ລິ້ງ ສຳຫລັບເຂົ້າຫາ

ນາຍ​ພົນ​ສູ​ງສຸດຂອງອີ​ຈິບ ພະຍາຍາມ​ແກ້​ໄຂ ​ບັນຫາທາງ​ເມືອງ​ (ສະໄລດ໌)


ຕໍາຫລວດປາບປາມການຈາລະຈົນ ຢືນຍາມຢູ່ນອກ ທໍານຽບປະທານາທິບໍດີ ທີ່ກຸງໄຄໂຣ, ວັນທີ 12 ທັນວາ 2012.
ນາຍ​ພົນ​ສູ​ງສຸດຂອງ​ອີ​ຈິບກໍາລັງ​ພະຍາຍາມ​ ​ຊ່ວຍແກ້​ໄຂ​ບັນ
ຫາວິ​ກິດ​ການທາງ​ເມືອງ​ຂອງ​ປະ​ເທດ ​ໂດ​ຍ​ການ​ເປັນ​ເຈົ້າພາບ
ການ​ເຈລະຈາເພື່ອ​ຄວາມ​ເປັນ​ເອກະ​ພາບລະຫວ່າງປະ​ທາ​ນາ​
ທິບໍດີ Mohammed Morsi ທີ່ສະໜັບສະໜູນ​ໂດຍ​ພວກ​ນັບ
ຖື​ຫລັກການ​ສາສະໜາ​ອິສລາມ​ຢ່າງ​ເຖິງ​ຖອງ ​ແລະ​ຝ່າຍ​ຄ້ານ
​ທີ່​ນິຍົມ​ທາງ​ໂລກ.

ນາຍ​ພົນ Abdel Fattah al-Sissi ​ໄດ້​ຮຽກກອງ​ປະຊຸມ​ໃນ​ວັນ​ພຸດ​ມື້​ນີ້ ທ່າມ​ກາງ​ການ​ແບ່ງ​ແຍກກັນ​ຢ່າງ​ໜັກ​ກ່ຽວ​ກັບການ​ລົງ​ປະຊາ​ມະຕິ ກ່ຽວ​ກັບຮ່າງ​ລັດ​ທະ​ທໍາ​ມະນູນສະບັບ​ໃໝ່.

ບັນດາ​ຜູ້​ໜຸນ​ຫລັງ​ ທ່ານ Morsi ​ໄດ້​ໃຫ້ການ​ສະໜັບສະໜູນຮ່າງ​ລັດຖະທໍາ​ມະນູນຢ່າງ​ກວ້າງ​ຂວາງ ​ໃນ​ຂະນະ​ທີ່​ຝ່າຍ​ຄ້ານ National Salvation Front ຫລື​ແນວ​ໂຮມ​ກອບ​ກູ້​ຊາດ ທີ່​ເປັນ​ກຸ່ມ​ຈັດ​ຕັ້ງປະສົມ ທີ່​ປະກອບ​ດ້ວຍ​ຫລາຍໆ​ຝ່າຍ ທີ່​ມີ​ທັງ​ພວກ​ທີ່​ນິຍົມ​ທາງ​ໂລກ ​ພວກ​ຫົວ​ເສລີ ​ແລະ​ພວກ
ສະໜັບສະໜູນ​ອະດີດ​ລັດ​ຖະ​ບານຊຸດ​ເກົ່ານັ້ນ ຂັດ​ຄ້ານ​ຕໍ່​ເອ​ກະສາ​ນດັ່ງກ່າວຢ່າງ​ແຮງ.

ສື່​ມວນ​ຊົນຂອງລັດ​ອີ​ຈິບ ກ່າວ​ວ່າ​ ຊາວ​ອີ​ຈິບໂພ້ນທະ​ເລ ປະມານ 589,000 ຄົນ​ ເລີ້ມ​ພາກັນປ່ອນ​ບັດ ລົງ​ປະຊາ​ມະ​ຕິ ​ໃນ​ວັນ​ພຸດມື້​ນີ້ ຢູ່​ຕາມ​ສະຖານທູດ ​ແລະ​ກົງ​ສູນ​ຕ່າງໆຂອງ​ປະ​ເທດ. ​ໃນ​ອີ​ຈິບ ການ​ລົງ​ປະຊາ​ມະຕິ​ແມ່ນ​ຈະ​ເລີ້ມຂຶ້ນ​ໃນ​ວັນ​ເສົາ ​ແລະ​ຈະ​ມີ​ຂື້ນອີກໃນ​ມື້​ທີ​ສອງ ຄື​ວັນ​ທີ 22 ​ເດືອນ​ທັນວານີ້.

ເບິ່ງສະໄລດ໌ສະພາບການວຸ້ນວາຍຢູ່ໃນອີຈິບ:
XS
SM
MD
LG