ລິ້ງ ສຳຫລັບເຂົ້າຫາ

ບັນດາໂຮງຮຽນ ລົດໄຟໄຕ້ດິນ ຍັງປິດ ໃນຂະນະທີ່ ແບລຢ້ຽມ ຊອກຫາ ຜູ້ຕ້ອງສົງໄສ ກໍ່ການຮ້າຍ


ພວກທະຫານແບລຢ້ຽມ ຍ່າງລາດຕະເວັນຢູ່ກາງຄະຄອນຫລວງ Brussels ໃນຂະນະທີ່ຕຳຫລວດ ຊອກຫາຜູ້ຕ້ອງສົງໄສ.

ພວກທະຫານແບລຢ້ຽມ ຍ່າງລາດຕະເວັນຢູ່ກາງຄະຄອນຫລວງ Brussels ໃນຂະນະທີ່ຕຳຫລວດ ຊອກຫາຜູ້ຕ້ອງສົງໄສ.

ບັນດາ​ໂຮງຮຽນ ​ແລະ​ລະບົບ​ລົດ​ໄຟ​ໃຕ້​ດິນ ​ຍັງ​ປິດຢູ່​ໃນ​ວັນ​ອັງ
ຄານ​ມື້​ນີ້​ໃນ​ຂະນະ​ທີ່ນະຄອນຫຼວງ Brussels ຂອງ Belgium
ຍັງ​ຢູ່​ພາຍ​ໃຕ້​ການ​ຮັກສາ​ຄວາມ​ປອດ​ໄພ​ຢ່າງ​ເຄັ່ງ​ຄັດ ​ຂະນະ​ທີ່
​ພວກ​ເຈົ້າ​ໜ້າ​ທີ່ພະຍາຍາມຊອກ​ຫາຜູ້​ຕ້ອງ​ສົງ​ໄສ​ຄົນ​ສຳຄັນ​ໃນ
​ການ​ໂຈມ​ຕີ​ ເມື່ອ​ວັນ​ທີ 13 ​ເດືອນ​ພະ​ຈິກ ທີ່​ນະຄອນຫຼວງ​ປາຣີ.

ນາຍ​ຍົກ​ລັດຖະມົນຕີ Belgium ທ່ານ Charles Michel ກ່າວ​
ໃນ​ວັນ​ຈັນ​ວານ​ນີ້​ວ່າ ເພາະວ່າ ການ​ຂົ່ມຂູ່​ທີ່​ຮ້າຍ​ແຮງຍັງ​ມີ​ຢູ່​ນະ
ຄອນຫຼວງ ຈະ​ຕ້ອງ​ຢູ່​ໃນ​ສະພາບລະ​ມັດ​ລະວັງ​ສູງ​ສຸດຈົນຮອດ​
ອາທິດ​ໜ້າ. ​ແຕ່​ ທ່ານ​ກ່າວ​ວ່າ ປະ​ເທດ​ຕ້ອງການ ທີ່ຈະກັບ​ຄື​ນ
​ໄປ​ສູ່​ສະພາບ​ປົກ​ກະຕິ ແລະ​ໃນ​ວັນ​ພຸດ​ມື້ອື່ນ​ນີ້ ພວກ​ເດັກນ້ອຍ​
ຈະ​ກັບ​ຄືນ​ໄປ​ເຂົ້າ​ໂຮງຮຽນ ​ແລະ​ບັນດາລົດໄຟຈະ​ເລີ້ມ​ພາກັນ​ແລ່ນ.

ທະຫານ Belgium ກຳລັງລາຕະເວນຢູ່ກາງນະຄອນຫລວງ Brussels ແລະຕຳຫລວດດຳເນີນ ຊອກຫາຜູ້ຕ້ອງສົງໄສກໍ່ການຮ້າຍ.

ທະຫານ Belgium ກຳລັງລາຕະເວນຢູ່ກາງນະຄອນຫລວງ Brussels ແລະຕຳຫລວດດຳເນີນ ຊອກຫາຜູ້ຕ້ອງສົງໄສກໍ່ການຮ້າຍ.

ໃນ​ຂະນະ​ດຽວ​ກັນ ບັນດາ​ເຈົ້າ​ໜ້າ​ທີ່ Morocco ກ່າວ​ວ່າ Belgium ​ໄດ້​ຮ້ອງ​ຂໍ​ການ​ຮ່ວມມື​ຢ່າງ​ໃກ້ຊິດ​ໃນ​ການ​ຕາມ​ລ່າ​ຜູ້​ຕ້ອງ​ສົງ​ໄສ​ກໍ່​ການ​ຮ້າຍ​ທີ່​ນະຄອນຫລວງ​ປາ​ຣີ ທ້າວ Salah Abdeslam ທີ່​ສາມາດ​ຫຼົບຫຼີກການ​ຈັບ​ກຸມ ນັບ​ແຕ່​ໄດ້​ຂ້າມ​ຊາຍ​ແດນ​ເຂົ້າ​ໄປສູ່ Belgium ບໍ່​ເທົ່າ​ໃດ​ຊົ່ວ​ໂມງ​ຫລັງ​ຈາກ​ການ​ໂຈ​ມຕີ ທີ່​ເຮັດ​ໃຫ້ 130 ຄົນ​ເສຍ​ຊີວິດ.

