ລິ້ງ ສຳຫລັບເຂົ້າຫາ

ພະນັກງານສຸຂະພາບ ຄົນທີສອງ ຖືກກວດພົບວ່າ ຕິດເຊື້ອໄວຣັສ ອີໂບລາ ທີ່ລັດ ເທັກຊັສ


ຂະນະ​ດຽວ​ກັນ ບັນດາ​ເຈົ້າ​ໜ້າ​ທີ່​ສາທາລະນະ​ສຸກ​ໃນ​ລັດ
Texas ກ່າວ​ວ່າ ມີພະນັກງານ​ຮັກສາ​ສຸຂະພາບ​ຄົນທີ​ສອງ
​ຖືກ​ກວດ​ພົບ​ວ່າ ຕິດ​ເຊື້ອໄວຣັສໂອ​ໂບລາ.

ພະນັກງານ​ຮັກສາ​ສຸຂະພາບ ​ທີ່​ບໍ່​ບອກ​ຊື່ໃຫ້​ຮູ້ ທີ່​ໂຮງໝໍ
Texas Health Presbyterian ທີ່​ເມືອງ Dallas ​ໄດ້​ຕິດ​
ເຊື້ອ​ໄວຣັສດັ່ງກ່າວ​ ຂະນະ​ທີ່​ດູ​ແລປິ່ນປົວ ທ້າວ Thomas
Eric Duncan ຄົນ​ໄລບີ​ເຣຍ ທີ່​ໄດ້​ກາຍ​ເປັນ​ຄົນທຳອິດ​ໃນ​
ສະຫະລັດ ​ທີ່​ເສຍ​ຊີວິດ​ຍ້ອນ​ເຊື້ອ​ໄວຣັສອີ​ໂບລາ​ ໃນ​ສັບປະ
ດາ​ແລ້ວ​ນີ້.

ກົມ​ສາທາລະນະ​ສຸກ​ລັດ Texas ກ່າວ​ວ່າ ພະນັກງານ​ຮັກສາ​ສຸຂະພາບ​ຄົນ​ນີ້​ ໄດ້​ຖືກແຍກ​ໃຫ້​ຢູ່ໂດດດ່ຽວທີ່​ໂຮງໝໍ ​ໃນ​ທັນທີ ຫຼັງ​ຈາກ​ຜູ້ກ່ຽວ​ເປັນ​ໄຂ້.

ນາງ Nina Pham ​ໄວ 26 ປີ ນາງພະຍາບານ ​ທີ່​ຕິດ​ເຊື້ອອີ​ໂບລາ​ເຊັ່ນ​ກັນ ​ໃນ​ຂະນະ​ທີ່​ດູ​ແລ​ທ້າວ Duncan ນັ້ນ ກຳລັງ​ໄດ້​ຮັບ​ປິ່ນປົວ​ຢູ່​ໃນ​ໂຮງໝໍ​ແຫ່ງ​ດຽວ​ກັນ​ນີ້. ນາງໄດ້​ອອກ​ຄຳ
ຖະ​ແຫລ​ງສະບັບ​ນຶ່ງ​ ໃນ​ວັນ​ອັງຄານ​ວານ​ນີ້​ວ່າ ນາງ “ສະບາຍດີ” ​ແລະຢາກ “ຂອບ​ອົກ
ຂອບ
ໃຈ​ໝົດ​ສູ່​ຄົນ​ທີ່​ສົ່ງ​ພອນ​ອັນ​ດີ ​ແລະ​ຄຳ​ໄຫວ້​ວອນ​ ​ໃຫ້​ນາງນັ້ນ.”

ຫົວໜ້າ​ສູນ​ຄວບ​ຄຸມ​ແລະ​ປ້ອງ​ກັນ​ພະຍາດ​ຂອງ​ສະຫະລັດ ກ່າວ​ໃນ​ວັນ​ອັງຄານວານ​ນີ້​ວ່າ ​ໂຮງໝໍ​ໃດໆ​ຢູ່​ໃນ​ສະຫະລັດ ທີ່ຢືນຢັນ​ໄດ້​ວ່າ​ ມີກໍລະ​ນີ​ຄົນ​ຕິດ​ເຊື້ອ​ອີ​ໂບລາ ບັດ​ນີ້ ແມ່ນຈະ​ໄດ້​ຮັບ​ການ​ຊ່ວຍ​ເຫລືອ​ຈາກ​ທີ​ມຮັບ​ມືຂອງ CDC ທີ່​ຈະ​ຖືກ​ສົ່ງ​ໄປ​ທີ່​ນັ້ນ “ພາຍ​ໃນ​ບໍ່​ເທົ່າ​
ໃດ​ຊົ່ວ​ໂມງ.”

XS
SM
MD
LG