ລິ້ງ ສຳຫລັບເຂົ້າຫາ

ບັນດາຜູ້ຊ່ຽວຊານ ເປັນຫ່ວງ ກັບການຊັກຊ້າ ໃນການແຕ່ງຕັ້ງ ທູດໃໝ່ ສຫລ ຢູ່ໃນທົ່ວໂລກ


ເຖິງແມ່ນວ່າ ​ປະທານາທິບໍດີ ດໍໂນ​ລ ທຣໍາ ຈະຂຶ້ນບໍລິຫານປະເທດ​ມາໄດ້ ສາມ​ເດືອນ
ແລ້ວ ​ແຕ່ທ່ານກໍຍັງ​ບໍ່​ທັນ​ໄດ້ສະເໜີແຕ່ງຕັ້ງຜູ້​ທີ່ຈະ​ເຂົ້າໄປຮັບຕໍາ ແໜ່ງ​ລະດັບສູງທີ່ມີ​
ຢ່າງ​ຫລວງຫລາຍ ໃນ​ກະຊວງ​ການ​ຕ່າງປະ​ເທ​ດ ສະຫະລັດ ຢູ່ນະຄອນຫລວງວໍ​ຊິງ​ຕັນ
​ແລະ​ຮັບ​ໜ້າ​ທີ່​ເປັນ​ເອກ​ອັກຄະ​ລັດຖະທູດ ຢູໃນ​ສະຖານ ທູດ​ສະຫະລັດ ໃນປະເທດ
ຕ່າງໆຢູ່ທົ່ວ​ໂລກ ເທື່ອ. ບັນດາເອກ​ອັກຄະ​ລັດຖະທູດ ຕາມ​ປົກກະຕິ​ແລ້ວ ແມ່ນເປັນຜູ້
ຖືກແຕ່ງ​ຕັ້ງ​ທາງ​ການ​ເມືອງ ​ແລະ​ຕາມ​ປະ​ເພນີແລ້ວ ຈະຕ້ອງຖືກປ່ຽນໃໝ່ ເມື່ອມີການ
ປະກອບຄະນະລັດຖະບານໃໝ່. ​ແຕ່ ດັ່ງ​ທີ່ Cindy Saine ນັກ​ຂ່າວ ວີໂອ​ເອ ​ປະຈຳ​ກະ
ຊວງ​ການ​ຕ່າງປະ​ເທດ ລາຍ​ງານ​ວ່າ ​ເທື່ອ​ນີ້ການ​ດຳ​ເນີ​ນ​ການປ່ຽນດັ່ງກ່າວນັ້ນ ຊ້າກວ່າ​ປົກກະຕິ ​ໂດຍທີ່ມີຕໍ າ ແໜ່ງ ເອກ​ອັກຄະ​ລັດຖະທູດ ຢູ່ 181 ຕໍ າແໜ່ງຈາກທັງໝົດ
188 ຕໍ າແໜ່ງ ທີ່ຍັງລໍຖ້າໃຫ້ມີການ ແຕ່ງຕັ້ງຢູ່​. ກິ່ງສະຫວັນ ມີລາຍລະອຽດມາສະເໜີ
ທ່ານ ໃນອັນດັບຕໍ່ໄປ.

ເມື່ອ​ຄວາມ​ເຄັ່ງຕຶງ ໃນ​ເກົາຫລີ​ເໜືອ ​ແ​ລະ​ແຫ່ງ​ອື່ນໆ ຂອງໂລກກຳລັງເພີ້ມ​ທະວີ​ຂຶ້ນ ປະທານາທິບໍດີທຣໍາ ​ມີ​ເອກ​ອັກຄະ​ລັດຖະທູດ​ໃໝ່ພຽງແຕ່ ​ສອງ​ຄົນ ເທົ່ານັ້ນ ທີ່ໄດ້ຮັບ
ການຮັບຮອງເອົາ ​ແລະກໍ​ໄດ້​ສະ​ເໜີແຕ່ງຕັ້ງເອກ​ອັກຄະ​ລັດຖະທູດຄົນ​ໃໝ່ອີກໄດ້​ພຽງ
​ແຕ່ຫ້າ​ຄົນເທົ່ານັ້ນ.

ທ່ານຍັງບໍ່ທັນ​ໄດ້​ສະ​ເໜີແຕ່ງຕັ້ງ​ເອກ​ອັກຄະ​ລັດຖະທູດ​ສະຫະລັດ ປະຈຳ​ເກົາຫລີ​ໃຕ້
ຫລື​ລັດຖະມົນຕີຊ່ວຍວ່າການ​ຕ່າງປະ​ເທດ ຮັບຜິດຊອບ​ວຽກງານໃນເຂດເອ​ເຊຍ​ຕາ​
ເວັນ​ອອກ ​ແລະ​ມະຫາສະໝຸດ​ປາຊິຟິກ ເທື່ອ.

