ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ທ່ານ Dylan ໃນທີ່ສຸດ ກໍຮັບເອົາ ລາງວັນ Nobel


ທ່ານ Bob Dylan ສະແດງຢູ່ທີ່ ນະຄອນ Los Angeles ວັນທີ 12 ມັງກອນ, 2012.
ທ່ານ Bob Dylan ສະແດງຢູ່ທີ່ ນະຄອນ Los Angeles ວັນທີ 12 ມັງກອນ, 2012.

ນັກ​ຮ້ອງນັກ​ປະພັນອາ​ເມຣິກັນ ທ່ານ Bob Dylan ກ່າວ​ວ່າ ທ່າ​ນຈະ​ຮັບ​ເອົາ ລາງວັນ​ Nobel ຂະແໜງ​ວັນນະຄະດີ ຊຶ່ງ​ໃນ​ທີ່​ສຸດທ່ານ​ໄດ້ກໍທຳ​ຄວາມ​ງຽບໂ​ດຍ​ກ່າວ​ອອກ​ມາ ​ກ່ຽວ​ກັບ​ລາ​ງວັນ​ກຽດທີ່​ມີ​ກຽດດັ່ງກ່າວ.

ທ່ານ​ໄດ້​ກ່າ​ວຕໍ່ທ່ານ​ນາງ Sara Danius ​ເລຂາທິການ​ຖາວອນ​ຂອງ​ສະ​ຖາ​ບັນ Swedish ວ່າ “ຂ່າວ​ກ່ຽວ​ກັບ​ລາ​ງວັນ Nobel ​ເຮັດ​ໃຫ້​ຂ້າພະ​ເຈົ້າ​ປາກ​ບໍ່​ອອກ. ຂ້າພະ​ເຈົ້າ​ຂໍ​ສະ​ແດງ​ຄວາມ​ຮູ້​ບຸນຄຸນຕໍ່ກຽດຕິຍົດດັ່ງກ່າວ​ຫລາຍທີ່​ສຸດ.”

ນັກ​ສິນລະ​ປິນອາຍຸ 75 ປີ ບໍ່​ໄດ້​ໃຫ້​ຄຳ​ຕອບ​ໃນ​ຄວາມ​ພະຍາຍາມ​ຕິດ​ຕໍ່ຫລາຍ​ຄັ້ງນັບ​ແຕ່​ທ່ານ​ມີ​ຊື່ເປັນ​ຜູ້​ຊະນະ​ລາງວັນ Nobel ​ໃນ​ວັນ​ທີ 13 ​ເດືອນຕຸລາ​ທີ່​ຜ່ານ​ມາ​ນີ້ທີ່ໄດ້​ກາຍ​ມາ​ເປັນ​ນັກ​ດົນ​ຕີ​ຄົນ​ທຳ​ອິດ​ແບບບໍ່​ມີ​ມາ​ກ່ອນ ທີ່​ໄດ້​ຊະນະ​ລາງ​ວັນໃນ​ຂະ​ແໜງວັນນະ​ຄະດີ. ທ່ານ Dylan ​ໄດ້​ມິດ​ງຽບ​ໄປ​ເປັນ​ເວລາ​ສອງ​ອາທິດ ຫລັງ​ຈາກ​ການ​ປະກາດ ​ໄດ້​ເຮັດໃຫ້​ສະມາຊິກ​ສະ​ຖາ​ບັນ​ຄົນ​ນຶ່ງໂທລະສັບ​ໄປ​ຫາ​ທ່ານທີ່​ກ່າວ​ວ່າ “ບໍ່​ມີ​ມາລະຍາດແລະອວດ ດີ."

ສະຖານ​ບັນ Swedish ຊຶ່ງ​ເປັນ​ຜູ້​ຕັດສິນ​ ໃນ​ແຕ່ລະ​ປີວ່າ ​ໃຜ​ຈະ​ເປັນຜູ້​ຊະນະ​ລາງວັນ​ກຽດຕິຍົດ​ຂະ​ແນ​ງ​ວັນນະຄະດີ ​ໄດ້​ກ່າວ​ໃນ​ວັນ​ສຸກ​ວານ​ນີ້​ວ່າ ຂຶ້ນ​ຢູ່​ກັບ​ທ່ານ Dylan ທີ່ ວ່າຈະ​ເຂົ້າ​ຮ່ວມຫຼືບໍ່​ໃນ​ພິທີ​ຮັບ​ລາ​ງວັນ​ໃນ​ທ້າຍ​ປີ​ນີ້. ​ໂຄສົກ​ຄົນ​ນຶ່ງ​ກ່າວ​ວ່າ “ຍັງ​ບໍ່​ທັນ​ໄດ້​ຕັດສິນ​ໃຈ​ເທື່ອ​ວ່າທ່ານ Bob Dylan ຈະ​ເຂົ້າ​ຮ່ວມ​ພິທີ​ຫຼືບໍ່ ລະຫວ່າງ​ອາທິດ ​ມອບ​ລາງ ວັນ Nobel ໃນ​ນະຄອນ Stockholm ​ໃນ​ເດືອນທັນວາ​ຈະ​ມາ​ເຖິງ​ນີ້.”

​ແຕ່​ວ່າ ຢູ່​ໃນ​ການ​ສຳພາດ​ກັບໜັງສືພິມ​ອັງກິດ Daily Telegraph ທີ່​ເຜີຍ​ແຜ່​ໃນ​ວັນ​ສຸກ​ວານ​ນີ້ ທ່ານ Dylan ກ່າວ​ວ່າ ທ່ານ “​ແນ່ນອນ” ຈະ​ເຂົ້າ​ຮ່ວມ​ພິທີ “ຖ້າ​ຫາ​ກ​ເປັນ​ໄປ​ໄດ້​ທັງ​ໝົດ.” ທ່ານ​ໄດ້​ບັນ​ລະ​ຍາຍ​ວ່າການ​ມອບ​ລາງວັນ​ “ໜ້າ​ງຶດ​ງໍ້” ​ແລະ​ກ່າວ​ວ່າ “ມັນ​ຍາກ​ທີ່​ຈະ​ເຊື່ອ.”


ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG