ລິ້ງ ສຳຫລັບເຂົ້າຫາ

ລັດຖະມົນຕີ ການເງິນ ຢູໂຣບ ຫາລື ກ່ຽວກັບ ແຜນການ ສະບັບໃໝ່ ເພື່ອຊ່ອຍເຫຼືອກຣີສ


ບັນດາລັດຖະມົນຕີການເງິນຂອງຢູໂຣບ ກຳລັງປະຊຸມກັນຈາກ
ໄລຍະໄກໃນວັນພະຫັດມື້ນີ້ເພື່ອຫາລືກ່ຽວກັບທາງເລືອກຕ່າງໆ
ສຳລັບຊ່ອຍກອບກູ້ເສດຖະກິດກຣີສ ຫຼັງຈາກສະມາຊິກສະພາ ແຫ່ງຊາດຂອງປະເທດດັ່ງກ່າວໄດ້ຮັບຮອງເອົາແຜນ ການປະຕິ
ຮູບທີ່ເຄັ່ງຄັດ ໃນຕອນເຊົ້າວັນພະຫັດມື້ນີ້.

ການລົງຄະແນນສຽງເຫັນພ້ອມຕໍ່ແຜນການປະຕິຮູບນີ້ ແມ່ນໄດ້
ຮຽກຮ້ອງໃຫ້ມີຂຶ້ນໂດຍພວກເຈົ້າໜີ້ຂອງກຣີສ ພື່ອແລກປ່ຽນກັບ
ການໃຫ້ເງິນຊ່ອຍເຫຼືອກອບກູ້ເສດຖະກິດເພີ້ມຕື່ມ. ກຣີສກຳລັງ
ປະເຊີນກັບເສັ້ນຕາຍ ໃນວັນຈັນຈະມານີ້ທີ່ຈະ ຕ້ອງໄດ້ຈ່າຍເງິນ
4 ພັນ 600 ລ້ານໂດລາ ໃຫ້ແກ່ທະນາຄານກາງຂອງຢູໂຣບ.

ພັກ Syriza ຊຶ່ງເປັນພັກລັດຖະບານຂອງກຣີສ ສາມາດຮັບຜ່ານຮ່າງກົດໝາຍປະຕິຮູບທີ່ ປະຊາຊົນຄັດຄ້ານດັ່ງກ່າວດ້ວຍຄະແນນສຽງ 229 ຕໍ່ 64 ໂດຍໄດ້ຮັບການສະໜັບສະໜຸນ ຈາກພັກຝ່າຍຄ້ານຕ່າງໆທີ່ນິຍົມຢູໂຣບ. ສະມາຊິກຄົນສຳຄັນຂອງພັກ Syriza ແມ່ນຮວມ ຢູ່ໃນຈຳນວນ 38 ຄົນ ທີ່ບໍ່ເຫັນພ້ອມ ຮວມທັງ ລັດຖະມົນຕີພະລັງງານທ່ານ Panagiotis Lafazanis ແລະອະດີດລັດຖະມົນ ຕີການເງິນ ທ່ານ Yanis Varoufakis.

ນາຍົກລັດຖະມົນຕີກຣີສ ທ່ານ Alexis Tsipras ກ່າວຕໍ່ບັນດາສະມາຊິກສະພາ ກ່ອນລົງ ຄະແນນສຽງວ່າ ທ່ານບໍ່ມີທາງເລືອກ ນອກຈາກ ຮັບເອົາເງື່ອນໄຂ ຂອງພວກເຈົ້າໜີ້ກຣີສ. ທ່ານເວົ້າວ່າ “ພວກເຮົາບໍ່ເຊື່ອໃນນັ້ນ ແຕ່ພວກເຮົາຖືກບັງຄັບໃຫ້ຮັບເອົາ.”

ເພື່ອໃຫ້ກຣີສໄດ້ຮັບເງິນຊ່ອຍເຫຼືອ ຂໍ້ຕົກລົງດັ່ງກ່າວໃນຂັ້ນຕໍ່ໄປ ຈະຖືກສົ່ງໄປຍັງສະພາ ແຫ່ງຊາດ ຂອງ 19 ປະເທດສະມາຊິກເຂດໃຊ້ເງິນຢູໂຣ. ເຢຍຣະມັນມີກຳນົດທີ່ຈະລົງຄະ ແນນສຽງກ່ຽວກັບຂໍ້ຕົກລົງນີ້ໃນວັນສຸກມື້ອື່ນ.

XS
SM
MD
LG