ທ່ານ Thomas Wright ປະຈຳ​ສະ​ຖາ​ບັນ Brooking ກ່າວ​ວ່າ ການ​ຂາດ​ຜູ້​ຊ່ຽວຊານ
ແບບນີ້ ​ເປັນ​ເລື່ອງ​ທີ່​ບໍ່ເຄີຍ​ມີ​ມາ​ກ່ອນ ​ແລະກໍໜ້າ​ເປັນ​ຫ່ວງຫລາຍ.

ທ່ານ Wright ກ່າວ​ວ່າ “ຖ້າ​ຫາກ​ທ່ານ​ເບິ່ງ ​ໂຕ​ຢ່າງເຊັ່ນ ກອງ​ປະຊຸມ​ສຸດ​ຍອດ​ຫວ່າງ
​ມໍ່ໆມາ​ນີ້ກັບ​ ປະທານ​ປະ​ເທດ Xi Jingpin ຂອງ​ຈີນ ​ໄດ້​ມີ​ຜູ້​ຊ່ຽວຊານດ້ານ​ເອ​ເຊຍ​
ໜ້ອຍ​ດຽວ ທີ່​ໄດ້​ຖືກ​ແຕ່ງ​ຕັ້ງ​ຢູ່​ໃນ​ຕໍ າແໜ່ງສູງ. ບັນດາ​ທ່ານ​ເຫລົ່າ​ນີ້ ຕາມ​ທຳ​ມະ​ດາ
ແລ້ວ​ ຈະມີຄວາມ​ສຳຄັນ​ໃນ​ການ​ນຳພາດໍ າເນີນກອງ​ປະຊຸມ​ສຸດ​ຍອດແບບນີ້. ​ແລະ
​ເພາະສະ​ນັ້ນ ຂ້າພະ​ເຈົ້າ​ຄິດ​ວ່າ ສະຖານະການນີ້ ມີ​ຜົນ​ກະທົບທີ່​ເສຍ​ຫາຍທີ່ສືບຕໍ່

ໄປເລື້ອຍໆ.”

ໂຄສົກ​ກະຊວງ​ຕ່າງປະ​ເທດ ທ່ານ Mark Toner ​ໃນ​ອາທິດ​ນີ້ໄດ້ຊອກ​ຫາ​ວິທີການແກ້
ໄຂ​ຄວາມ​ກັງວົນໃ ເຫລົ່ານນັ້ນ​ຈຳນວນ​ນຶ່ງ.

ທ່ານ Toner ກ່າວ​ວ່າ “ຂ້າພະ​ເຈົ້າສາມາດ​ຮັບປະກັນຕໍ່ທຸກທ່ານຢູ່​ໃນ​ຫ້ອງ​ນີ້ ​ແລະ​ຕໍ່
ທຸກໆ​ຄົນ​ຢູ່ໃນ​ສະຫະລັດ ​ແລະ​ຢູ່​ທົ່ວ​ໂລກ​ໄດ້ເລີຍວ່າ ​ມັນບໍ່​ມີຕໍ າແໜ່ງຫວ່າງ ກບ່ອນ​
ເລີຍ​ ​ແລະຮັບປະກັນວ່າ​ມີ​ບັນ​ດາ​ເຈົ້າ​ໜ້າ​ທີ່​ຂັ້ນສູງຂອງ​ກະຊວງຕ່າງປະ​ເທດ ທີ່ກຳລັງ
​ຮັບ​ໃຊ້​ຢູ່​ຖານະເປັນຜູ້ວ່າການແທນ. ​ແຕ່​ວ່າ​ບັນດາ​ທ່ານ​ເຫລົ່າ​ນີ້​ເປັນ​ຜູ້​ທີ່ເຄີຍເປັນຜູ້
ເຮັດວຽກການຕ່າງປະເທດ​ທີ່ຮັບໜ້າທີ່ເປັນລະດູການ ແລະກໍ​ເປັນ​ນັກການ​ທູດ​ທີ່ມີ
ໄລຍະຕາມລະດູ​ການ.”

