ລິ້ງ ສຳຫລັບເຂົ້າຫາ

ຜູ້ກໍ່ການ​ຮ້າຍ ທີ່​ອົງການ FBI ຕ້ອງການ​​ໂຕ​ ຫຼາຍທີ່ສຸດ ຖືກສັງຫານ ຢູ່ຟີລິບປິນ


​ການ​ບຸກເຂົ້າໄປກວດຄົ້ນ ຂອງ​ເຈົ້າໜ້າ​ທີ່​ຕຳຫລວດ ​ທີ່ໄດ້​ສັງຫານຜູ້ກໍ່ການຮ້າຍຄົນນຶ່ງ ​ ​ຍັງ​ໄດ້​​ເຮັດ​ໃຫ້ ​ໜ່ວຍ​ກ້າ​ຕາຍ​ຕຳຫລວດ​ 44 ຄົນ​ ເສຍ​ຊີວິດນຳດ້ວຍ ຕໍ່ຈາກນັ້ນ ປະຊາຊົນອອກມາເດີນຂະບວນຖືປ້າຍຕ່າງໆ ປະທ້ວງ ການປະຕິບັດງານທີ່ຜິດພາດ ໃນຂະນະທີ່ເຄື່ອນຍ້າຍໄປຍັງ ທຳນຽບປະທານາທິບໍດີ ໃນ ມານີລາ, ວັນທີ 20 ມີນາ 2015.

​ການ​ບຸກເຂົ້າໄປກວດຄົ້ນ ຂອງ​ເຈົ້າໜ້າ​ທີ່​ຕຳຫລວດ ​ທີ່ໄດ້​ສັງຫານຜູ້ກໍ່ການຮ້າຍຄົນນຶ່ງ ​ ​ຍັງ​ໄດ້​​ເຮັດ​ໃຫ້ ​ໜ່ວຍ​ກ້າ​ຕາຍ​ຕຳຫລວດ​ 44 ຄົນ​ ເສຍ​ຊີວິດນຳດ້ວຍ ຕໍ່ຈາກນັ້ນ ປະຊາຊົນອອກມາເດີນຂະບວນຖືປ້າຍຕ່າງໆ ປະທ້ວງ ການປະຕິບັດງານທີ່ຜິດພາດ ໃນຂະນະທີ່ເຄື່ອນຍ້າຍໄປຍັງ ທຳນຽບປະທານາທິບໍດີ ໃນ ມານີລາ, ວັນທີ 20 ມີນາ 2015.

ອົງການ​ສັນຕິ​ບານ​ກາງສະຫະລັດ ຫຼື FBI ​ໄດ້​ຢັ້ງຢືນ​ວ່າ​ ນຶ່ງ​ໃນ
“ພວກກໍ່ການ​ຮ້າຍ ທີ່​ຕ້ອງການໂຕ​ສູງສຸດ” ຂອງ FBI ນັ້ນ ​
ແມ່ນ​ໄດ້​ຖືກ​ສັງຫານ​ ​ໃນ​ລະຫວ່າງ​ການ​ບຸກເຂົ້າໄປກວດຄົ້ນ
ຂອງ​ເຈົ້າໜ້າ​ທີ່​ຕຳຫລວດ ​ຢູ່ໃນ​ປະ​ເທດ​ຟີ​ລິບປິ​ນ ເມື່ອ​ເດືອນ​
ມັງກອນ​ຜ່ານ​ມາ.

ທ້າວ Zulkifli bin Hir ​ແມ່ນ​ເປັນສະມາຊິກຄົນສຳຄັນ ຂອງ​ກຸ່ມ
​ຫົວ​ຮຸນ​ແຮງຈັດອິສລາມ Jemaah Islamiyah ຊຶ່ງ​ຮັບຜິດຊອບ
​ໃນການ​ໂຈມ​ຕີ​ດ້ວຍ​ລະ​ເບີດຫຼາຍໆ​ບັ້ນຜ່ານ​ມາ ຢູ່​ໃນ​ຟີ​ລິບ​ປິນ.

ອົງການ FBI ກ່າວ​ວ່າ DNA ທີ່​ໄດ້​ມາ​ຈາກ​ສະຖານທີ່​ເກີດ​ເຫດ​ນັ້ນ
​ແມ່ນ​ກົງກັນ​ກັບ DNA ​ຂອງ​ບັນ​ດາຍາ​ດຕິ​ພີ​ນ້ອງ​ຂອງ​ທ້າວ bin Hir. ການ​ເຂົ້າໄປກວດຄົ້ນ​ດັ່ງກ່າວ ​ທີ່ໄດ້​ສັງຫານຜູ້ກໍ່ການຮ້າຍຄົນນີ້ ​ ​ຍັງ​ໄດ້ເຮັດ​ໃຫ້ ​ໜ່ວຍ​ກ້າ​ຕາຍ​ຕຳຫລວດ​ 44 ຄົນ​ ເສຍ​ຊີວິດນຳ​ດ້ວຍ.

ກຸ່ມ Jemaah Islamiyah ​ແມ່ນ​ເຊື່ອ​ກັນ​ວ່າ ເປັນ​ເຄືອ​ຂ່າຍ​ຂອງກຸ່ມ al-Qaida ​ແລະ ​ໄດ້​
ມີ​ປະຫວັດ​ອັນ​ຍາວນານມາແລ້ວ ກ່ຽວກັບ​ການ​ໂຈມ​ຕີ​ ຢູ່​ໃນ​ອິນ​ໂດ​ເນ​ເຊຍ ລວມທັງ ການ
​ໂຈມ​ຕີອັນ​ຮ້າຍ​ແຮງ​ເຖິງ​ແກ່​ຊີວິດ ​ດ້ວຍ​ລະ​ເບີດ​ເມື່ອ​ປີ 2002 ​ຢູ່​ໃນສະຖານ​ບັນ​ເທີງ ​ໃນ ນະຄອນ​ Bali.

ສະແດງຄວາມເຫັນໃຫ້ເບິ່ງ

XS
SM
MD
LG