ກຸ່ມພາລາດອນພາບມຸສລິມ ໄດ້ຮຽກຮ້ອງໃຫ້ທໍາການປະທ້ວງ
ຕື່ມອີກ ໃນວັນອັງຄານມື້ນີ້ ນຶ່ງມື້ຫຼັງຈາກໄດ້ມີການປະທະກັນ
ລະຫວ່າງກໍາລັງທະຫານ ແລະພວກສະໜັບສະໜູນປະທານາ
ທິບໍດີ Mohamed Morsi ທີ່ຫາກໍຖືກໂຄ່ນລົ້ມ ທີ່ຍັງຜົນໃຫ້ມີ
51 ຄົນ ເສຍຊີວິດ.
ທັງສອງຝ່າຍໄດ້ຖິ້ມໂທດໃສ່ກັນແລະກັນ ວ່າເປັນຝ່າຍເລີ່ມຄວາມ
ຮຸນແຮງນັ້ນຂຶ້ນກ່ອນ ໂດຍທີ່ທາງກຸ່ມພາລາດອນພາບມຸສລິມ
ກ່າວຫາຝ່າຍທະຫານ ວ່າເປີດສາກຍິງໃສ່ພວກ ທີ່ສະໜັບສະໜູນ
ທ່ານ Morsi ໂດຍບໍ່ມີເຫດຜົນໃດໆທັງສິ້ນ. ທາງກອງທັບກ່າວວ່າ
ທະຫານຂອງຕົນໄດ້ເປີດສາກຍິງ ກໍຕໍ່ເມື່ອຖືກຍິງມາໃສ່ຢ່າງໜັກ
ຈາກພວກກໍ່ການຮ້າຍທີ່ພະຍາຍາມຈະບຸກເຂົ້າໄປໃນ ກອງບັນຊາການທະຫານແຫ່ງນຶ່ງ
ໃນກຸງໄຄໂຣ.
ປະທານາທິບໍດີຊົ່ວຄາວຂອງອີຍິບ ທ່ານ Adly Mansour ໄດ້ຮຽກຮ້ອງໃຫ້ທັງສອງຝ່າຍ
ມີຄວາມຍັບຍັ້ງຊັ່ງໃຈ ແລະໃຫ້ແຕ່ງຕັ້ງຄະນະສືບສວນອິດສະລະ ສອບສວນເບິ່ງຄວາມ
ວຸ້ນວາຍຄັ້ງນີ້.
ທ່ານໄດ້ອອກດໍາລັດໃນວັນຈັນວານນີ້ເຊັ່ນກັນ ວ່າຈະຈັດໃຫ້ມີການລົງປະຊາມະຕິ ພາຍໃນ
5 ເດືອນ ເພື່ອໃຫ້ສັດຕະຍາບັນແກ່ຂໍ້ດັດແປງແກ້ໄຂຕໍ່ລັດຖະທໍາມະນູນຂອງປະເທດ
ແລະການເລືອກຕັ້ງສະພາຈະມີຂຶ້ນ ພາຍໃນ 2 ເດືອນຫລັງຈາກນັ້ນ ແລະຫຼັງຈາກທີ່
ສະພາຊຸດໃໝ່ໄຂກອງປະຊຸມແລ້ວ ກໍຈະມີການກໍານົດວັນເລືອກຕັ້ງປະທານາທິບໍດີ.
ກອງທັບຂອງອີຈິບ ໄດ້ໂຈະລັດຖະທໍາມະນູນທີ່ຮ່າງໂດຍພວກນັບຖືສາສະໜາອິສລາມ
ຫົວແຂງກະດ້າງນັ້ນ ແລະກໍໄດ້ໂຄ່ນລົ້ມທ່ານ Morsi ໃນອາທິດແລ້ວນີ້ ຫຼັງຈາກທີ່ໄດ້ມີ
ການປະທ້ວງຂອງມະຫາຊົນຕໍ່ຕ້ານການປົກຄອງຂອງທ່ານ.