​ເມື່ອຖືກ​ຖາມ​ວ່າ ​ເປັນ​ຫຍັງ​ລັດຖະບານ​ຊຸດ​ນີ້ ຈຶ່ງ​ມີ​ບັນ​ຫາ​ໃນ​ການສະ​ເໜີ ແຕ່ງຕັ້ງ​ເອກ
​ອັກຄະ​ລັດຖະທູດ ​ຫລາຍກວ່າລັດຖະບານຊຸດ​ທີ່​ຜ່ານໆ​ມາ ເອກ​ອັກຄະ​ລັດຖະທູດສະ
ຫະລັດ ທີ່​ບໍານານ ທ່ານ Ron Neumann ຊັ່ງ​ຊາວ່າດັ່ງນີ້​:

ທ່ານວ່າ “ມີກຸ່ມນ້ອຍໆຢູ່ໃນທຳນຽບຂາວ ທີ່ຄວບຄຸມຫລາຍໆຢ່າງ ແລະ ກໍມີຄວາມ
ຂັດແຍ້ງກັນລະຫວ່າງຄົນຢູ່ໃນກຸ່ມດັ່ງກ່າວ. ແຕ່ນອກເໜືອ ໄປຈາກນັ້ນແລ້ວກໍພຽງ
ເປັນແຕ່ວ່າ ມັນນ້ອຍຫລາຍເທົ່ານັ້ນ. ເພາະສະນັ້ນ ເປັນໄປໄດ້ຢ່າງແນ່ນອນວ່າ ເຫດຜົນສ່ວນໃຫຍ່ຂອງການລ້າຊ້າ ມັນເປັນຍ້ອນວ່າພວກທີ່ເປັນຜູ້ ນໍາພາໃນການ

ຕັດສິນໃຈ ແມ່ນ ພາກັນມີວຽກຫລາຍເກີນໄປເທົ່ານັ້ນ.”

ທ່ານ Wright ເຊື່ອວ່າ ນອກນັ້ນແລ້ວກໍຍັງມີເລື່ອງການເມືອງທີ່ພົວພັນຢູ່ນັ້ນນຳ.

ທ່ານກ່າວວ່າ “ໂດຍສະເພາະຄົນຈຳນວນນຶ່ງຢູ່ໃກ້ຊິດກັບ ທ່ານທຣໍາ ມີຄວາມຕັ້ງ ໃຈຢາກແກ້ແຄ້ນຄືນຕໍ່ ຄົນທີ່ຄັດຄ້ານທ່ານ ຢູ່ໃນຕອນທີ່ທ່ານໂຄສະນາຫາ ສຽງນັ້ນ. ແລະເພາະສະນັ້ນເຂົາເຈົ້າໄດ້ຂັດຂວາງຕໍ່ ສະມາຊິກ​ພັກຣີພັບບລິກັນ ຜູ້ໃດ ທີ່ຕໍໜິ
ຕິຕຽນ ຫລືຄັດຄ້ານທ່ານທຣໍາ ໃນໄລຍະທີ່ທໍ າການເລືອກຕັ້ງນັ້ນ. ແຕ່ວ່າ ເຂົາຈົ້າ ກໍ່ຫາກບໍ່ມີຜູ້ໃດທີ່ມີຊົງຄຸນນະວຸດທິພຽງພໍສໍາລັບຕໍາແໜ່ງຂັ້ນສູງ ທີ່ ສະພາສູງ
ພໍຈະ
ຫ້ການຮັບຮອງເອົ າໄດ້ ຫລືບໍ່ກໍ ບໍ່ຄ່ອຍມີຫລາຍຄົນ ທີ່ໃຫ້ການສະໜັບສະໜູນແກ່
ທ່ານ. ສະນັ້ນ ຈຶ່ງມີການຊັກຊ້າແດ່ໜ້ອຍນຶ່ງ.”

ໂດຍທີ່ປະເຊີນກັບຄວາມທ້າທາຍດ້ານນະໂຍບາຍຕ່າງປະເທດ ໃນຊີເຣຍ, ໃນຣັດເຊຍ ແລະບ່ອນທີ່ມີຄວາມເຄັ່ງຮ້ອນອື່ນໆ ຢູ່ທົ່ວໂລກ ລັດຖະມົນຕີ ການຕ່າງປະເທດ ທ່ານ
Rex Tillerson ຍິນດີຮັບ ເອົາກັບການຊ່ວຍ ເຫລືອທຸກຢ່າງເທົ່າທີ່ສາມາດເອົາໄດ້ ໃນການແຕ່ງຕັ້ງຄົນໄປປະຈຳຢູ່ໃນ ຕໍາແໜ່ງຂັ້ນນໍາພາເຫລົ່ານີ້.

ອ່ານຂ່າວຕື່ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG