ລິ້ງ ສຳຫລັບເຂົ້າຫາ

ອີຈິບຢາກມີ ສາຍພົວພັນ ທີ່ໃກ້ຊິດຂຶ້ນ ກັບອີຣ່ານ (ສະໄລດ໌ກັບວີດີໂອ)

  • ສິງ ບູຣົມມະວົງ

ທ່ານ Mohamed Morsi ປະທານາທິບໍດີທີ່ຖືກເລືອກຕັ້ງໃໝ່ຂອງ ອີຈິບ. ວັນທີ 25 ມິຖຸນາ 2012.



















ລາຍ​ງານ​ສື່​ແຫ່ງ​ລັດ​ຂອງ​ອີຣ່ານກ່າວ​ວ່າ ທ່ານ Mohamed Morsi ປະທາ​ນາ​ທິບໍດີ​ທີ່​ຖືກ​ເລືອກ​ຕັ້ງ​ໃໝ່​ຂອງ​ອີຈິບ ຢາກເສີມ​ສ້າງສາຍ​ພົວພັນ​ກັບ​ອີຣ່ານ​ໃຫ້ເຂັ້ມ​ແຂງ​ຂຶ້ນ.

ອົງການ​ຂ່າວ​ເຄິ່ງທາງ​ການ Fars ຂອງ​ອີຣ່ານ ໄດ້ລາຍ​ງານ​ຂ່າວ ໃນ​ວັນ​ຈັນ​ມື້​ນີ້​ ອ້າງ​ຄໍາ​ເວົ້າ​ຂອງ​ທ່ານ Morsi ທີ່​ກ່າວ​ວ່າ ຄວາມ​ສໍາພັນ​ທີ່​ໃກ້ຊິດຂຶ້ນກັບ​ກຸງ​ເຕຫະຣ່ານ ຈະ​ສ້າງຄວາມ​ກໍ້າ​ເກິ່ງ​ກັນ​ທາງ​ດ້ານ​ຍຸດ​ທະ​ສາດໃນ​ພາກ​ພື້ນ. ສອງ​ປະ​ເທດນີ້​ບໍ່​ໄດ້​ມີ​ສາຍ​ພົວພັນ​ທາງ​ດ້ານ​ການ​ທູດ​ກັນ​ນັບ​ແຕ່ປີ 1980 ​ເປັນ​ຕົ້ນ​ມາ.

ພາບການປະກາດໄຊຊະນະຂອງທ່ານ Morsi ແລະປະຊາຊົນສະແດງຄວາມດີໃຈ:

ລາຍ​ງານ​ເວົ້າ​ຕື່ມ​ວ່າ ທ່ານ Morsi ​ໄດ້​ສະ​ແດງຄວານ​ເຫັນດັ່ງກ່າວໃນ​ວັນ​ອາທິດ​ວານ​ນີ້ ​ໃນ​ເວລາ​ບໍ່​ເທົ່າ​ໃດ​ຊົ່ວ​ໂມງ​ກ່ອນ​ໜ້າຄະນະ​ກໍາມາ​ທິ ການ​ກໍາກັບ​ການ​ເລືອກ​ຕັ້ງ​ຂອງ​ອີ​ຈິບ​ປະກາດວ່າ ທ່ານ Morsi ​ເປັນ​ຜູ້​ຊະນະ​ໃນ​ການ​ເລືອກ​ຕັ້ງ​ປະທານາທິບໍດີ​ ຮອບຕັດສິນ​ຊີ້​ຂາດ​ນັ້ນ.

​ໃນ​ເວລາ​ຕໍ່​ມາ​ທ່ານ​ Morsi ໄດ້​ກ່າວ​ປາ​ໄສໃຫ້​ຄໍາ​ໝັ້ນ​ສັນຍາທີ່​ຈະ​ດໍາ ​ເນີນ​ງານ​ເພື່ອ​ຄວາມ​ສາມັກຄີ​ຊາດ ​ແລະຈະປະຕິບັດຕາມ​ຂໍ້​ຕົກລົງ​ຕ່າງໆ​ກັບ​ນາໆ​ຊາດ ​ໂດຍ​ກ່າວ​ວ່າ ອີ​ຈິບ ຢາກ​ມີ​ສັນຕິພາບ.

ອີ​ຈິບ​ໄດ້​ລົງ​ນາມ​ໃນ​ສົນທິສັນຍາ​ສັນຕິພາບ​ສະບັບ​ນຶ່ງ​ກັບ​ອິສຣາ​ແອ​ລ​ໃນ​ປີ 1979 ຊຶ່ງ​ໄດ້
​ກາຍ​ເປັນ​ປະ​ເທດ​ອາຣັບ​ແຫ່ງ​ທໍາ​ອິດ​ທີ່​ລົງ​ນາມ​ໃນ​ສົນທິສັນຍາ​ກັບ​ອິສຣາ​ແອ​ລ. ພັກ​ພະ
ລາດອນພາບ​ມຸສລິ​ມຂອງ​ອີຈິບ​ໄດ້​ເປັນ​ຜູ້​ຕໍາ​ໜິຕິຕຽນ​ອິສຣາ​ແອ​ລຢ່າງ​ແຂງ​ຂັນຕະຫລອດ
ມາ ​ແລະ​ບໍ່ຍອມຮັບປາກ​ວ່າ ຕົນ​ຈະ​ບໍ່​ຄັດ​ຄ້ານ​ຕໍ່​ການ​ປັບປຸງ​ແກ້​ໄຂສົນທິສັນຍາ​ສະບັບ​ນີ້​
ໃໝ່​.

ທ່ານ Morsi ກັບຄືນເມືອຢາມໝູ່ບ້ານ ຫລັງຈກາໄດ້ຮັບໄຊຊະນະ:

XS
SM
MD
LG