ລິ້ງ ສຳຫລັບເຂົ້າຫາ

ຕຳຫຼວດ ອີຈິບ ຂູ່ວ່າ ຈະໃຊ້ ລູກປືນແທ້ ຕໍ່ ພວກປະທ້ວງ (ສະໄລດ໌/ວີດີໂອ)


ຕຳຫຼວດອີຈິບຂູ່ວ່າ ຈະໃຊ້ລູກປືນແທ້ເພື່ອເປັນການປ້ອງກັນໂຕ
ກັບພວກປະທ້ວງຕໍ່ຕ້ານລັດຖະບານທີ່ເວົ້າວ່າ ພວກເຂົາເຈົ້າຈະ
ບໍ່ຍອມ ໃນການຕໍ່ສູ້ຂອງພວກເຂົາເຈົ້າ.

ກຸ່ມພະລາດອນພາບມຸສລິມ ກຳລັງທ້າທາຍ ຕໍ່ລັດຖະບານຊົ່ວ
ຄາວຂອງອີຈິບ ແລະຮຽກຮ້ອງໃຫ້ມີການໂຮມຊຸມນຸມປະທ້ວງ
ຂະໜາດໃຫຍ່ ຫຼັງການສວດມົນພະວະນາໃນວັນສຸກມື້ນີ້ ເພື່ອ ທວງໃຫ້ມີການແຕ່ງຕັ້ງປະທານາທິບໍດີທີ່ຖືກໂຄ່ນລົ້ມທ່ານ Mo-
hamed Morsi ເຂົ້າຮັບຕຳແໜ່ງຄືນໃໝ່.

ໃນຂະນະດຽວກັນ ປະທານາທິບໍດີຝຣັ່ງ ທ່ານ Francois Hol-
lande ມີແຜນທີ່ ຈະໂອ້ລົມທາງໂທລະສັບ ກັບນາຍົກລັດຖະມົນຕີເຢຍຣະມັນ ທ່ານນາງ Angela Merkel ແລະນາຍົກລັດຖະມົນຕີອັງກິດທ່ານ David Cameron ໃນວັນສຸກມື້ ນີ້ ເພື່ອຫາລືກ່ຽວກັບສະຖານະການຢູ່ໃນອີຈິບ.



ເຈົ້າໜ້າທີ່ອີຈິບ ໄດ້ກ່າວຫາ ກຸ່ມພະລາດອນພາບມຸສລິມ ແລະ ພວກສະໜັບສະໜຸນປະ
ທານາທິບໍດີ Morsi ວ່າເປັນພວກກໍ່ການຮ້າຍແລະພວກກໍ່ວິນາດສະກຳ. ກຸ່ມພະລາດອນ ພາບມຸສລິມເວົ້າວ່າ ອີຈິບພວມກັບຄືນໄປສູ່ການປົກຄອງທີ່ກົດຂີ່ຂອງພວກທະຫານ.

ໃນມື້ວັນພຸດແລ້ວນີ້ຕຳຫຼວດອີຈິບໄດ້ໃຊ້ປືນ ລົດຫຸ້ມເກາະແລະລົດດຸດເພື່ອທຳລາຍຄ້າຍ ໃຫຍ່ຂອງພວກປະທ້ວງ 2 ແຫ່ງທີ່ກຸງໄຄໂຣ. ຈຳນວນຜູ້ເສຍຊີວິດຍ້ອນຄວາມຮຸນແຮງດັ່ງ ກ່າວ ແມ່ນ 638 ຄົນ ແຕ່ກຸ່ມພະລາດອນພາບມຸສລິມເວົ້າວ່າ ມີຫຼາຍພັນຄົນ.

ພວກນັກຂ່າວແລະຜູ້ທີ່ເຫັນເຫດການລາຍງານວ່າ ໄດ້ເຫັນບ່ອນເກັບສົບແລະໂຮງໝໍຊົ່ວ ຄາວທີ່ພື້ນເຕັມໄປດ້ວຍເລືອດ ແລະສົບຄົນຕາຍ.

ປະທານາທິບໍດີສະຫະລັດ ທ່ານບາຣັກ ໂອບາມາ ໄດ້ປະກາດຍົກເລີກ ໝາຍກຳນົດການ ຊ້ອມລົບທາງທະຫານ ໃນເດືອນໜ້າ ກັບກອງທັບອີຈິບ ຊຶ່ງເປັນເຫດການທີ່ຝ່າຍອີຈິບ ມີ ຄວາມກະຕືລືລົ້ນເຂົ້າຮ່ວມນັ້ນ.
XS
SM
MD
LG