ລິ້ງ ສຳຫລັບເຂົ້າຫາ

ທ່ານ Netanyahu ຮັບເອົາຜູ້ນຳ ​ຫົວຊາດນິຍົມຈັດ ເຂົ້າຮ່ວມລັດຖະບານ


ນາຍົກລັດຖະມົນຕີ Israel ທ່ານ Benjamin Netanyahu ​ໄດ້​ຂະຫຍາຍວົງກວ້າງ​ລັດຖະບານປະສົມຂອງ​ທ່ານອອກໄປ ​ແຕ່​ວ່າການແຕ່ງຕັ້ງ​ສະມາຊິກ​ຄະນະຂັ້ນ​ອະ​ວຸ​ໂສ ​ຂອງພວກຫົວແຂງກະດ້າງແມ່ນໄດ້ຖືກ​ຕຳ​ນິຕິ​ຕຽນ ທັງ​ຢູ່ໃນ​ແລະ​ນອກ​ປະ​ເທດ.

ທ່ານ Netanyahu ​ໄດ້​ລົງ​ນາມ​ໃນ​ຂໍ​ຕົກລົງ​ຮ່ວມ ​ໃນ ສະພາ Knesset ຮ່ວມກັບ​ຄູ່​ຮ່ວມ ງານໃໝ່ ທີ່ມີ​ບັນຫາ​ກັນ​ ທ່ານ Avigdor Lieberman ຜູ້ນຳ​ຂອງ​ພັກ Yisrael Beitenu ນັ້ນ. ທ່ານ Netanyahu ​ໄດ້​ກ່າວ​ໃນ​ພິທີ​ລົງ​ນາມ​ວ່າ “ຂ້າພະ​ເຈົ້າ​ຍິນ​ດີ​ຕ້ອນຮັບ ທ່ານ Yisrael Beitenu ​ແລະ​ພວກສະມາຊິກຂອງທ່ານກໍແມ່ນ​ຈະເປັນ​ຄູ່ຮ່ວມງານທີ່​ສຳຄັນ ໃນລັດຖະບານ​ປະສົມ​ທີ່​ວ່າ​ນີ້. ຂ້າພະ​ເຈົ້າ​ໃຫ້​ຄວາມ​ສຳຄັນ​ກັບ​ປະສົບ​ການ​ຂອງ​ທ່ານ. ພວກ​ເຮົາ​ເຄີຍ​ໄດ້​ປະສານ​ງານ​ຮ່ວມ​ກັນ​ມາ​ກ່ອນ ​ເພື່ອ​ປົກ​ປັກຮັກສາຄວາມ​ປອດ​ໄພ​ແລະ​ຄວາມ​ຢູ່​ເຢັນ ​ເປັນ​ສຸກ​ຂອງ​ປະຊາຊົນ​ຊາວ Israel.”

ນາຍົກລັດຖະມົນຕີ Israel ທ່ານ Benjamin Netanyahu ຢືນຟຽງຂ້າງກັບລັດຖະມົນຕີປ້ອງກັນປະເທດ ທ່ານ Moshe Yaalon (ຊ້າຍ) ໃນຂະນະທີ່ຢ້ຽມຢາມຄ້າຍທະຫານ ໃກ້ໆກັບເຂດ Gush Etzion ທີ່ຕັ້ງຮາກຖານຂອງຊາວຢິວ ໃນ West Bank, 23 ພະຈິກ, 2015.

ນາຍົກລັດຖະມົນຕີ Israel ທ່ານ Benjamin Netanyahu ຢືນຟຽງຂ້າງກັບລັດຖະມົນຕີປ້ອງກັນປະເທດ ທ່ານ Moshe Yaalon (ຊ້າຍ) ໃນຂະນະທີ່ຢ້ຽມຢາມຄ້າຍທະຫານ ໃກ້ໆກັບເຂດ Gush Etzion ທີ່ຕັ້ງຮາກຖານຂອງຊາວຢິວ ໃນ West Bank, 23 ພະຈິກ, 2015.

ທ່ານ Lieberman ​ແມ່ນ​ຜູ້​ນຶ່ງ​ທີ່​ສຳຄັນ​ແລະ​ໂດ່​ງດັງ​ຄົນ​ນຶ່ງ​ໃນ​ການ​ເມືອງ​ຂອງ Israel
​ແລະ​ໄດ້​ເປັນ​ຜູ້​ທີ່​ຢືນ​ຢັດຢ່າງ​ແຂງ​ຂັນ​ໃນ​ເລື້ອງກ່ຽວກັບເລື້ອງພວກປາແລັສຕາຍ. ທ່ານ​ຈະ​ຮັບໃຊ້ໃນຕຳ​ແໜ່​ງ​ເປັນ​ລັດຖະມົນຕີປ້ອງກັນປະ​ເທດ​ຄົນ​ໃໝ່ ທີ່​ຈະ​ມີ​ບົດບາດ​ສຳຄັນແລະ​ມີ​ອິດ​ທິພົນ ​ໃນ​ການ​ຕັດສິນ​ໃຈ​ທາງ​ຄວາມປອດໄພ ແລະ​ຄວາມ​ສະ​ງົບ.

​ໂຄສົກ​ກະຊວງ​ການ​ຕ່າງປະ​ເທດ​ຂອງ​ສະຫະລັດ ທ່ານ Mark Toner ​ໄດ້​ກ່າວ​ໃນ​ວັນ​ພຸດ​ວານ​ນີ້​ວ່າ ການ​ເພີ້​ມຂອງ​ທ່ານ Lieberman ອາດ​ຈະ​ເພີ້​ມການແບ່ງແຍກ Israel ​ໃຫ້​ເປັນ​ສອງ​ຝ່າຍ ຊຶ່ງ​ນີ້ “​ຈະເຮັດ​ໃຫ້​ມີ​ຄຳ​ຖາມ​ຢ່າງ​ແທ້​ຈິງ​ກ່ຽວ​ກັບວ່າ ປະ​ເທດ​ຊາດ​ຈະ​ເດີນທາງ​ໄປ​ໃນ​ທິດ​ທາງ​ໃດ​ກັນ​ແທ້ ​ແລະ ຈະ​ຮັບເອົາ​ນະ​ໂຍບາຍ​ອັນ​ໃດ​ກັນ​ແທ້. ​ແຕ່​ວ່າ ​ໃນ​ທີ່​ສຸດ ພວກ​ເຮົາ ກໍ​ຈະ​ລົງ​ຄວາມ​ເຫັນ​ກ່ຽວກັບ​ລັດຖະບານນີ້​ດ້ວຍ​ການ​ກະທຳຕົວຈິງຂອງມັນ.”

ທຸງຊາດ Israeli ໂປກສະບັດໃນເຂດ West Bank ເຂດຕັ້ງຖິ່ນຖານໃໝ່ຂອງ Maaleh Adumim ເຂດນອກນະຄອນ Jerusalem, 7 ກັນຍາ 2009ໃ

ທຸງຊາດ Israeli ໂປກສະບັດໃນເຂດ West Bank ເຂດຕັ້ງຖິ່ນຖານໃໝ່ຂອງ Maaleh Adumim ເຂດນອກນະຄອນ Jerusalem, 7 ກັນຍາ 2009ໃ

ກະລຸນາ​ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG