ລິ້ງ ສຳຫລັບເຂົ້າຫາ

ການປະທະກັນ ຢ່າງຮ້າຍແຮງ ຍັງດຳເນີນ ຢູ່ຕໍ່ມາ ໃນອີຈິບ (ວີດີໂອ/ສະໄລດ໌)


ການ​ປະ​ທະ​ກັນ​ຢ່າງ​ຮ້າຍ​ແຮງໃນອີ​ຈິບຍັງ​ດໍາ​ເນີນ​ຢູ່​ຕໍ່​ມາໃນ​ວັນ
ອັງຄານ​ມື້​ນີ້ ​ເຖິງ ​ແມ່ນ​ວ່າ​ໄດ້​ມີ​ກາ​ນຮຽກ​ຮ້ອງ​ຈາກປະທານາທິ
ບໍດີ​ຊົ່ວຄາວຂໍ​ໃຫ້​ປະຊາ​ຊົນ​ຈົ່ງຢູ່​ໃນ​ຄວາມ​ສະຫງົບ ​ແລະ​ຫລີກ
ເວັ້ນຈາກ​ການ​ກໍ່ຄວາ​ມຮຸນ​ແຮງກໍ​ຕາມ.

ບັນດາ​ເຈົ້າ​ໜ້າ​ທີ່ກະຊວງ​ສາທາລະນະ​ສຸກ ກ່າວ​ວ່າ ການ​ປະ
​ທະ​ກັນ ​ໃນ​ວັນອັງ ຄານມື້​ນີ້ ​ໃກ້​ກັບ​ບ່ອນ​ນັ່ງປະ​ທ້ວງ ຂອງພວກ
ສະໜັບສະໜຸນ ​ປະທານາທິບໍດີ​ທີ່ໂຄ່ນ​ລົ້ມ ທ່ານ Mohammed
Morsi ຢູ່​ທີ່ມະຫາ​ວິທະຍາ​ໄລ ​ໄຄ​ໂຣ ເຮັດ​ໃຫ້​ຢ່າງ​ໜ້ອຍ 6 ຄົນ​
ເສຍ​ຊີວິດ ​ແລະ​ອີກ 33 ຄົນ​ໄດ້​ຮັບ​ບາດ​ເຈັບ.

ມີຢ່າງ​ໜ້ອຍ 4 ຄົນ​ເສຍ​ຊີວິດ​ໃນ​ວັນ​ຈັນ​ວານ​ນີ້ ຈາ​ກການ​ຕໍ່ສູ້ກັນ
ລ​ະຫວ່າງພວກສະໜັບສະໜຸນ ​ແລະ​ພວກ​ຕໍ່ຕ້ານທ່ານ Morsi.

ປະທານາທິບໍດີ​ຊົ່ວຄາວ ທ່ານ Adly Mansour ​ໄດ້​ຖະ​ແຫຼງຕໍ່
ໂທລະພາບ​ຂອງ ລັດໃນ​ແລງ​ວັນ​ຈັນ​ວານນີ້ ບອກ​ຊາ​ວອີ​ຈິບວ່າ ການ​ປະນີປະນອມ​ເປັນ​ສິ່ງຈໍາ​ເປັນ ​ເພື່ອໃຫ້ປະ​ເທດ​ຊາດ​ສາມາດກ້າວ​ໄປ​ຂ້າງໜ້າ​. ທ່ານ​ກ່າວ​ວ່າ :

“ພວກ​ເຮົາ​ ຢາກ​ເລີ້ມຕົ້ນໜ້າ​ໃໝ່ ທີ່ປາດ​ສະ​ຈາກ​ຄວາມ​ລໍາອຽງກຽດ​ຊັງ​ ແລະ​ການແບ່ງ​
ແຍກ​ກັນ. ພວກ​ເຮົາ​ຕ້ອງການຢາກ​ຊຸກຍູ້​ໃຫ້​ຜູ້​ໃດ​ກໍ​ຕາມທີ່​ພະຍາຍາມ​ເຮັດ​ແນວໃດ
ແນວ​ນຶ່ງ​ແກ່ປະ​ເທດ​ຂອງ​ລາວ ​ແລະ​ບໍ່​ແມ່ນ​ທໍາລາຍ​ລ້າງ. ມັນ​ເຖິງ​ເວລາແລ້ວທີ່​ຈະ​ສ້າງຕັ້ງປະ​ເທດ​ຊາດ​ ​ບົນພື້ນຖານຂອງການປະນີປະນອມ ໃນ​ເລື້​ອງທີ່​ຜ່ານ​ມາ ​ເພື່ອເຫັນ​ແກ່​ອະນາ​ຄົດຂ້າງ​ໜ້າ.”

​ໃນ​ຂະນະ​ດຽວ​ກັນ ກຸ່ມປົກ​ປ້ອງສິດທິ​ມະນຸດ Human Right Watch ກໍາລັງ​ຮຽກຮ້ອງ​ໃຫ້ລັດຖະບານອີ​ຈິບຈົ່ງ​ຫາ​ທາງ​ຍຸຕິ​ຄວາມ​ຮຸນ​ແຮງ​ທາງ​ສາສະໜາ​ຢ່າງ ຮີບ​ດ່ວນ ​ໂດຍ​ເນັ້ນໜັກ​ໃສ່​ການ​ໂຕມຕີ​ຊາວ​ຄຣິສຕຽນ ​ໃນ​ຮອບ​ຫຼາຍໆ​ອາທິດທີ່ ຜ່ານ​ມາ ນັບ​ຕັ້ງ​ແຕ່​ໄດ້​ມີ​ການ​ໂຄ່ນ​ລົ້ມທ່ານ Morsi.

ກຸ່ມ Human Right Watch ​ກ່າວ​ໃນ​ວັນ​ອັງຄານ​ມື້​ນີ້ ພວກ​ເຈົ້າ​ໜ້າ​ທີ່​ຄວນ​ສອບ​ສວນ​ຢ່າງ​ຮີບ​ດ່ວນເບິ່ງ​ເຫດ​ຮ້າຍ​ເຫຼົ່ານີ້ ​ແລະ​ບັນດາ​ຜູ້​ນໍາ​ທາງ​ສາສະໜາ ​ແລະ​ການ​ເມື​ອງ
ຄວນ “ປະ​ນາມ​ການ​ໂຈມ​ຕີທາງ​ສາສະໜາ​ທີ່ ​ເປັນ​ອັນຕະລາຍທີ່​ພວມ​ເພີ້ມທະວີ​ຂຶ້ນ”
ນັ້ນ.


XS
SM
MD
LG