ທ້າວ Salah Abdeslam, ສັນຊາດ Belgium ທີ່ຕຳຫລວດຝຣັ່ງກຳລັງຕິດຄາມຫາ

ທ້າວ Salah Abdeslam, ສັນຊາດ Belgium ທີ່ຕຳຫລວດຝຣັ່ງກຳລັງຕິດຄາມຫາ

ໃນ​ອາທິດ​ແລ້ວນີ້ ​ເຈົ້າໜ້າ​ທີ່ Morocco ​ໄດ້​ຊ່ວຍ​ນຳພາ ແຈ້ງ​ໃຫ້ຕຳ ຫລວດ​ຝຣັ່ງຊາບ​ກ່ຽວ​ກັບບ່ອນ​ພັກ​ເຊົາຢູ່​ທາງ​ພາກ​ເໜືອ​ນະຄອນ​ປາຣີ ​ທີ່ຜູ້​ຕ້ອງ​ສົງ​ໄສ​ອີກ​ຄົນ​ນຶ່ງ ຊຶ່ງ​ເປັນຫົວໜ້າ​ວາ​ງ​ແຜນ​ຄາດ​ຕະກຳ​ໝູ່ທ້າວ Abdelhamid Abaaoud ​ໄດ້​ຖືກ​ສັງຫານໃນ​ການ​ບຸກ​ເຂົ້າ​ໄປ​ກວດຄົ້ນ​ເມື່ອ​ວັນ​ທີ​ 18​ ພະຈິກທີ່​ຜ່ານ​ມາ.

ຢູ່ຕາມຊາຍແດນ ມີການກວດກາຢ່າງເຄັ່ງຄັດ

ສ່ວນຢູ່​ທີ່ແຫ່ງອື່ນໆນັ້ນ ຕຳຫລວດ​ຢູ່​ພາກ​ໃຕ້ ນະຄອນ​ຫລວງປາຣີ ທີ່​ເຂດ​ Montrouge ​ໃນ​ວັນ​ຈັນ​ວານ​ນີ້ ​ໄດ້​ວິ​ເຄາະ​ເບິ່ງສາຍ​ແອວ​ສະລະ​ຊີບ ທີ່​ໄດ້​ພົບ​ເຫັນ​ຢູ່​ກະ​ໂລ່ງ​ຂີ້​ເຫ​ຍື້ອ. ​ອົງການ​ຂ່າວ AP ​ໄດ້​ອ້າງຄຳ​ເວົ້າຂອງເຈົ້າ​ໜ້າ​ທີ່​ຕຳຫຼວດ​ຝຣັ່ງຄົນ​ໜຶ່ງ​ ທີ່ກ່າວ​ວ່າ ການ​ວິໄຈເບິ່ງ​ສາຍ​ແອວ​ໃນ​ຂັ້ນ​ຕົ້ນ ທີ່​ບໍ່​ມີ​ຄະ​ນວນບີບ​ນັ້ນ ສະ​ແດ​ງ​ໃຫ້​ເຫັນ​ຮ່ອງ​ຮອຍ​ຂອງ ​ລະ​ເບີດປລາສຕິກ​ທີ່​ໃຊ້​ການ​ໂຈມ​ຕີ​ຢູ່​ນະຄອນ​ປາຣີ. ສາຍ​ແອວ​ບັນຈຸລະ​ເບີດ ​ໄດ້​ພົບ​ເຫັນ​ຢູ່​ບໍລິ​ເວນ​ດຽວ​ກັນ ກັບ​ໂທລະສັບ​ມື​ຖື ຂອງຜູ້​ຫລົບ​ໜີ ທ້າວ Abdeslam ​ທີ່​ໄດ້​ພົບ​ເຫັນ​ຢູ່​ໃນ​ບໍລິ​ເວນດັ່ງ​ກ່າວ​ໃນ​ຄືນຂອງ​ການ​ໂຈມ​ຕີ.

ໃນ​ຕອນ​ແລງ​ວັນ​ຈັນວານ​ນີ້ ກະຊວງ​ຕ່າງປະ​ເທດ ສະຫະລັດ ​ໄດ້​ອອກ​ຄຳເຕືອນ ກ່ຽວ​ກັບ​ການ​ເດີນທາງຢູ່​ໃນທົ່ວ​ໂລກ ​ໂດຍ​ແຈ້ງໃຫ້​ຊາວ​ອາ​ເຣິກັນວ່າ ພວກ​ຫົວຮຸນ​ແຮງ​ລັດ​ອິສລາມແລະ​ບັນ​ກາ​ກຸ່​ມກໍ່​ການ​ຮ້າຍ​ຕ່າງໆ ຍັງ​ສືບ​ຕໍ່​ວາ​ງ​ແຜນ​ໂຈມ​ຕີ ​ຢູ່​ໃນ​ຫລຍຂົງເຂດ.”

XS
SM
MD
LG