ລິ້ງ ສຳຫລັບເຂົ້າຫາ

ອີຢູ ເຫັນພ້ອມ ທີ່ຈະໃຫ້ ສັດຕະຍາບັນ ຕໍ່​ຂໍ້​ຕົກລົງ​ປາຣີ ປີ 2015


ບັນດານັກເຄື່ອນໄຫວສິ່ງແວດລ້ອມ ພາກັນຈັບແຂນເຮັດເປັນ ຮູບສັນຕິພາບ.

ບັນດານັກເຄື່ອນໄຫວສິ່ງແວດລ້ອມ ພາກັນຈັບແຂນເຮັດເປັນ ຮູບສັນຕິພາບ.

ບັນດາ​ລັດຖະມົນຕີ​ສິ່ງ​ແວດ​ລ້ອ​ມສະຫະພາບ​ຢູ​ໂຣບຢູ່​ນະຄອນ Brussels ​ໄດ້ໃຫ້ການ​ອະນຸມັດ​ຢ່າງ​ເປັນ​ເອກ​ກະສັນ ຕໍ່​ຂໍ້​ຕົກລົງ​ປາຣີ ປີ 2015 ກ່ຽວກັບ​ການ​ປ່ຽນ​ແປງຂອງ​ດິນ​ຟ້າ​ອາກາດ. ສະຫະພາບ​ຢູ​ໂຣບຈຳ​ເປັນຈະຕ້ອງໄດ້ເຊັນ​ຂໍ້​ຕົກ ລົງ​ນີ້ ເພື່ອ​ຈະ​ສາມາດມີ​ບ່ອນ​ນັ່ງໃນໂຕະສົນທະນາ ​ເລື້ອງ​ດິນ​ຟ້າ​ອາກາດ​ ຊຶ່ງ​ກຳນົດ​ຈະ​ຈັດ​ຂຶ້ນໃນ​ເດືອນ​ພະ​ຈິກ ທີ່ເມືອງ Marrakech ປະ​ເທດ Morocco.

ສະພາ​ຢູ​ໂຣບ ຈະ​ລົງ​ຄະ​ແນນ​ສຽງ ​ກ່ຽວ​ກັບ​ຂໍ້​ຕົກລົງ​ວ່າ​ດ້ວຍ​ການ​ປ່ຽນ​ແປງ​ຂອງ ດິນ​ຟ້າ​ອາກາດ​ໃນ​ວັນ​ອັງຄານ​ຈະ​ມາ​ເຖິງ​ນີ້. ການເຄື່ອນ​ໄຫວ​ດັ່ງກ່າວຈະ​ຕິດ​ຕາມ​ດ້ວຍຂັ້ນຕອນ​ການ​ດຳ​ເນີນການ​ຢ່າງ​ວອງ​ໄວ ​ເພື່ອ​ໃຫ້​ໄດ້​ຮັບ​ການ​ອະນຸຍາດ​ຢ່າງ ​ເປັນ​ລາ​ຍລັກ​ອັກສອນ ຈາກ​ປະມຸກ​ຂອງ​ປະ​ເທດຕ່າງໆ. ຂໍ້​ຕົກລົງ​ວ່າ​ດ້ວຍ​ການ ປ່ຽນ​ແປງຂອງ​ດິນ​ຟ້າ​ອາ​ກາດຈະ​ເລີ້ມມີ​ຜົນ​ບັງຄັບ​ໃຊ້​ກໍ​ຕໍ່​ເມື່ອ 55 ປະ​ເທດ​ທີ່ໄລ​່ຮວມກັນ​ແລ້ວ​ຜະລິດ​ການ​ປ່ອຍ​ແກັສ​ເຮືອນ​ແກ້ວ 55 ​ເປີ​ເຊັນ​ຂອງ​ໂລກ ຕ້ອງ​ເຊັນ​ຂໍ້​ຕົກລົງ​. ຫລັງ​ຈາກ​ນັ້ນນຶ່ງ​ເດືອນ ຂໍ້​ຕົກລົງນີ້ ຈຶ່ງ​ຈະ​ເລີ້ມມີ​ຜົນບັງຄັບ​ໃຊ້.

ທ່ານ Miguel Arias Canete ກຳມາ​ທິການ​ຂອງສະຫະພາບ​ຢູ​ໂຣບ ​ຮັບຜິດຊອບກ່ຽວ​ກັບ​ການປະຕິບັດ​ງານ ​ດ້ານອາກາດ ​ແລະ​ພະລັງງານ ກ່າວ​ຕໍ່​ບັນດາ​ນັກ​ຂ່າວ​ ຫລັງ​ຈາກ​ກອງປະຊຸມ​ໃນ​ວັນ​ສຸກ​ວານ​ນີ້​ວ່າການ​ຕັດສິນ​ໃຈ​ຢ່າງເປັນເອກ​ກະສັນ​ບໍ່​ໄດ້ບ່ອນ​ທຳລາຍ​ຕໍ່ການ​ລົງ​ຄະ​ແນນ​ສຽງໃນ​ບັນດາປະ​ເທດ​ສະມາ ຊິກ. “​ໃນ​ຄວາມ​ເຫັນ​ກ່ຽວ​ກັບ​ການ​ສ່ຽງ​ຂອງຂໍ້​ຕົກລົງ​ປາຣີ ທີ່​ຈະ​ເລີ້ມມີ​ຜົນ​ບັງຄັບໃຊ້​ ໂດຍປາດ​ສະ​ຈາກ​ ສະຫະພາບ​ຢູ​ໂຣບນັ້ນ ພວ​ກ​ເຮົາ​ໄດ້​ເອົາ​ການ​ຕັດສິນ​ໃຈ​ຢ່າງ​ເຫັນ​ພ້ອມ​ທັງ​ໝົດ. ການໃຫ້​ສັດຕະຍາບັນ​ຂອງ​ສະ ພາ​ແຫ່ງ​ຊາດ​ ແມ່ນ​ເປັນທີ່​ເຄົາລົບ​ຢ່າງ​ເຕັມທີ່.”

