ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ອົບພະຍົບ 4,500 ຄົນໄດ້ຖືກ ຊ່ວຍເຫຼືອ ຂຶ້ນຈາກ ທະເລ ເມດີເທເຣນຽນ


ຄະນະກຳມະການເພື່ອນະໂຍບາຍບ້ານໃກ້ເຮືອນຄຽງ ຢູໂຣບ ທ່ານ Johannes Hahn ຈັບມືກັບອົບພະຍົບຄົນໜຶ່ງທີ່ສູນ
ແຫ່ງໜຶ່ງ ໃກ້ກັບເມືອງ Gevgelija. 19 ກັນຍາ, 2015.
ຄະນະກຳມະການເພື່ອນະໂຍບາຍບ້ານໃກ້ເຮືອນຄຽງ ຢູໂຣບ ທ່ານ Johannes Hahn ຈັບມືກັບອົບພະຍົບຄົນໜຶ່ງທີ່ສູນ ແຫ່ງໜຶ່ງ ໃກ້ກັບເມືອງ Gevgelija. 19 ກັນຍາ, 2015.

ຕຳຫຼວດ​ຍາມ​ຊາຍ​ຝັ່ງ​ຂອງ ອິິຕາ​ລີ ກ່າວ​ວ່າ ຫຼາຍ​ກວ່າ 4500 ຄົນ​ໄດ້​ຖືກ​ຊ່ວຍ​ເຫຼື​ອ​ຢູ່​ນອກ​ຊາຍ​ຝັ່ງ​ຂອງ ລີ​ເບຍ ​ໃນ​ວັນ​ເສົາ​ວານ​ນີ້, ​ໃນ​ຂະນະ​ທີ່​ນຳ​ທະ​ເລ​ສະຫງົບ​ໄດ້​ພັດ​ເອົາ​ບັນດາ ອົບ​ພະ​ຍົບທີ່​ຟ້າວ​ພະຍາຍາມ​ເດີນທາງ​ເຂົ້າ​ໄປ​ໃນ ຢູ​ໂຣບ ​ໃນ​ເຮືອ​ທີ່​ແອ​ອັດ​ ​ແລະ ​ເຮືອ​ບັນທຸກ​ທ້ອງ​ແບນ.

​ຖະ​ແຫຼ​ງການຂອງຕຳຫຼວດ​ຍາມ​ຊາຍ​ຝັ່ງ​ໄ​ດ້ກ່າວ​ວ່າ ທາງ​ໜ່ວຍ​ງານ​ໄດ້​ປະສານ​ງານ​ກັບ​ໜ່ວຍກູ້​ໄພ 20 ໜ່ວຍ, ​ແລະ​ກ່າວ​ວ່າ ສົບ​ຂອງ​ແມ່ຍິງ​ຄົນ​ໜຶ່ງ​ໄດ້​ຖືກ​ພົບ​ເຫັນ​ໃນ​ເຮືອ​ທ້ອງ​ແບນ​ລຳ​ໜຶ່ງ. ໜ່ວຍ​ກູ້​ໄພ​ຂອງ ກຣິສ ​ແລະ ​ເຮືອ​ຈາກ ​ເຢຍລະ​ມັນ, ໂຄຣ​ເອ​ເຊຍ ​ແລະ ອັງກິດ ​ແມ່ນ​ໄດ້​ເຂົ້າ​ຮ່ວມໃນ​ພາລະກິ​ດນີ້ ພ້ອມ​ດ້ວຍ​ເຈົ້າ​ໜ້າ​ທີ່​ຈາກ​ກຸ່ມແພດ​ບໍ່​ມີ​ພົມ​ແດນ.

ຜູ້ປະສານ​ງານ​ການ​ແພດ​ສຸກ​ເສີນ ທ່ານ Simon Burroughs ​ໄດ້​ກ່າວ​ຕໍ່​ອົງການ​ຂ່າວ​ຂອງ ຝຣັ່ງ ​ວ່າ “ພວກ​ເຮົາ​ໄດ້​ເລີ່​ມກ່ອນ​ຟ້າ​ສະຫວ່າງ​ໃນ​ຕອນ​ເຊົ້າ​ມື້​ນີ້​ພ້ອມ​ດ້ວຍ​ການ​ກູ້​ໄພ​ຄັ້ງ​ທຳ​ອິ​ດຂອງ​ພວກ​ເຮົາ. ພວກ​ເຮົາ​ໄດ້​ກອບ​ກູ້​ເອົາເຮືອໄມ້ 2 ລຳ ​ແລະ ​ເຮືອ​ຢາງ 2 ລຳ.” ທ່ານ​ໄດ້ກ່າວ​ວ່າ ຜູ້​ທີ່​ໄດ້​ຖືກ​ຊ່ວຍ​ເຫຼືອ​ນັ້ນ​ລວມມີ​ຊາວ Eritrea, ​ໄນ​ຈີ​ເຣຍ, ​ໂຊມ​າລີ, ລີ​ເບຍ, ຊີ​ເຣຍ ​ແລະ ອາ​ຟຣິກາ ຕາ​ເວັນ​ຕົກ.

ການ​ເພີ່ມ​ຂຶ້ນ​ຂອງ​ອົບ​ພະ​ຍົບ​ໃນວັນ​ເສົາ​ວານ​ນີ້ ​ໄດ້​ເກີດ​ຂຶ້ນ​ຫຼັງ​ຈາກ​ສະພາບ​ອາກາດ​ທີ່​ບໍ່​ດີ​ ທີ່​ໄດ້​ເຮັດ​ໃຫ້ການ​ໄຫຼເຂົ້າ​ຂອງ​ອົບ​ພະຍົບຊ້າ​ລົງ. ສະພາບ​ການ​ແມ່ນ​ເກີດຂຶ້ນ​ພ້ອມໆ​ກັບ​ບັນດາ​ຜູ້ນຳ ຢູ​ໂຣບ ສືບ​ຕໍ່​ດີ້ນຮົນໃນ​ການ​ຮັບ​ມື​ກັບ​ການ​ເຄື່ອນ​ຍ້າຍ​ຂອງ​ມວນ​ມະນຸດ​ເຂົ້າ​ສູ່ທະວີບ ດັ່ງກ່າວ​ຕັ້ງ​ແຕ່​ສົງຄາມ​ໂລກ​ຄັ້ງ​ທີ 2​ເປັນ​ຕົ້ນ​ມາ.

ສຳລັບ​ບ່ອນ​ອື່ນ, ປະ​ເທດ ອອສ​ເຕຣຍ ​ໃນ​ວັນ​ເສົາ​ວານ​ນີ້​ໄດ້​ຮັບເອົາ​ຊາວ​ອົບ​ພະຍົບຫຼາຍ 10000 ຄົນ​ເພີ່ມ​ຂຶ້ນ, ຫຼັງ​ຈາກ​ເຈົ້າ​ໜ້າ​ທີ່ຂອງ ຮັງ​ກາຣີ ​ໃນ​ວັນ​ສຸກ​ທີ່​ຜ່ານ​ມາ​ໄດ້​ປ່ຽນ​ກົນລະ ຍຸດ ​ແລະ ​ເລີ່​ມ​ເຄື່ອນ​ຍ້າຍ​ຊາວ​ອົບ​ພະຍົບຫຼາຍ​ພັນ​ຄົນ​ໄປ​ຍັງ​ເຂດ​ຊາຍ​ແດນ​ຂອງ
ອອສ​ເຕຣຍ.

XS
SM
MD
LG