ລິ້ງ ສຳຫລັບເຂົ້າຫາ

ປະສູດແລ້ວ ເປັນຜູ້ຍິງ ! Duchess of Cambridge ໄດ້ໃຫ້ການປະສູດ ເປັນພະທິດາ


ທ່ານ Tony Appleton ຜູ້ປະກາດແຈ້ງຂ່າວປະຈຳເມືອງ ໄດ້ບອກແກ່ບັນດານັກຂ່າວ ທີ່ພາກັນເຕົ້າໂຮມ ລໍຖ້າຟັງ.

ທ່ານ Tony Appleton ຜູ້ປະກາດແຈ້ງຂ່າວປະຈຳເມືອງ ໄດ້ບອກແກ່ບັນດານັກຂ່າວ ທີ່ພາກັນເຕົ້າໂຮມ ລໍຖ້າຟັງ.

ເຈົ້າ​ໜ້າ​ທີ່ພະລາດ​ຊະ​ວັງຂອງອັງກິດ ກ່າວ​ໃນ​ວັນ​ເສົາ​ມື້​ນີ້​ວ່າ
ເຈົ້າ​ຍິງ Kate ທີ່ມີນາມຍົດວ່າ Duchess of Cambridge
​ໄດ້ໃຫ້ການປະສູດແກ່ພະທິດາ ໃນວັນເສົາມື້ນີ້ ອີງຕາມລາຍ
ງານຂອງອົງການຂ່າວເອພີ.

ພະລາດ​ຊະ​ວັງ Kensington ກ່າວ​ໂດຍ​ສັ້ນໆ​ວ່າ ​ພະຊາຍາ
ຂອງ​ເຈົ້າ​ຊາຍ William ​ໄດ້​ໃຫ້ການປະສູດ​ແກ່ພະທິດາ​ດ້ວຍ
​ຄວມປອດ​ໄພ​ໃນ​ເວລາ 8 ໂມງ 34 ນາ​ທີ​ ໃນຕອນ​ເຊົ້າ ຕາມ
​ເວລາ​ໃນນະຄອນ​ລອນ​ດອນ ບໍ່ຮອດ​ສາມ​ຊົ່ວ​ໂມງຫລັງຈາກ
​ເຈົ້າ​ຍິງ​ໄດ້​ເຂົ້າໂຮງໝໍ St Mary ຢູ່ເຂດໃຈກາງນະຄອນຫຼວງ
​ລອນ​ດອນ.

ການ​ປະກາດດັ່ງກ່າວ ​ໄດ້ສ້າງ​ຄວາມປິ​ຕິ​ຍິນ​ດີດ້ວຍການຮ້ອງ​ໂຮຂອງ​ຝູງ​ຊົນ​ຢູ່ນອກ​ໂຮງ
ໝໍ ບ່ອນ​ທີ່​ບັນດາ​ຜູ້ທີ່​ມີ​ຄວາມ​ຈົງ​ຮັກ​ພັກດີ​ ພາກັນ​ນຸ່ງ​ເຄື່ອງ ທີ່​ມີສີສັນ​ ເປັນທຸງຊາດອັງກິດ
​ພາກັນ​ມາ​ຢືນ​ຖ້າ​ຢູ່​ທາງຍ່າງ ເພື່ອລໍຖ້າ​ຟັງ​ຂ່າວ​ດ້ວຍ​ຄວາມ​ຕື່ນ​ເຕັ້ນ. ຜູ້​ຮ້ອງ​ປະກາດ​ປະ
ຈຳ​ເມືອງ​ຄົນ​ນຶ່ງ​ ນຸ່ງ​ເຄື່ອງ​ພື້ນ​ເມື​ອງທີ່​ງົດ​ງາມ ຮ້ອງ​ອອກ​ມາ​ຢ່າງ​ແຮງ ປະກາດ​ຂ່າວ​ຢູ່​ປະ
ຕູ​ໂຮ​ງໝໍ ໂດຍການຕີ​ລະຄັງ​ຕ້ອນຮັບ​ກາ​ນ​ປະສູດຂອງສະມາຊິກລາດຊະວົງຄົນໃໝ່.

ພະທິດາອົງນີ້ ມີ​ນຳ້ໜັກ​ 8 ປອນ 3 ອອນ ຫລື 3.7 ກິ​ໂລ. ພະລາດ​ຊະ​ວັງ ກ່າວ​ເພີ້​ມ​ເຕີມ​
ວ່າ ​ເຈົ້າ​ຍິງ Kate ຊຶ່ງມີພະຊົນ 33 ປີ ພ້ອມດ້ວຍພະທິດາຂອງ ພະນາງ ຕ່າງກໍມີສຸຂະ
ພາບດີ ແລະເຈົ້າຊາຍ William ກໍມີໜ້າເວລາພະທິດາ ປະສູດ.

ພະທິດາອົງນີ້ ເປັນຜູ້ທີສີ່ໃນຖັນແຖວສືບສັນຕິວົງ ທີ່ຈະຂື້ນຄອງລາດຊະບັນລັງ ແລະ
ເປັນຫລານຜູ້ທີຫ້າ ຂອງພະລາຊີນີ Elizabeth ທີ 2.

ຖະແຫລງການກ່າວວ່າ ບັນດາເຊື້ອພະວົງຜູ້ອະວຸໂສ ໄດ້ຖືກແຈ້ງໃຫ້ຊາບແລ້ວ ແລະ
“ກໍມີຄວາມປະທັບໃຈກັບຂ່າວນີ້.”

ເຈົ້າຍິງ Kate ທີ່ໄດ້ສົມລົດກັບເຈົ້າຊາຍ William ໃນເດືອນເມສາ ປີ 2011 ໄດ້ປະສູດ
ເຈົ້າຊາຍ George ຢູ່ໂຮງໝໍດຽວກັນ ໃນເດືອນກຳລະກົດ ປີ 2013.

XS
SM
MD
LG