ປະທານາທິບໍດີຝຣັ່ງ ທ່ານ Francois Hollande, ຢືນຢູ່ກາງແຖວໜ້າ, ຖ່າຍຮູບຮ່ວມກັບບັນດາກຸ່ມຜູ້ນຳໂລກ.

ປະທານາທິບໍດີຝຣັ່ງ ທ່ານ Francois Hollande, ຢືນຢູ່ກາງແຖວໜ້າ, ຖ່າຍຮູບຮ່ວມກັບບັນດາກຸ່ມຜູ້ນຳໂລກ.

ສະມາຊິກ 28 ປະ​ເທດ​ຂອງ​ສະຫະພາບ​ຢູ​ໂຣບ​ ​ແມ່ນ​ມີ​ຄວາມ​ກະຕືລືລົ້ນ​ທີ່​ຈະ​ພິສູດ​ໃຫ້​ເຫັນ​ວ່າ ຕົນ​ສາມາດ​ແກ້​ໄຂ​ບັນຫາ​ສຳຄັນ​ນີ້ຢ່າງມີ​ປະສິດທິ​ຜົນ ​ໃນ​ຂະນະ​ທີ່​ປະ​ເຊີນ​ໜ້າ​ ກັບ​ວິ​ກິ​ດການ​ຫຼາຍ​ຢ່າງ​ຢູ່ໃນ​ຂະນະ​ດຽວ​ກັນ​. ກຳມາ​ທິການ Arias Canete ກ່າວ​ວ່າ ຊື່​ສຽງ​ຂອງຢູ​ໂຣບແມ່ນ​ສຳຄັນ.

“​ເພາະວ່າ ຈື່​ໄວ້​ວ່າ​ເຂົາ​ເຈົ້າ​ເວົ້າ​ວ່າ ຢູ​ໂຣບແມ່ນ​ຫຍຸ້ງຍາກ​ຫຼາຍ​ທີ່​ຈະ​ຕົກລົງ​ຢ່າງ​ວ່ອງ​ໄວ. ​ເຂົາ​ເຈົ້າ​ກ່າວ​ວ່າ ພວກ​ເຮົາ​ມີ​ສິ່ງ​ກີດ​ຂວາງ​ຢ່າງ​ຫລວງຫລາຍ ​ເຂົາ​ເຈົ້າ​ກ່າວ​ວ່າ ພວກ​ເຮົາ​ທັງ​ໝົດໄດ້ກ່າວແລະ​ເຂົາ​ເຈົ້າ​ຍັງ​ໄດ້​ເລີ້ມ​ຖາມ​ວ່າ ຫົວ​ໃຈ​ຂອງ​ພວກ​ເຮົາ​ໄດ້​ຢູ່​ໃນ​ນັ້ນ​ແທ້​ບໍ່. ປັດຈຸບັນ​ ​ມັນໄດ້​ສະ​ແດງ​ໃຫ້​ເຫັນ​ ຢ່າງແຈ່​ມແຈ້ງວ່າ ພວກ​ເຮົາ​ໝາຍ​ເຖິງ​ ຄວາມ​ສຳຄັນ.” ປະທານຄະນະ​ກຳມາທິການຢູ​ໂຣບ ທ່ານ Jean-Claude Juncker ​ໄດ້ເນັ້ນຢ້ຳ​ເຖິງ​ຄວາມ​ສຳຄັນ​ກ່ຽວ​ກັບການໃຫ້​ສັດຕະ ຍາ​ບັນຢ່າງ​ໄວຂອງ​ສະຫະພາບຢູ​ໂຣບ ລະ​ຫວ່າງ ກ່າວຄຳ​ປາ​ໄສກ່ຽວ​ກັບ​ສະພາບຂອງ​ຢູໂຣບເມື່ອກາງ​ເດືອນ​ກັນຍາຜ່ານ​ມາໂດຍ​ກ່າວ​ວ່າ “ການ​ແກ່ຍາວ​ຕໍ່​ການໃຫ້​ສັດຕະຍາບັນ​ຂອງ​ພວກ​ເຮົາ ​ຈະ​ມີ​ຜົນ​ກະທົບຕໍ່​ຄວາມ​ໜ້າ​ເຊື່ອ ​ຖືຂອງ​ພວກ​ເຮົາ ​ແລະ​ເຮັດໃຫ້ພວກເຮົາ​ເບິ່ງ​ແລ້ວ​ເປັນໜ້າ​ຢາກຫົວ."

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG