດາເຈົ້າໜ້າທີ່ BOJ ໄດ້ປັບ ຄວາມພະຍາຍາມ ເພື່ອຮັບ​ມືກັບ ອັດຕາເງິນເຟີ້ ດ້ວຍການເລັ່ງລັດ ​ໃຫ້​ເສດຖະກິດ ຂະຫຍາຍຕົວຂຶ້ນ. ໂຄງການທີ່ສະລັບສັບຊ້ອນ ໄດ້ເພັ່ງເລັງໃສ່ ອັດຕາດອກເບ້ຍ ໄລຍະ ຍາວທີ່ຕ່ຳ ໃຫ້ຫຼາຍຂຶ້ນ ແລະສືບຕໍ່​ໃນຄວາມພະຍາຍາມ ເພື່ອເຮັດໃຫ້ການກູ້ຢືມ​ເງິນ ສຳລັບເລີ່ມຕົ້ນທຸລະກິດ ແລະເພື່ອຊື້ບ້ານ​ເຮືອນ ໃຫ້ງ່າຍຂຶ້ນ.

ບັນດາເຈົ້າໜ້າທີ່ທະນາຄານກາງ ໃນວໍຊິຕັນ ໂຕກຽວ ແລະ ແຫ່ງ ອື່ນໆ ແມ່ນກຳລັງຮັບມື ກັບ ການຂະຫຍາຍຕົວຂອງເສດຖະກິດໂລກ ແລະ ການຄ້າລະຫວ່າງປະເທດ ທີ່ຊ້າລົງ ອິງຕາມອົງການເພື່ອການຮ່ວມມື ແລະ ການພັດທະນາ ດ້ານເສດຖະກິດ ຫຼື OECD. ໃນວັນພຸດວານວານນີ້ ບັນດານັກຊ່ຽວຊານຂອງ​ອົງການ OECD ໄດ້ເຜີຍແຜ່ບົດການ ສຶກສາຄົ້ນຄວ້າ ສະບັບໃໝ່ ທີ່ໄດ້ກ່າວວ່າ ເສດຖະກິດໂລກ ແມ່ນມີກຳນົດ ຈະຂະຫຍາຍ ຕົວ ພຽງ 2.9 ເປີເຊັນ ໃນປີນີ້ ແລະ 3.2 ເປີເຊັນ ໃນປີ 2017. ອັນນັ້ນ ແມ່ນປະມານ ໜຶ່ງສ່ວນສິບ ຂອງ​ໜຶ່ງເປີເຊັນ ຊ້າກວ່າ ການຄາດໝາຍກັນໄວ້ ກ່ອນໜ້ານີ້.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG