ຜູ້ສະມັກ ທີ່ມີຄະແນນສຽງນຳໜ້າສຳຄັນ 2 ຄົນ ໃນການເລືອກຕັ້ງ ປະທານາທິບໍດີອີຈິບ ໃນ
ເດືອນນີ້ໄດ້ເຂົ້າຮ່ວມໃນການໂຕ້ວາທີເທື່ອທຳອິດຂອງຜູ້ສະມັກເປັນປະທານາທິບໍດີໃນປະເທດ
ດັ່ງກ່າວ.
ອະດີດລັດຖະມົນຕີການຕ່າງປະເທດ Arm Moussa ໄດ້ຕໍ່ສູ້ຖົກຖຽງກັນກັບ ທ່ານ Abdel-
Moneim Abolfotoh ຜູ້ສະມັກສັງກັດພັກສາສະໜາອິສລາມນິຍົມແນວທາງປານກາງທີ່ໄດ້
ຕັດຂາດກັບກຸ່ມພະລາດອນພາບມຸສລິມຊຶ່ງຄັ້ງນຶ່ງເຄີຍຖືກທາງການຫ້າມໃນປີກາຍນີ້. ການ
ໂຕ້ວາທີ ຂອງຜູ້ສະມັກປະທານາທິບໍດີທັງສອງ ໃນແລງວັນພະຫັດວານນີ້ ໄດ້ດຳເນີນໄປຈົນ
ກາຍທ່ຽງຄືນ.
ຊາວອີີຈິບໄດ້ໄປຊຸມກັນຢູ່ຕາມຮ້ານອາຫານແຫ່ງຕ່າງໆເພື່ອເບິ່ງການໂຕ້ວາທີຊຶ່ງໄດ້ອອກອາ
ກາດໂດຍໂທລະພາບເອກກະຊົນຫຼາຍໆຊ່ອງ.
ໃນຕອນນຶ່ງນັ້ນທ່ານ Abolfotoh ໄດ້ຕຳໜິຕິຕຽນທ່ານ Moussa ວ່າ ເປັນສ່ວນນຶ່ງຂອງລັດ
ຖະບານ ອະດີດປະທານາທິບໍດີ Hosni Mubarak ໂດຍເວົ້າວ່າ ຜູ້ໃດກໍຕາມທີ່ເປັນຜູ້ສ້າງບັນ
ຫາຈະບໍ່ສາມາດ ແກ້ໄຂມັນໄດ້. ທ່ານ Abolfo toh ກ່າວວ່າ ພວກເຮົາໄດ້ປະຕິວັດ ຕໍ່ຕ້ານອຳ
ນາດການປົກຄອງນີ້.
ສ່ວນທ່ານ Moussa ກ່າວວ່າ ທ່ານ Abolfotoh ເຄີຍກ່າວປ້ອງກັນ ທ່າທີຂອງກຸ່ມພະລາ
ດອນພາບມຸສລິມ ແທນທີ່ຈະແມ່ນຜົນປະໂຫຍດຂອງຊາວອີຈິບ.
ບຸກຄົນທັງສອງແມ່ນຮວມຢູ່ໃນຈຳນວນຜູ້ສະມັກແຂ່ງຂັນເອົາຕຳແໜ່ງປະທານາທິບໍດີທັງໝົດ
13 ຄົນ ທີ່ຈະເລີ່ມຂຶ້ນໃນວັນທີ 23 ພຶດສະພານີ້.
ຜູ້ຊະນະຈະໄດ້ເປັນຜູ້ນຳຄົນທຳອິດຂອງອີຈິບນັບແຕ່ການລຸກຮືຂຶ້ນຂອງປະຊາຊົນທີ່ພາໃຫ້
ທ່ານ Mubarak ໄດ້ລາອອກຈາກຕຳແໜ່ງ ຢ່າງກະທັນຫັນໃນປີ 2011.
ສະພາປົກຄອງທະຫານທີ່ເຂົ້າກຳຕຳແໜ່ງແທນທ່ານ Mubarak ໄດ້ປະເຊີນກັບການຕຳໜິ
ຕິຕຽນເພີ່ມຂຶ້ນຈາກຊາວອີຈິບບາງສ່ວນ ຕໍ່ອັນທີ່ພວກເຂົາເຈົ້າຖືວ່າເປັນການປະຕິຮູບທີ່ຊັກ
ຊ້ານັ້ນ.
ໃນຕົ້ນເດືອນນີ້ ພວກປະທ້ວງຫຼາຍສິບພັນຄົນ ໄດ້ໂຮມຊຸມນຸມກັນທີ່ກຸງໄຄໂຣ ທວງໃຫ້ຍຸຕິ
ການປົກຄອງຂອງພວກທະຫານໃນທັນທີ.
ສະພາປົກຄອງທະຫານໃຫ້ຄຳໝັ້ນສັນຍາວ່າ ຈະໂອນອຳນາດ ໄປໃຫ້ປະທານນາທິບໍດີໄດ້
ຮັບເລືອກໃໝ່ ພາຍໃນວັນທີ 1 ກໍລະກົດ.