ລິ້ງ ສຳຫລັບເຂົ້າຫາ

ປະຊາຊົນ ທໍາການປະທ້ວງ ຕໍາຫລວດ ໃນອີຈິບ (ເບິ່ງສະໄລດ໌ກັບວີດີໂອ)

  • ສິງ ບູຣົມມະວົງ

ການເດີນຂະບວນປະທ້ວງຕໍາາຫລວດທີ່ອີຈິບ. ວັນທີ 2 ກຸມພາ 2012.

ບັນດາ​ນັກ​ເຄື່ອນ​ໄຫວ​ອີ​ຈິບ​ໄດ້​ຮຽກຮ້ອງ​ໃຫ້​ທໍາ​ການ​ເດີນ​ຂະ​ບວນຄັ້ງ​ໃຫຍ່ຂຶ້ນ​ໃນ​ວັນ​ພະຫັດ​ມື້​ນີ້​ເພື່ອ​ປະ​ທ້ວງ​ຕໍ່​ຄວາມ​ລົ້ມ​ແຫຼວ​ຂອງຕໍາຫລວດ ທີ່​ບໍ່ປ້ອງ​ກັນ​ບໍ່​ໃຫ້​ເກີດ​ຄວາມ​ວຸ້ນວາຍ​ຂຶ້ນ ໃນ​ການ​ແຂ່ງຂັນ​ເຕະບານ ທີ່​ໄດ້​ເຮັດ​ໃຫ້​ປະຊາຊົນ​ຢ່າງ​ໜ້ອຍ 74 ຄົນ​ເສຍ​ຊີວິດ ​ແລະ​ຫລາຍ​ຮ້ອຍ​ຄົນ​ໄດ້​ຮັບ​ບາດ​ເຈັບ​ໃນ​ເມືອງ Port Said ​ໃນ​ພາກ​ເໜືອ​ຂອງ​ປະ​ເທດ​ນັ້ນ.

ຜູ້​ຄົນ​ຫລາຍ​ຄົນ​ພາກັນໂມ​ໂຫ​ໂກດ​ແຄ້ນ​ ທີ່​ໂທລະພາບ​ຖ່າຍ​ທອດ​ຮູບ​ພາບໃຫ້​ເຫັນ​ພວກ​ຕໍາຫລວດ​ປາບ​ຈະລາຈົນ​ໃນ​ສະໜາມ​ກີລາ ສ່ວນ​ຫລາຍ​ພາ​ກັນ​ບໍ່​ເອົາ​ຫົວຊາ​ເລີຍໃນ​ຂະນະ​ທີ່ຄວາມ​ຮຸນ​ແຮງ​ໃນ​ການ​ແຂ່ງຂັນ​ກີລາເຕະບານ​ຄັ້ງ​ຮ້າຍ​ແຮງ​ທີ່​ສຸດ​ເກີດ​ຂຶ້ນ​ໃນ​ປະວັດ​ສາດ​ຂອງອີ​ຈິບ​ນັ້ນ.

ຄວາມ​ຮຸນ​ແຮງ​ດັ່ງກ່າວ​ໄດ້​ເກີດ​ຂຶ້ນ​ໃນ​ແລງ​ວັນ​ພຸດ​ວານ​ນີ້ ​ເວລາ​ພວກ​ແຟນກີລາເຕະບານ​ຂອງ​ທິມ​ເຈົ້າພາບ Al-Masry ບຸກລົງເດີ່ນ​ກີລາ​ຫລັງ​ຈາກ​ການ​ແຂ່ງ​ຂັດ​ສິ້ນ​ສຸດ​ລົງ​ແລ້ວ ​ໂດຍ​ທໍາ​ການ​ບຸກ​ໂຈມ​ຕີ​ພວກ​ນັກກີລາ​ແລະ​ພວກ​ສະໜັບສະໜຸນ​ຂອງ​ທີ​ມກີລາເຕະບານ Al-Ahly ທີ່ມາ​ຈາກ​ບ່ອນ​ອື່ນໂດຍ​ໃຊ້​ສິ່ງ​ຂອງ​ທີ່​ແຫລມ​ຄົມ ​ໄມ້​ຄ້ອນ​ແລະ​ກ້ອນ​ຫິນ​ນັ້ນ.