ຕື່ມອີກ ໃນວັນອັງຄານມື້ນີ້ ນຶ່ງມື້ຫຼັງຈາກໄດ້ມີການປະທະກັນ
ລະຫວ່າງກໍາລັງທະຫານ ແລະພວກສະໜັບສະໜູນປະທານາ
ທິບໍດີ Mohamed Morsi ທີ່ຫາກໍຖືກໂຄ່ນລົ້ມ ທີ່ຍັງຜົນໃຫ້ມີ
51 ຄົນ ເສຍຊີວິດ.
ທັງສອງຝ່າຍໄດ້ຖິ້ມໂທດໃສ່ກັນແລະກັນ ວ່າເປັນຝ່າຍເລີ່ມຄວາມ
ຮຸນແຮງນັ້ນຂຶ້ນກ່ອນ ໂດຍທີ່ທາງກຸ່ມພາລາດອນພາບມຸສລິມ
ກ່າວຫາຝ່າຍທະຫານ ວ່າເປີດສາກຍິງໃສ່ພວກ ທີ່ສະໜັບສະໜູນ
ທ່ານ Morsi ໂດຍບໍ່ມີເຫດຜົນໃດໆທັງສິ້ນ. ທາງກອງທັບກ່າວວ່າ
ທະຫານຂອງຕົນໄດ້ເປີດສາກຍິງ ກໍຕໍ່ເມື່ອຖືກຍິງມາໃສ່ຢ່າງໜັກ
ຈາກພວກກໍ່ການຮ້າຍທີ່ພະຍາຍາມຈະບຸກເຂົ້າໄປໃນ ກອງບັນຊາການທະຫານແຫ່ງນຶ່ງ
ໃນກຸງໄຄໂຣ.
ປະທານາທິບໍດີຊົ່ວຄາວຂອງອີຍິບ ທ່ານ Adly Mansour ໄດ້ຮຽກຮ້ອງໃຫ້ທັງສອງຝ່າຍ
ມີຄວາມຍັບຍັ້ງຊັ່ງໃຈ ແລະໃຫ້ແຕ່ງຕັ້ງຄະນະສືບສວນອິດສະລະ ສອບສວນເບິ່ງຄວາມ
ວຸ້ນວາຍຄັ້ງນີ້.
ທ່ານໄດ້ອອກດໍາລັດໃນວັນຈັນວານນີ້ເຊັ່ນກັນ ວ່າຈະຈັດໃຫ້ມີການລົງປະຊາມະຕິ ພາຍໃນ
5 ເດືອນ ເພື່ອໃຫ້ສັດຕະຍາບັນແກ່ຂໍ້ດັດແປງແກ້ໄຂຕໍ່ລັດຖະທໍາມະນູນຂອງປະເທດ
ແລະການເລືອກຕັ້ງສະພາຈະມີຂຶ້ນ ພາຍໃນ 2 ເດືອນຫລັງຈາກນັ້ນ ແລະຫຼັງຈາກທີ່
ສະພາຊຸດໃໝ່ໄຂກອງປະຊຸມແລ້ວ ກໍຈະມີການກໍານົດວັນເລືອກຕັ້ງປະທານາທິບໍດີ.
ກອງທັບຂອງອີຈິບ ໄດ້ໂຈະລັດຖະທໍາມະນູນທີ່ຮ່າງໂດຍພວກນັບຖືສາສະໜາອິສລາມ
ຫົວແຂງກະດ້າງນັ້ນ ແລະກໍໄດ້ໂຄ່ນລົ້ມທ່ານ Morsi ໃນອາທິດແລ້ວນີ້ ຫຼັງຈາກທີ່ໄດ້ມີ
ການປະທ້ວງຂອງມະຫາຊົນຕໍ່ຕ້ານການປົກຄອງຂອງທ່ານ.