ລິ້ງ ສຳຫລັບເຂົ້າຫາ

ທ່ານ Leonard ສາລະພາບຜິດ ໃນຄະດີ ໃຫ້ເງິນສິນບົນ ກອງທັບເຮືອ ສະຫະລັດ


ລັດຖະມົນຕີຊ່ວຍວ່າການ ກະຊວງຍຸຕິທຳ ສະຫະລັດ ທ່ານ Mark Pletcher (ຊ້າຍ) ແລະ ທ່ານ Robert Huie (ຂວາ) ລົມກັນຢູ່ນອກສານ ກ່ຽວກັບການສາລະພາບຜິດ ຂອງ ທ່ານ Francis Leonard.

ລັດຖະມົນຕີຊ່ວຍວ່າການ ກະຊວງຍຸຕິທຳ ສະຫະລັດ ທ່ານ Mark Pletcher (ຊ້າຍ) ແລະ ທ່ານ Robert Huie (ຂວາ) ລົມກັນຢູ່ນອກສານ ກ່ຽວກັບການສາລະພາບຜິດ ຂອງ ທ່ານ Francis Leonard.

ພະນັກງານ​ສັນຍາ​ຈ້າງຂອງກອງທັບ​ຊາວມາ​ເລ​ເຊຍຄົນ​ນຶ່ງ ຊຶ່ງ
ກຳລັງ​ຕົກ ເປັນຈຸດສູນ ກາງ​ກ່ຽວ​ກັບ​ການ​ສໍ້​ສາດ​ບັງ​ຫລວງ ທີ່​
ສັ່ນ​ສະ​ເທືອ​ນກອງ​ທັບ​ເຮືອສະຫະລັດ ​ໄດ້​ຍອມຮັບ​ສາລະພາບ​
ຜິດຕໍ່ຂໍ້ຫາ​ຮັບສິນບົນແລະສໍ້ໂກງ ໂດຍຍອມຮັບ​ວ່າ​ ຜູ້ກ່ຽວ​ໄດ້
​ປະຕິບັດ​ມາເປັນເວລາ​ສິບ​ປີແລ້ວ ໃນການສົມ ຮູ້ຮ່ວມຄິດ​ກັບ
ບັນດາ​ເຈົ້າ​ໜ້າ​ທີ່ ກອງທັບ​ເຮືອສະຫະລັດຫລາຍ​ຄົນ ສໍ້ໂກງ
ເງິນ​ຫລາຍ​ສິບ​ລ້ານ​ໂດ​ລາ ​ແລະໃຫ້ເງິນສິນບົນແລະຂອງຂວັນ
​ຫລາຍ​ລ້ານ​ໂດ​ລາ ຮວມທັງ​ເງິນສົດ ​ໂສ​ເພນີ ກອກຢາ​ຊີ​ກາ
​ຄິວ​ບາ ​ແລະ​ຊີ້ນ Kobe.

ທ່ານ Leonard Francis ​ໄດ້ຮັບ​ສາລະພາບໃນ​ຄວາມຜິດ​
ຂອງ​ທ່ານ​ ​ໃນ​ວັນ​ພະຫັດ​ວານ​ນີ້​ ທີ່ສານ​ລັດຖະບານ​ກາງ ​ໃນ​ນະຄອນ San Diego ຕັ້ງ​ຢູ່
​ທາງ ພາກຕາ​ເວັນ​ຕົກຂອງສະຫະລັດ ໃນລັດ California.

ທ່ານ Francis ຊຶ່ງເປັນທີ່ຮູ້​ກັນ​ດີ ​ໃນ​ວົງ​ການ​ທະຫານ​ວ່າ “Fat Leonard” ​ເພາະວ່າ ທ່ານ
ມີ​ຮູບ​ຮ່າງໃຫຍ່​ ​ແລະບໍລິສັດ​ຂອງ​ທ່ານ Glenn Defense Marine Asia ​ໄດ້​ຮັບ​ຂໍ້ມູນລັບ
​ຈາກບັນດາ​ເຈົ້າ​ໜ້າ​ທີ່​ກອງທັບ​ເຮືອ ​ໂດຍແລກ​ປ່ຽນກັບການຕິດສິນບົນ ​ເພື່ອ​ອະນຸຍາດ​ໃຫ້
ບໍລິສັດ​ຂອງທ່ານ​ໄລ່​ເງິນເກີນຄວາມ ເປັນຈິງ ຈາກ​ກອງທັບ​ສະຫະລັດ ​ຕົກເປັນ​ເງິນຫລາຍ
​ສິບ​ລ້ານ​ໂດ​ລາ.

ບັນດາ​ໄອ​ຍະ​ການກ່າວ​ວ່າ ຂໍ້​ມູນ​ລັບ​ແມ່ນຮວມທັງຂ່າວການ​ເຄື່ອນ​ໄຫວ​ ແລະ ໝາຍກຳ
ນົດການຂອງ​ກຳ​ປັ່ນລົບ ​ພ້ອມທັງຕາຕະລາງການເດີນທາງ ​ແລະ​ຕໍ່​ມາ​ກ່ຽວ​ກັບ​ການ​ສືບ
ສວນ ຂອງກອງທັບເຮືອສະຫະລັດ ກ່ຽວກັບການຄິດໄລ່ຢູ່​ບັນ​ຊີຂອງທ່ານ.

XS
SM
MD
LG