ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ກຸ່ມ G-20 ຢາກໃຫ້ EU ທຸ່ມເທເງິນ ໃສ່ກອງທຶນສາກົນຕື່ມອີກ


Yuichiro Miura training in Tokyo for his 2013 climb up Mount Everest. (Miura Dolphins)
Yuichiro Miura training in Tokyo for his 2013 climb up Mount Everest. (Miura Dolphins)

ບັນດາ​ລັດຖະມົນຕີ​ການ​ເງິນ​ຈາກ 20 ປະ​ເທດ​ນໍາ​ໜ້າດ້ານ​ເສດຖະກິດຂອງ​ໂລກ​ກ່າວ​ວ່າ
ສະຫະພາບ​ຢູ​ໂຣບຈະ​ຕ້ອງ​ທຸ່ມ​ເທ​ເງິນ​ຕື່ມ​ອີກ​ໃສ່ກອງ​ທຶນ​ທີ່​ມີ​ວັດຖຸ​ປະສົງ​ເພື່ອ​ຈໍ​າກັດ​ວິ​ກິດ
ການ​ໜີ້​ສິນ​ຂອງ​ເຂດ​ຢູ​ໂຣນັ້ນ ກ່ອນ​ທີ່​ປະ​ເທດ​ອື່ນໆ​ຈະ​ສະໜອງ​ເງິນ​ຕື່ມ​ອີກ​ໃຫ້​ແກ່​ກອງ​
ທຶນ​ສາກົນ ຫລື IMF ​ເພື່ອ​ສົມທົບ​ກັນ​ນັ້ນ.

ຫລັງ​ຈາກ​ທໍາ​ການ​ພົບ​ປະກັນ​ເປັນ​ເວລາ 2 ມື້​ ທີ່​ນະຄອນຫລວງ Mexico City ກຸ່ມ 20
ປະເທດ​ໄດ້​ອອກ​ຖະ​ແຫລ​ງການ​ສະບັບ​ນຶ່ງ ເວົ້າ​ວ່າ ​ເຖິງ​ແມ່ນຮ່ອງຮອຍ​ຕ່າງໆ​ໃນ​ຫວ່າງ​
ໄວໆ​ມານີ້ ຊີ້​ໃຫ້​ເຫັນ​ວ່າ​ເສດຖະກິດໂລກ​ໄດ້​ຟື້ນ​ໂຕ​ຄືນ​ມາ​ແດ່​ແລ້ວກໍ​ຕາມ ​ແຕ່ກໍ​ຍັງ​ຄົງ​ມີ
ຄວາມ​ສ່ຽງສູງ​ຢູ່.

ທ່ານ​ນາງ Christine Lagarde ຜູ້​ອໍານວຍ​ການ​ກອງ​ທຶນ​ສາກົນກ່າວ​ວ່າ ບໍ່​ມີ​ປະ​ເທດ​ໃດ​
ໃນບັນດາ​ກຸ່ມ G-20 ​ໂຕ້​ແຍ້​ງຕໍ່​ຄວາມ​ຈໍາ​ເປັນ​ທີ່ຈະ​ຕ້ອງ​ຂະຫຍາຍ​ວົງ​ເງິນປ້ອງ​ກັນ​ຂຶ້ນ​ອີກ​
ນີ້​. ກອງທຶນ​ສາກົນ​ກໍາລັງ​ຊອກ​ຫາວົງ​ເງິນ​ໃນ​ຈໍານວນ 500 ຕື້​ໂດ​ລາ ເພື່ອສົມທົບ​ໃສ່​ກັບ
ຄວາມ​ໝັ້ນໝາຍໃນ​ຈໍານວນ​ທີ່​ສົມ​ມາ​ສົມຄວນຈາກຢູ​ໂຣບ​.

ພວກ​ປະ​ເທດ​ໃນ​ຢູ​ໂຣບ​ໄດ້​ໃຫ້​ຄໍາ​ໝັ້ນ​ສັນຍາ​ທີ່​ຈະ​ໃຫ້​ເງິນ​ຈໍານວນເກືອບ 200 ຕື້​ໂດ​ລາ​ແກ່​
ກອງ​ທຶນ​ສາກົນ​ຫລື IMF ​ແຕ່​ມາ​ຮອດປັດຈຸບັນ​ນີ້ ພວກ​ປະ​ເທດ​ອື່ນໆ​ບໍ່​ມີ​ຄວາມ​ເຕັມ​ໃຈ
​ປານ​ໃດ​ທີ່​ຈະ​ໃຫ້​ເງິນຕື່ມ​ອີກ ນອກຈາກ​ວ່າ ຢູ​ໂຣບ​ເພີ່ມ​ເງິນ​ຕົນ​ເອງ​ຕື່ມໃສ່​ກອງ​ທຶນ​ຊ່ອຍ​ກູ້
​ຕົນເອງ ຈໍານວນ 660 ຕື້ໂດ​ລາ ​ຊຶ່ງ​ກໍານົດ​ຈະ​ມີ​ຜົນ​ບັງຄັບ​ໃຊ້​ຕັ້ງ​ແຕ່ເດືອນ​ກໍລະກົດ​ປີ​ນີ້​ເປັນ
​ຕົ້ນ​ໄປ. ພວກ​ປະ​ເທດ​ທີ່​ໃຊ້​ເງິນ​ຕາ​ຢູ​ໂຣກໍານົດຈະທໍາ​ການ​ໂອ້​ລົມ​ສົນທະນາ​ກັນ​ ເລື້ອງຄວາມ
ແຂງ​ແຮງຂອງ​ແຫ​ລ່ງເງິນຊ່ອຍ​ກູ້​ໜີ້ສິນ​ຂອງ​ເຂົາ​ເຈົ້າ​ໃນ​ເດືອນ​ຕໍ່ໜ້າ​ນີ້.

ທ່ານ Timothy Geithner ລັດຖະມົນຕີ​ການ​ເງິນ​ສະຫະລັດ​ກ່າວ​ວ່າ ພວກ​ລັດຖະມົນຕີ​
ການເງິນຂອງ​ກຸ່ມ G-20 ມີ​ກໍາລັງ​ໃຈ​ນໍາ​ຄວາມ​ຄືບໜ້າ​ທີ່​ໄດ້​ດໍາ​ເນີນ​ມາ​ຂອງ​ສະຫະພາບ​
ຢູ​ໂຣບ​ ໃນລະຫວ່າງ​ບໍ່​ເທົ່າ​ໃດ​ເດືອນ​ຜ່ານ​ມາ​ນີ້ ​ແຕ່​ເງິນ​ຊ່ອຍ​ກູ້​ໜີ້​ສິນ​ ບໍ່​ແມ່ນ​ການ​ແກ້​ໄຂ​
ພຽງ​ອັນ​ດຽວ ​ຕໍ່​ວິ​ກິດ​ການ​ໜີ້​ສິນ​ນີ້.

XS
SM
MD
LG