ບັນດາ​ເຈົ້າ​ໜ້າ​ທີ່​ໂຮງໝໍ ກ່າວ​ວ່າ ພວກ​ທີ່​ໄດ້​ຮັບ​ເຄາະ​ຮ້າຍ​ສ່ວນ​ຫລາຍ​ໄດ້​ເສຍ​ຊີວິດ​ຫລັງ​ຈາກ​ຖືກ​ແລ່ນ​ຢຽບ​ ຫລື​ຖືກ​ໂຍນ​ຈາກ​ເທິງ​ບ່ອນເບິ່ງ ຂອງ​ສະໜາມ​ກີລາຂະນະ​ທີ່​ພວກ​ຄົນ​ອື່ນໆເສຍ​ຊີວິດ​ຍ້ອນ​ບາດ​ແຜທີ່ຖືກ​ແທງຈາກ​ສິ່ງ​ຂອງ​ຕ່າງໆນັ້ນ.

ກຸ່ມພະລາດອນພາບ​ມຸສລິ​ມ ຊຶ່ງ​ເປັນ​ພັກ​ການ​ເມືອງ​ໃຫຍ່​ທີ່​ສຸດ​ຂອງ​ອີ​ຈິບ ຖິ້ມ​ໂທດ​ຄວາມ​ຮຸນ​ແຮງ​ນີ້​ໃສ່​ພວກ​ສະໜັບສະໜຸນ​ອະດີດ​ປະທາ ນາທິບໍດີ​ໂຮ​ສນີ ມູບາຣັກ ທີ່​ໄດ້​ຖືກ​ໂຄນ​ລົ້ມ​ອອກ​ຈາກ​ອໍານາດ​ໄປ​ນັ້ນ ​ໂດຍ​ກ່າວວ່າ ບາງ​ຄົນ​ມີ​ຄວາມ​ຕັ້ງ​ໃຈ​ ເພື່ອ​ຢາກ​ບັງຄັບ​ອີ​ຈິບໃຫ້​ເກີດ​ຄວາມ​ວຸ້ນວາຍ​ແລະ​ຄວາມ​ພິນາດ​ນີ້.

ຄະນະ​ລັດຖະບານ​ແລະ​ລັດຖະສະພາ​ຂອງ​ອີ​ຈິບ ຈະ​ທໍາ​ການ​ໂອ້​ລົມ​ສົນທະນາ​ກັນ​ເລື້ອງ​ເຫດການ​ເຫລົ່ານີ້ໃນ​ລະຫວ່າງ​ການ​ປະຊຸມສຸກ​ເສິນ​ໃນ​ວັນ​ພະຫັດ​ມື້​ນີ້ ​ໃນ​ວັນ​ເລີ້ມ​ຕົ້ນ​ຂອງ​ຊ່ວງ​ເວລາ​ໄວ້ທຸກຢ່າງ​ເປັນ​ທາງ​ການ​ເປັນ​ເວລາ 3 ມື້.

ຈອມພົນ Mohamed Tantawi ຫົວໜ້າ​ປົກຄອງ​ທະຫານ​ອີ​ຈິບ ​ໄດ້ຈັດ​ຕັ້ງ​ໜ່ວຍ​ງານ​ນຶ່ງ​ຂຶ້ນ​ເພື່ອ​ທໍາ​ການ​ສືບ​ສວນ​ເຫດການ​ດັ່ງກ່າວ ​ແລະ​ໃຫ້​ຄໍາ​ໜັ້ນສັນຍາ​ວ່າ ຄວາມ​ວຸ້ນ​ວາຍ​ທີ່​ວ່າ​ນີ້ ຈະ​ບໍ່​ສົ່ງ​ຜົນ​ກະທົບກະເທືອ​ນ​ໃດໆຕໍ່​ອີ​ຈິບ ​ແລະ​ຄວາມ​ປອດ​ໄພ​ຂອງ​ປະ​ເທດ.

XS
SM
MD
LG