ການນັບຄະແນນສຽງຂັ້ນຕົ້ນ ໃນການເລືອກຕັ້ງປະທານາທິບໍດີທີ່ເສລີເທື່ອທຳອິດຂອງອີຈິບ
ສະແດງໃຫ້ເຫັນວ່າ ຜູ້ສະມັກຂອງພັກພະລາດອນພາບມຸສລິມ ອາດໄດ້ຮັບຄະແນນສຽງນຳ
ໜ້າໜ້ອຍນຶ່ງລື່ນບັນດາຜູ້ສະມັກຄົນອື່ນໆທີ່ໄດ້ຮັບການສະໜັບສະໜຸນຢ່າງແຂງຂັນຈຳນວນ
ສອງສາມຄົນ.
ໜັງສືພິມຂອງອີີຈິບລາຍງານວ່າ ຜົນການນັບຄະແນນສຽງບາງສ່ວນທີ່ໄດ້ຮັບໃນວັນສຸກມື້ນີ້
ສະແດງໃຫ້ເຫັນວ່າ ທ່ານ Mohamed Morsi ກາຍເປັນຜູ້ໄດ້ຮັບຄະແນນສຽງຫຼາຍກວ່າໝູ່
ຢູ່ໃນບາງເຂດ ໃນການປ່ອນບັດທີ່ມີຂຶ້ນໃນມື້ວັນພຸດແລະວັນພະຫັດວານນີ້.
ພັກພະລາດອນພາບມຸສິລມກ່າວວ່າ ການສຳຫຼວດຄວາມເຫັນທີ່ບໍ່ເປັນທາງການຂອງຕົນ
ສະແດງໃຫ້ເຫັນວ່າ ທ່ານ Morsi ມີຄະແນນລື່ນທ່ານ Ahmed Shafiq ໜ້ອຍນຶ່ງ ແລະ
ຈະປະເຊີນໜ້າກັບຜູ້ກ່ຽວໃນການເລືອກຕັ້ງຮອບສອງຊຶ່ງຈະມີຂຶ້ນໃນເດືອນໜ້ານີ້. ທ່ານ
Shafiq ທີ່ບໍ່ຝັກໄຝ່ໃນດ້ານສາສະໜາ ເຄີຍຮັບໜ້າທີ່ເປັນນາຍົກລັດຖະມົນຕີມາແລ້ວ ພາຍ
ໃຕ້ອະດີດປະທານາທິບໍດີ Hosni Mubarak.
ຜົນການນັບຄະແນນສຽງຂັ້ນຕົ້ນ ຂອງໜັງສືພິມຕ່າງໆ ສະແດງໃຫ້ເຫັນວ່າ ຜູ້ສະມັກຄົນ
ອື່ນໆກໍໄດ້ຮັບການສະໜັບສະໜຸນຢ່າງແຂງຂັນຄືກັນ ປະກອບມີທ່ານ Abdel Moneim
Aboul Fotouh ຜູ້ສະມັກນິຍົມແນວທາງປານກາງ ຂອງພັກສາສະໜາອິສລາມ ທີ່ໄດ້ຮັບ
ການສະໜັບສະໜຸນຈາກພວກຫົວນິຍົມເສລີຈຳນວນນຶ່ງ ພວກຝ່າຍຊ້າຍແລະພວກຊົນກຸ່ມ
ນ້ອຍທີ່ນັບຖືສາສະໜາຄຣິສຕ໌ພ້ອມໆກັບອະດີດລັດຖະມົນຕີການຕ່າງປະເທດ Arm
Moussa ທີ່ບໍ່ຝັກໄຝໃນດ້ານສາສະໜາທີ່ເຂົ້າຮັບຕຳແໜ່ງໃນສະໄໝທ່ານ Mubarak.
ການໄດ້ຮັບໄຊຊະນະ ຂອງຜູ້ສະມັກທີ່ບໍ່ຝັກໄຝ່ໃນດ້ານສາສະໜາຄົນໃດຄົນນຶ່ງນັ້ນ ແມ່ນຈະ
ເປັນຂີດໝາຍຂອງບາດລ້ຽວທີ່ສຳຄັນຈາກການເລືອກຕັ້ງສະພາແຫ່ງຊາດເມື່ອ 6 ເດືອນກ່ອນ
ເວລາພວກໄປປ່ອນບັດຫຼາຍກວ່າ 70% ໄດ້ພາກັນປ່ອນເອົາຜູ້ສະມັກຂອງພັກສາສະໜາອິສ
ລາມ.
ຜູ້ສະມັກຄົນທີຫ້າ ຄືທ່ານ Hamdeen Sabahi ກໍປາກົດວ່າໄດ້ຮັບຄະແນນດີສົມຄວນ. ທ່ານ
ໄດ້ຮັບຄະແນນເພີ່ມຂຶ້ນເປັນລຳດັບໃນການຢັ່ງຫາງສຽງປະຊາຊົນໃນຮອບອາທິດຜ່ານມາໂດຍ
ໄດ້ດຶງດູດເອົາຜູ້ມີສິດປ່ອນບັດທີ່ບໍ່ຕ້ອງການ ຈະເລືອກເອົາພັກສາສະໜາອິສລາມຫຼືບຸກຄົນສຳ
ຄັນຂອງອະດີດລັດຖະບານເກົ່າ
ພວກເຈົ້າໜ້າທີ່ເລືອກຕັ້ງເລີ່ມນັບບັດຄະແນນສຽງຢ່າງເຕັມທີ່ໃນວັນສຸກມື້ນີ້ຊຶ່ງ ພວກທ່ານເວົ້າ
ວ່າ ຜົນການນັບຄະແນນສຽງຂັ້ນສຸດທ້າຍຈະມີການປະກາດໃຫ້ຮູ້ໃນວັນອັງຄານຈະມານີ້.
ນາງ Elizabeth Arrott ຜູ້ສື່ຂ່າວຂອງວີໂອເອກ່າວວ່າ ບັນດາຜູ້ມີສິດປ່ອນບັດມີຄວາມເພິງພໍ
ໃຈກ່ຽວກັບການຈັດແຈງຂອງພວກເຈົ້າໜ້າທີ່ເລືອກຕັ້ງໃນການນັບບັດຄະແນນສຽງ.
ໃນການເລືອກຕັ້ງປະທານາທິບໍດີຄັ້ງນີ້ ມີຜູ້ສະມັກເຂົ້າແຂ່ງຂັນທັງໝົດ 12 ຄົນ. ການເລືອກ
ຕັ້ງຮອບສອງໄດ້ກຳນົດໃສ່ວັນທີ 16 ແລະ 17 ມິຖຸນາລະຫວ່າງຜູ້ທີ່ໄດ້ຮັບຄະແນນສຽງຫຼາຍ
ທີ່ສຸດສອງຄົນ.
ຜູ້ຊະນະການເລືອກຕັ້ງປະທານາທິບໍດີຮອບສອງ ຈະມີການປະກາດໃຫ້ຮູ້ໃນວັນທີ 21 ມິຖຸ
ນານີ້.