ລິ້ງ ສຳຫລັບເຂົ້າຫາ

ການໂຈມຕີ ຂອງພວກອິສລາມ ຫົວຮຸນແຮງ ຢູ່ເບີກີນາ ຟາໂຊ ສິ້ນສຸດລົງແລ້ວ


ເຈົ້າໜ້າ​ທີ່​ລັດຖະບານ Burkina Faso ກ່າວ​ວ່າ ການ​ໂຈມ​ຕີຈັບ
​ຕົວ​ປະກັນ​ທີ່ໂຮງ​ແຮມ​ຫລູຫລາແຫ່ງ​ນຶ່ງທີ່​ນະຄອນຫ໌ວງຂອງ​ປະ
​ເທດ​ດັ່ງກ່າວ​ ໂດຍ​ພວກ​ທີ່​ສົງ​ໄສ​ວ່າ​ເປັນ​ກຸ່ມ​ລັດ​ອິສລາມນັ້ນ ​ໄດ້
​ສິ້ນສຸດ​ລົງ​ແລ້ວ ​ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 20 ຄົນ.

​ເຈົ້າໜ້ທີ່​ກ່າວ​ໃນ​ວັນ​ເສົາ​ມື້ນີ້ວ່າ ຕົວ​ປະກັນ 126 ຄົນ​ໄດ້​ຖືກ​ຊ່ອຍ
​ອອກ​ມາ​ໄດ້​ ໃນການ​ປະຕິບັດ​ງານ​ຂອງ​ກຳລັງ​ຮັກສາ​ຄວາມ​ປອດ​
ໄພ ແລະ​ພວກ​ຫົວຮຸນ​ແຮງ 3 ຄົນ ​ຖືກຂ້າ​ຕາຍ.​ ​ຕົວ​ປະກັນ ​ທີ່​ຖືກ​
ຊ່ອຍ​ອອກ​ມາຢ່າງ​ໜ້ອຍ 30 ຄົນ​ແມ່ນ​ໄດ້​ຮັບບາດ​ເຈັບ.

ລົດທະຫານ ຢູ່ໃກ້ໆກັບໂຮງແຮມ Splendid ທີ່ນະຄອນຫຼວງ Ouagadougou ຂອງເບີກີນາ ຟາໂຊ

ລົດທະຫານ ຢູ່ໃກ້ໆກັບໂຮງແຮມ Splendid ທີ່ນະຄອນຫຼວງ Ouagadougou ຂອງເບີກີນາ ຟາໂຊ

ລັດຖະມົນຕີ​ກະຊວງ​ຮັກສາ​ຄວາມ​ປອດ​ໄພ​ແລະ​ກິດຈະການ​ພາຍ​ໃນ​ຂອງ​ Burkina Fa-
so ທ່ານ Simone Compaore ກ່າວ​ວ່າ ກຳລັງ​ຮັກສາ​ຄວາມ​ສະງົບ​ພວມທຳ​ການ​ຊອກ
ຄົ້ນ ຕາມ​ໂຮງ​ແຮມ​ທີ່ຢູ່​ໃກ້​ຄຽງ ​ເພື່ອ​ໃຫ້​ເປັນ​ທີ່​ແນ່​ໃຈ​ວ່າ ບໍ່​ມີ​ພວກ​ຫົວ​ຮຸນ​ແຮງ​ຈັດຫລົບ​ລີ້
ຢູ່. ລາຍ​ງານ​ຂ່າວ​ບາງ​ກະ​ແສ​ແຈ້ງວ່າ ການ​ໂຈມຕີ​ກຳລັງ​ມີ​ຂຶ້ນຢູ່ໂຮງ​ແຮມ​ແຫ່ງ​ນຶ່ງ​ທີ່​ຕັ້ງຢູ່​
ໃກ້​ຄຽງ.

ທະຫານ​ລັດຖະບານ​ພ້ອມ​ດ້ວຍ​ກຳລັງ​ຂອງຝຣັ່ງໄດ້​ສູ້​ລົບ​ກັບ​ພວກ​ຫົວ​ຮຸນ​ແຮງ​ເພື່ອ​ເຂົ້າຢຶດ​ເອົາ​ໂຮ​ງ​ແຮມ ທີ່​ພວກ​ຊາວ​ຕ່າງປະ​ເທດ ແລະ​ເຈົ້າໜ້າ​ທີ່​ສະຫະ​ປະຊາດ​ ມັກ​ໄປ​ພັກ​ເຊົາທີ່
ນະຄອນຫຼວງ Ouagadougou ຫຼັງ​ຈາກ​ພວກ​ມື​ປືນ ໄດ້​ບຸກ​ເຂົ້າ​ໄປ​ໃນ​ໂຮງ​ແຮມໃນ​ຕອນ​ແລງ​ວັນ​ສຸກ​ວານ​ນີ້.

ກຳລັງ​ຮັກສາ​ຄວາມ​ສະຫງົບ​ພິ​ເສດ​ໄດ້​ບຸກ​ເຂົ້າ​ໄປ​ໃນ​ໂຮງ​ແຮມ Splendid ​ໃນ​ການ​ໂຈ​ມຕີ​
ທີ່​ເລີ້ມຂຶ້ນຫ້າ​ຊົ່ວ​ໂມງ​ຫລັງ​ຈາກ​ພວກ​ມື​ປືນ​ໄດ້​ເຂົ້າຢຶດ​ເອົາ​ໂຮງ​ແຮມດັ່ງກ່າວ.​ ​ມີ​ການ​ແນມ​
ເຫັນ​ໄຟ​ລຸກ​ໄໝ້​ຢູ່​ໃນ​ບໍລິ​ເວນ​ຫ້ອງ​ໂຖງ​ຕ້ອນຮັບແຂກ​ຫລັງຈາກ​ການ​ບຸກ​ໂຈມ​ຕີ​ເລີ້ມຂຶ້ນ.

ປະທານາທິບໍດີ​ຝຣັ່ງທ່ານ Francois Hollande ປະນາມ​ການ​ໂຈມ​ໃນ​ຄັ້ງນີ້ວ່າ​ເປັນ​ທີ່​ໜ້າ
​ລັງ​ກຽດ​ແລະ​ຂີ້ຂາດ​ຕາຂາວ.​ ຖະ​ແຫລງການ​ ຈາກ​ທຳນຽບປະທານາທິບໍດີ ກ່າວ​ວ່າ ທ່ານ Hollande ​ໄດ້​ໃຫ້ການ​ສະໜັບສະໜຸນ​ຢ່າງ​ເຕັມທີ່​ຕໍ່ປ​ະທານາ​ທິບໍດີ Kabore. Burkina Faso​ ​ແມ່ນ​ອະດີດ​ອານາ​ນິຄົມ​ຂອງຝຣັ່ງ.

XS
SM
MD
LG