ບັນດາຜູ້ສະມັກ ພັກຣີພັບບລິກັນ ໄດ້ຊະນະບ່ອນນັ່ງພຽງພໍ
ໃນວັນອັງຄານວານນີ້ໃນການເລືອກຕັ້ງລັດຖະສະພາ ເພື່ອ
ເຂົ້າຄວບຄຸມສະພາສູງສະຫະລັດ.
ພັກເດໂມແຄຣັດ ກຳບ່ອນນັ່ງຢູ່ 55 ບ່ອນ ໃນສະພາສູງ ທີ່ມີ
ບ່ອນນັ່ງທັງໝົດ 100 ບ່ອນ ແຕ່ບັດນີ້ ພັກຣີພັບບລິກັນ ໄດ້
ຮັບບ່ອນນັ່ງຕື່ມອີກຢ່າງໜ້ອຍເຈັດບ່ອນໂດຍໄດ້ຮັບໄຊຊະ
ນະທີ່ລັດ Arkansas, Colorado, Iowa, Montana,
North Carolina, South Dakota ແລະ West Virginia.
ນຶ່ງສ່ວນສາມຂອງບ່ອນນັ່ງໃນສະພາສູງ ແມ່ນໄດ້ມີການ
ເລືອກຕັ້ງໃໝ່ໃນວັນອັງຄານວານນີ້ ຮວມທັງບ່ອນນັ່ງໃນລັດ Kentucky ຂອງຜູ້ນໍາ ພັກ ຣີພັບບລີກັນ ຢູ່ໃນສະພາສູງ ທ່ານ Mitch McConnell. ທ່ານໄດ້ກຳຕຳແໜ່ງນີ້ມາເຖິງ
ຫົກສະໄໝແລ້ວ.
ຜູ້ຊະນະ ການເລືອກຕັ້ງ ສະພາສູງ
ນອກນັ້ນ ພັກຣີພັບບລິກັນ ຍັງໄດ້ຂະຫຍາຍການກຳສຽງສ່ວນຫລາຍຂອງຕົນຢູ່ ໃນສະ
ພາຕໍ່ານຳອີກ ໂດຍອຳນວຍໃຫ້ເຂົາເຈົ້າ ເຂົ້າຄວບຄຸມລັດຖະສະພາໂດຍ ເຕັມໃນລະຍະ
ສອງປີສຸດທ້າຍຂອງການດຳລົງຕຳແໜ່ງປະທານາທິບໍດີ Barack Obama.
ຍ້ອນຄະແນນນິຍົມຂອງປະທານາທິບໍດີ Obama ຕົກຕໍ່າ ບັນດາຜູ້ກຳຕຳແໜ່ງ ຂອງພັກ
ເດໂມແຄຣັດ ຈຶ່ງບໍ່ໄດ້ເຊື້ອເຊີນປະທານາທິບໍດີ ໄປຮ່ວມໂຄສະນາຫາສຽງແກ່ເຂົາເຈົ້າ
ແລະມັກຈະຊີ້ບອກເຖິງອັນທີ່ເຂົາເຈົ້າບໍ່ເຫັນດີກັບທ່ານເຊັ່ນວ່າ ປະກັນໄພສຸຂະພາບ
ແລະບັນຫາພະລັງງານ.
ໃນການເຂົ້າຄວບຄຸມລັດຖະສະພາທັງໝົດນັ້ນ ພັກຣີພັບບລິກັນອາດຈະທຳການ ໂຕ້
ຖຽງຮອບໃໝ່ ກັບປະທານາທິບໍດີ Obama ກ່ຽວກັບກົດໝາຍທີ່ເປັນຜົນສຳເລັດຂອງ
ທ່ານ ຄືການປະຕິຮູບປະກັນໄພສຸຂະພາບ ທີ່ອຳນວຍໃຫ້ຫຼາຍລ້ານຄົນ ມີປະກັນປະກັນໄພສຸຂະພາບ ທີ່ເຂົາເຈົ້າບໍ່ສາມາດຊື້ໄດ້ໃນເມື່ອກ່ອນນັ້ນ. ສະມາ ຊິກພັກຣີພັບບລິກັນ
ຫລາຍທ່ານເຫັນວ່າ ກົດໝາຍນີ້ປ່ອຍໃຫ້ລັດຖະບານເຂົ້າພົວ ພັນເກີນຂອບເຂດ ແລະ
ໄດ້ຮຽກຮ້ອງຊ້ຳແລ້ວຊ້ຳອີກ ໃຫ້ລົບລ້າງ ກົດໝາຍດັ່ງ ກ່າວນີ້.
ນອກນັ້ນ ສະມາຊິກພັກຣີພັບບລິກັນ ຍັງໄດ້ໂຈມຕີ ການຮັບມືກັບວິກິດການອີ ໂບລາ
ຂອງປະທານາທິບໍດີ Obama ແລະຮຽກຮ້ອງໃຫ້ອະນຸມັດການສ້າງທໍ່ ນໍ້າມັນຈາກກາ
ນາດາ ຜ່ານເຂດພາກກາງຂອງສະຫະລັດ ແລະຫລຸດຜ່ອນກົດລະບຽບທຸລະກິດຕ່າງໆ
ຂອງລັດຖະບານ. ສະມາຊິກສະພາພັກຝ່າຍຄ້ານບາງ ທ່ານ ຍັງໄດ້ໂຕ້ຖຽງ ກ່ຽວກັບ
ການຮັບມືຂອງປະທານາທິບໍດີ ໃນການເຂົ້າແຊກແຊງຂອງຣັດເຊຍໃນຢູເຄຣນ ແລະ
ການໂຈມຕີທາງອາກາດຂອງ ສະຫະລັດ ຕໍ່ພວກຫົວຮຸນແຮງລັດອິສລາມ ໃນອີຣັກ
ແລະຊີເຣຍ.
