ລິ້ງ ສຳຫລັບເຂົ້າຫາ

ການປະທ້ວງ ຕໍ່ຕ້ານ ປ. Morsi ກ້າວເຂົ້າສູ່ ມື້ທີສີ່ (ສະໄລດ໌)


ຜູ້ປະທ້ວງ ປະທະກັນກັບ ກໍາລັງຮັກສາຄວາປອດໄພ ໃກ້ກັບ ຈັດຕຸລັດ Tahrir ທີ່ກຸງ Cairo, ປະເທດ Egypt, ວັນອາທິດ ທີ 25 ພະຈິກ 2012.

ຜູ້ປະທ້ວງ ປະທະກັນກັບ ກໍາລັງຮັກສາຄວາປອດໄພ ໃກ້ກັບ ຈັດຕຸລັດ Tahrir ທີ່ກຸງ Cairo, ປະເທດ Egypt, ວັນອາທິດ ທີ 25 ພະຈິກ 2012.

ປະທານາທິບໍດີ ອີ​ຈິ​ບ ທ່ານ Mohammed Morsi ​ເຖິງ​ກໍາໜົດ​
ທີ່​ຈະ​ພົບ​ປະ​ກັບ ສະພາ​ຍຸ​ຕິ​ທໍາສຸງສຸດ​ຂອງ​ປະ​ເທດ ​ໃນ​ຂະນະ​ທີ່​
ບັນດາຜູ້​ພິພາກສາ ພະຍາຍາມ ຊັກ​ຊ່ວນ​ໃຫ້ ປະທານາທິບໍດີ
ຈໍາ​ກັດ​ອໍານາດ​ທັງ​ໝົດ ທີ່​ທ່ານ ມອບ​ໃຫ້​ຕົນ​ເອງ​ອາທິດ​ແລ້ວ​ນີ້.


ຄໍາ​ສັ່ງໄດ້​ເຮັດ​ໃຫ້​ເກີດການ​ປະ​ທ້ວງ​ຈາກ ບັນດາ​ນັກ​ເຄຶ່ອນ​ໄຫວ​
ທີ່​ ບໍ່​ເປັນ​ພ້ອມ ຜູ້​ກໍາລັງປະ​ທ້ວງ​ຢູ່ທີ່ ຈັດ​ຕຸ​ລັດ Tahrir ​ເປັນ​ມື້​ທີ່​ສີ່​
ໃນ​ວັນ​ຈັນ ຮຽກຮ້ອງ​ໃຫ້ ທ່ານ Morsi ຫັນປ່ຽນການ​ຕັດສິນ​ໃຈ​
ຂອງ​ທ່ານ. ບັນດາ​ຝ່າຍ​ຄ້ານ ​ແລະ​ຜູ້​ສະໜັບສະໜູນ ປະທານາ
ທິບໍດີ ພາກັນ​ຮຽກຮ້ອງ​ໃຫ້​ມີ​ການ​ເດີນ​ປະ​ທ້ວງ​ຄັ້ງ​ໃຫຍ່ ຢູ່​ກາງ
​ເມືອງ​ໃນວັນ​ອັງຄານ​ມື້​ອຶ່ນ​ນີ້.

ຄໍາ​ສັ່ງ​ຂອງ​ທ່ານ Morsi ກ່າວ​ວ່າ ການ​ຕັດສິນ​ໃຈ​ຂອງ​ທ່ານ ບໍ່​ສາມາດ​ທີ່​ຈະ​ອຸທອນ​ໄດ້​ຈາກ​ສານ ​ແລະ​ຫ້າມສານ​ຍຸຕິ​ທໍາ​ຂອງ​ອີ​ຈິບ ຍຸບສະພາ​ສູງ ​ແລະ​ສະພາຮ່າງ​ລັດຖະທໍາ​ມະ
ນູນ​ໃໝ່. ບັນດາ​ຜູ້​ຕິຕຽນ​ກ່າວ​ວ່າ ທ່ານ Morsi ກໍາລັງ​ໄຊ້ອໍານາດ​ຜະ​ເດັດ​ການ ​ເໝືອນ​ດັ່ງ​ພວກຜູ້​ນໍາ​ຄົນ​ກ່ອນ​ ທ່ານ Hosni Mubarak ຜູ້​ທີ່ຖືກ​ຂັບໄຫລ່ອອກຈາກ​ອໍານາດ​ການ​ລຸກ​ຮື​ຂື້ນ​ຂອງ​ປະຊາຊົນ.

ປະທານາທິບໍດີ ກ່າວ​ວ່າ ຄໍາ​ສັ່ງ​ຂອງ​ທ່ານ​ພ່ຽງ​ແຕ່ “ຊົ່ວ​ຄາວ” ​ແລະ​ຈະ​ສິ້ນ​ສຸດ​ລົງ​ເວລາ
ອີ​ຈິບ ​ເລືອກ​ຕັ້ງ​ເອົາ​ສະພາ​ໃໝ່ ພາຍ​ໃຕ້​ການ​ດັດແປງ​ລັດຖະທໍາ​ມະນູນ. ​ໂຄສົກທ່ານ​ນຶ່ງ
ຂອງ​ຣັຖບານເສຣີ ​ແລະ​ພັກ​ຍຸ​ຕິທໍາ ຂອງ​ທ່ານ ກ່າວ​ໃນ​ວັນ​ອາທິດ​ຜ່ານ​ມາ​ນີ້​ວ່າ ຄໍາ​ສັ່ງ​ນີ້
ອາດ​ຈະ​ມີໝົດ​ກໍາໜົດ​ພາຍ​ໃນ​ສອງ ​ເດືອນ ຫລື​ໜ້ອຍ​ກວ່າ ​ແລະ​ໃຫ້ເຫັນ​ວ່າ​ເປັນ ການ​ເອົາບາດກ້າວ​ເພື່ອ “ຮັກສາ​ສະຖຽນ​ລະ​ພາບ” ​ໃນ​ອີ​ຈິ​ບ.

ສະໄລດ໌ປະມວນພາບການປະທ້ວງໃນອີຈິບ:
XS
SM
MD
LG