ລິ້ງ ສຳຫລັບເຂົ້າຫາ

ກຳມະການ ສະພາອີຈິບ ອະນຸມັດ ຮ່າງລັດຖະທຳມະນູນ (ສະໄລດ໌ ກັບວີດີໂອ)


ພວກປະທ້ວງ ຕໍ່ຕ້ານລັດຖະບານອີຈິບ ທີ່ຈະຕຸລັດ Tahrir ໃນນະຄອນຫຼວງໄຄໂຣ (30 ພະຈິກ 2012)

ຄະນະກຳມະການ ທີ່ຄອບງຳໂດຍ ພັກສາສະໜາອິສລາມ ໄດ້ໃຫ້
ການອະນຸມັດຕໍ່ຮ່າງລັດຖະທຳມະນູນສະບັບໃໝ່ຂອງອີຈິບຊຶ່ງໃນ
ເວລານີ້ຈະຕ້ອງໄດ້ມີການປ່ອນບັດລົງປະຊາມະຕິໃນທົ່ວປະເທດ.

ຄະນະກຳມະການ ທີ່ໄດ້ຮັບການຄັດຄ້ານບໍ່ຍອມເຂົ້າຮ່ວມ ໂດຍ
ສະມາຊິກ ທີ່ນັບຖືສາສະໜາຄຣິສຕຽນ ແລະຫົວເສລີນິຍົມນິຍົມ
ຫຼາຍໆຄົນນັ້ນຍັງຮັກສາໄວ້ຊຶ່ງຫຼັກການໃຫຍ່ໆຂອງກົດໝາຍສາ
ສະໜາອິສລາມ ໃຫ້ເປັນ ແຫຼ່ງທີ່ມາ ອັນສຳຄັນ ຂອງຮ່າງລັດຖະ
ທຳມະນູນດັ່ງກ່າວ. ຄະນະກຳມະການ ໄດ້ໃຫ້ການອະນຸມັດຢ່າງ
ຟ້າວຟັ່ງຕໍ່ຮ່າງລັດຖະທຳມະນູນທີ່ປະກອບດ້ວຍ 234 ມາດຕາໃນ
ການປະຊຸມ ທີ່ໃຊ້ເວລາ ແຕ່ຕອນບ່າຍ ຂອງວັນພະຫັດ ຫາຕອນ
ເຊົ້າຂອງວັນສຸກມື້ນີ້.

ສະພາອີຈິບໄດ້ເລັ່ງລັດການລົງຄະແນນສຽງເພື່ອຈະໃຫ້ມີການຮັບຮອງເອົາຮ່າງລັດຖະທຳ ມະນູນສະບັບນີ້ ກ່ອນວັນອາທິດ ຊຶ່ງເປັນເວລາທີ່ຄາດກັນວ່າ ຄະນະຕຸລາການສູງສຸດຂອງ ອີຈິບຈະທຳການຕັດສິນກ່ຽວກັບວ່າ ຈະຍຸບຄະນະກຳມະການນີ້ຫຼືບໍ່.



ໃນໄລຍະສອງສາມມື້ ຜ່ານມານີ້ ມີສະມາຊິກຫົວເສລີນິຍົມ ແລະສະມາຊິກ ທີ່ນັບຖືສາສະ ໜາຄຣິສຕຽນປະມານ 30 ຄົນໄດ້ຖອນໂຕອອກຈາກຄະນະກຳມະການເພື່ອເປັນການປະ ທ້ວງຕໍ່ອັນທີ່ພວກເຂົາເຈົ້າເອີ້ນວ່າການຈີ້ບັງຄັບຂັ້ນຕອນຂອງສະມາຊິກພັກສາສະໜາອິສ ລາມທີ່ຈົງຮັກພັກດີຕໍ່ປະທານາທິບໍດີ Mohammed Morsi.

ຜູ້ນຳຂອງອີຈິບໄດ້ສ້າງຄວາມວຸ້ນວາຍທາງດ້ານການເມືອງຂຶ້ນໃນສັບປະດາແລ້ວນີ້ເວລາ ທ່ານໄດ້ມອບອຳນາດໃໝ່ ໃນຂອບເຂດທີ່ກວ້າງຂວາງ ໃຫ້ແກ່ທ່ານເອງ ໂດຍຫ້າມບໍ່ໃຫ້ ຂະແໜງຕຸລາການ ທ້າທາຍຕໍ່ການຕັດສິນໃຈ ຂອງທ່ານ. ທ່ານ Morsi ໄດ້ກ່າວຕໍ່ໂທລະ ພາບຂອງທາງການອີຈິບໃນວັນພະຫັດວານນີ້ວ່າ ດຳລັດສະບັບນີ້ຈະໝົດອາຍຸລົງໃນທັນ ທີຫຼັງຈາກປະຊາຊົນໄດ້ໄປປ່ອນບັດລົງຄະແນນສຽງເພື່ອຮັບຮອງລັດຖະທຳມະນູນ.

ປະຊາຊົນຊາວອີຈິບທີ່ມີຄວາມໂກດແຄ້ນ ໃນການສວຍໂອກາດ ມອບອຳນາດໃຫ້ຕົນເອງ ຂອງປະທານາທິບໍດີ Morsi ໄດ້ໂຮມຊຸມນຸມປະທ້ວງ ມາໄດ້ຫຼາຍກວ່ານຶ່ງອາທິດແລ້ວ. ມີ 2 ຄົນເສຍຊີວິດ ແລະອີກຫຼາຍຮ້ອຍຄົນໄດ້ຮັບບາດເຈັບໃນການເດີນຂະບວນຢູ່ໃນທົ່ວປະ ເທດ.

XS
SM
MD
LG