ລິ້ງ ສຳຫລັບເຂົ້າຫາ

ອີຈິບ ປ່ອນບັດເລືອກຕັ້ງ ປະທານາທິບໍດີ ມື້ສຸດທ້າຍ (ວີດີໂອ)

  • ສິງ ບູຣົມມະວົງ

ຊາວອີຈິບໃຊ້ສິດປ່ອນບັດຂອງເຂົາເຈົ້າ ໃນມື້ທີສອງ ຂອງການເລືອກຕັ້ງປະທານາທິບໍດີ ຢ່າງເສລີຄັ້ງທໍາອິດ ນັບຕັ້ງແຕ່ທ່ານໂຮສນີ ມູບາຣັກ ຖືກໂຄ່ນລົ້ມຈາກອໍານາດ, ວັນທີ 17 ມີຖຸນາ 2012.

ຊາວອີຈິບໃຊ້ສິດປ່ອນບັດຂອງເຂົາເຈົ້າ ໃນມື້ທີສອງ ຂອງການເລືອກຕັ້ງປະທານາທິບໍດີ ຢ່າງເສລີຄັ້ງທໍາອິດ ນັບຕັ້ງແຕ່ທ່ານໂຮສນີ ມູບາຣັກ ຖືກໂຄ່ນລົ້ມຈາກອໍານາດ, ວັນທີ 17 ມີຖຸນາ 2012.

ຊາວອີ​ຈິບ​ທີ່​ມີ​ສິດ​ລົງ​ຄະ​ແນນ​ສຽງ​ເລືອກ​ຕັ້ງ ​ພາກັນ​ອອກ​ໄປ​ບ່ອນ​ບັດ​ໃນ​ມື້​ສຸດ​ທ້າຍ​ຂອງ​ການ​ເລືອກ​ຕັ້ງ​ປະທານາທິບໍດີ​ຮອບຕັດສິນ​ຊີ້​ຂາດ​ເປັນ​ເວລາ 2 ມື້ ​ເພື່ອ​ເລືອກ​ເອົາ​ຜູ້​ນໍາ​ຄົນ​ຕໍ່​ໄປ​ຂອງ​ປະ​ເທດ ລຸນຫຼັງ​ການ​ປະ​ທ້ວງ​ຄັ້ງ​ໃຫຍ່​ຂອງ​ມະຫາຊົນ ທີ່ໄດ້​ບີບ​ບັງຄັບ​ໃຫ້​ອະດີດ​ປະທານາທິບໍດີ ໂຮ​ສນີ ມູບາຣັກ ຕ້ອງລາ​ອອກ​ຈາກ​ຕໍາ​ແໜ່​ງ​ໃນປີ​ແລ້ວ​ນີ້.

ພວກ​ຜູ້​ປ່ອນ​ບັດ​ມີ​ທາງ​ເລືອກ​ ໃນ​ລະຫວ່າງ​ຜູ້​ສະໝັກ​ຮັບ​ເລືອກ​ຕັ້ງ​ຈາກຍຸກ​ຂອງທ່ານ​ມູບາຣັກ ຄື ​ອະດີດ​ນາຍົກລັດຖະມົນຕີ Ahmed Shafiq ແລະທ່ານ Mohammad Morsi ຜູ້​ສະໜັກຫົວ​ນິຍົມ​ອິສລາມ ສັງ​ກັດພັກ​ພະລາດອນພາບ​ມຸສລິ​ມ.

ພວກ​ທີ່ອອກ​ໄປ​ປ່ອນ​ບັດ ແມ່ນ​ມີ​ປະ​ປົນ​ກັນ​ໃນ​ວັນ​ເສົາ​ວານ​ນີ້​ ​ຊຶ່ງ​ເປັນ​ມື້​ທໍາ​ອິດ​ຂອງ​ການ​ປ່ອນ​ບັດ​ຮອບ​ສຸດ​ທ້າຍນີ້ ​ແລະ​ບັນຍາກາດ​ປາກົດ​ວ່າ​ບໍ່​ຕື່ນ​ເຕັ້ນ​ເທົ່າ​ກັບ​ກັບ​ໃນ​ລະ​ຫວ່າງ​ການ​ປ່ອນ​ບັດເລື້ອກຕັ້ງ​ຮອບ​ທໍາ​ອິດ​ໃນ​ເດືອນ​ແລ້ວ​ນີ້. ພວກ​ຜູ້​ປ່ອນ​ບັດ​ບາງ​ຄົນ​ໄດ້​ສະ​ແດງ​ຄວາມ​ຜິດ​ຫວັງ​ນໍາ​ການ​ຂາດຄວາມກ້າວໜ້າ​ໃນ​ປະ​ເທດ 16 ​ເດືອນ​ຫຼັງ​ຈາກ​ການ​ລຸກ​ຮື​ຂຶ້ນ​ຕໍ່ຕ້ານ​ລັດຖະບານ.

ວີດີໂອ: ມີຄົນໄປປ່ອນບັດຢ່າງເບົາບາງໃນການເລືອກຕັ້ງປະທານາທິບໍດີອີຈິບ:

​ເວລາ​ນີ້ ອີ​ຈິບ​ກໍ​ຍັງ​ບໍ່​ທັນ​ມີ​ກົດໝາຍ​ລັດຖະທໍາ​ມະນູນສະບັບ​ໃໝ່​ຢູ່ ຊຶ່ງ​ຈະ​ກໍານົດ​ຂອບ​ເຂດ​ອໍານາດ​ຂອງ​ປະທານາທິບໍດີນັ້ນ ແລະ​ໃນ​ວັນ​ພະຫັດອາທິດ​ແລ້ວ​ນີ້ ສານ​ລັດຖະທໍາ​ມະນູນສູງ​ສຸດກໍ​ໄດ້ຕັດສິນໃຫ້ຍຸບ​ສະພາ​ພາ​ແຫ່ງ​ຊາດ​ ພາຍ​ໃຕ້​ການ​ນໍາພາ​ຂອງ​ພວກ​ນິຍົມ​ສາ​ສະໜາ​ອິສລາມ​ ທີ່​ປົກຄອງ​ປະ​ເທດໃນ​ປັດຈຸບັນ​.

ການ​ປະກາດ​ຜູ້​ຊະນະ​ການ​ເລືອກ​ຕັ້ງ​ປະທານາທິບໍດີ​ທີ່​ເສລີ​ຄັ້ງ​ທໍາອິດ​ຂອງ​ອີຈິບ ​ກໍານົດ​ຈະ​ມີ​ຂຶ້ນ​ໃນ​ວັນ​ພະຫັດ​ສັບປະດາ​ນີ້ ​ແຕ່​ຜົນ​ຂອງ​ການ​ເລືອກ​ຕັ້ງຢ່າງ​ບໍ່ເປັນ​ທາງ​ການ ຄາດ​ວ່າ​ຈະ​ມີ​ຂຶ້ນ​ໃນ​ຕົ້ນ​ສັບປະດາ.

ຊາວອີຈິບສະແດງຄວາມຄິດເຫັນກ່ຽວກັບລັດຖະບານທີ່ເຂົາເຈົ້າຢາກໄດ້:

XS
SM
MD
LG