ລິ້ງ ສຳຫລັບເຂົ້າຫາ

ອິສຣາແອລ ວ່າ ບໍ່ໄດ້ສົ່ງ ຍົນໂດຣນ ເຂົ້າໄປຍິງ ພວກຫົວຮຸນແຮງ ໃນອີຈິບ (ວີດິໂອ)


ທ່ານ Moshe Yaalon (ກາງ) ລັດຖະມົນຕີ ກະຊວງປ້ອງກັນປະເທດ ຂອງອິສຣາແອລ
ລັດຖະມົນຕີກະຊວງປ້ອງກັນປະເທດຂອງອິສຣາແອລເວົ້າ
ໃນ​ແລງວັນເສົາວານນີ້ວ່າ ປະເທດຂອງທ່ານຈະບໍ່ປ່ອຍໃຫ້
“ຄໍາຊ່າລື ຫລືເປົ່າຂ່າວ” ທໍາລາຍຂໍ້ຕົກລົງສັນຕິພາບ ລະຫວ່າງ
ອິສຣາແອລ ກັບ ອີຈິບ.

ຄວາມ​ເຫັນ​ຂອງທ່ານ Moshe Yaalon ​ແມ່ນ​ເປັນ​ການກ່າວ​
ຕອບ​ຕໍ່ລາຍງານຂ່າວທີ່ເວົ້າວ່າ ເຮືອບິນບໍ່ມີຄົນຂັບຂອງອິສຣາ
ແອລ ໄດ້ສັງຫານພວກຫົວຮຸນແຮງ 4 ຄົນ ໃນການໂຈມຕີຂ້າມ
ຊາຍແດນ ເຂົ້າໄປ​ໃນອີຈິບນັ້ນ.

ທ່ານ Yaalon ເວົ້າວ່າ ອິສຣາແອລ “ນັບຖືອະທິປະໄຕຂອງ
ອີຈິບ.” ລັດຖະມົນຕີກະຊວງປ້ອງກັນປະເທດອິສຣາແອລເວົ້າອີກວ່າ ອິສຣາແອລ “ຮູ້”
ແລະ “ກໍສັນລະເສີນ” ທີ່ກອງທັບອີຈິບ ໄດ້ເພີ້ມການເຄື່ອນໄຫວຂຶ້ນຢູ່ໃນແຫລມ Sinai
ເພື່ອຕໍ່ຕ້ານການກໍ່ການຮ້າຍນັ້ນ.

ພວກຫົວຮຸນແຮງທີ່ນັບຖືສາສະໜາອິສລາມກຸ່ມນຶ່ງ ທີ່ເຄື່ອນໄຫວຢ່າງຫ້າວຫັນຢູ່ໃນເຂດ
Sinai ທາງພາກເໜືອຂອງອີຈິບ ເວົ້າຢູ່ໃນເວັບໄຊ້ຂອງກຸ່ມຈີຮາດ ໃນວັນເສົາວານນີ້ວ່າ
ການໂຈມຕີທາງອາກາດບັ້ນນຶ່ງ ທີ່​ໄດ້ສັງຫານນັກລົບຂອງຕົນຢ່າງໜ້ອຍ 4 ຄົນນັ້ນ ແມ່ນ
ກະທໍາ​ໂດຍເຮືອບິນບໍ່ມີຄົນຂັບ ທີ່ມີຖານຢູ່ອິສຣາແອລ.

ຖະແຫລງການຢູ່ໃນເວັບໄຊ້ດັ່ງກ່າວເວົ້າອີກວ່າ ເຮືອບິນບໍ່ມີຄົນຂັບໄດ້ທໍາການໂຈມຕີ
ໃນວັນສຸກຜ່ານມາ ໃນຂະນະທີ່ພວກນັກລົບຊາວອາຣັບກໍາລັງກຽມຈະຍິງຈະຫລວດ​
ເຂົ້າໄປໃສ່ອິສຣາແອລ.

ເບິ່ງວີດິໂອ ພວກສົ່ງສະການ ປະທ້ວງຮ້ອງດ່າ ອິສຣາແອລກັບອີຈິບ
ກ່ຽວກັບການໂຈມຕີຂອງຍົນໂດຣນ:


XS
SM
MD
LG