ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສະມາຊິກ ພັກຣີພັບບລີກັນ ອີກຫຼາຍສິບຄົນ ປະຖິ້ມ ທ່ານ Trump


ຜູ້ສະໝັກ ປະທານາທິບໍດີ ພັກຣີພັບບລີກັນ ທ່ານ Donald Trump ພວມໂຄສະນາຫາສຽງ ທີ່ເມືອງ Colorado Springs ໃນລັດ Colorado. (29 ກໍລະກົດ 2016)
ຜູ້ສະໝັກ ປະທານາທິບໍດີ ພັກຣີພັບບລີກັນ ທ່ານ Donald Trump ພວມໂຄສະນາຫາສຽງ ທີ່ເມືອງ Colorado Springs ໃນລັດ Colorado. (29 ກໍລະກົດ 2016)

ນັບ​ເປັນເທື່ອ​ທີ​ສອງ​ ໃນ​ອາທິດ​ນີ້ ທີ່ກຸ່ມ​ບຸກຄົນ​ສຳຄັນ​ຂອງ​ພັກ​ຣີພັບ​ບລີ​ກັນ​ ກ່າວ​ວ່າ ຕົນ ​ຈະ​ບໍ່​ໃຫ້ການ​ສະໜັບສະ​ໜຸນ​ແກ່ທ່ານ Donald Trump ​ເປັນ​ປະທານາທິບໍດີສະຫະລັດ.

ສະມາຊິກ​ພັກຣີພັບ​ບລີ​ກັນ​ຫລາຍ​ກວ່າ 70 ຄົນ ຮວມທັງ​ອະດີດ​ສະມາຊິກ​ລັດຖະສະພາ ​ແລະ​ພວກ​ເຈົ້າໜ້າ​ທີ່​ອະ​ວຸ​ໂສ​ຂອງ​ລັດຖະບານ​ທ່ານ Ronald Reagan ​ແລະ​ລັດ​ຖະບານ​ຂອງ​ປະທານາທິບໍດີ Bush ທັງ​ຜູ້​ເປັນພໍ່​ແລະ​ລູກ ​ໄດ້ຮ່າງ​ຈົດໝາຍ​ສະບັບ​ນຶ່ງ ສົ່ງ​ໄປ​ຍັງ ປະທານ​ຄະນະ​ກຳມະການ​ແຫ່ງ​ຊາດ ຂອງ​ພັກຣີພັບ​ບລີ​ກັນ ທ່ານ Reince Priebus.

ທ່ານ Khizr Khan ທີ່ລູກຊາຍໄດ້ເສຍຊີວິດ ຂະນະຮັບໃຊ້ຢູ່ໃນກອງທັບ ສະຫະລັດ
ທ່ານ Khizr Khan ທີ່ລູກຊາຍໄດ້ເສຍຊີວິດ ຂະນະຮັບໃຊ້ຢູ່ໃນກອງທັບ ສະຫະລັດ

ພວກ​ເຂົາ​ເຈົ້າຕ້ອງການ​ຢາກໃຫ້​ຄະນະ​ກຳມະການ​ແຫ່ງ​ຊາດ​ຂອງພັກຣີພັບ​ບລີ​ກັນຢຸດ​ເຊົາ​ການໃຊ້​ເງິນ ​ເວລາ ພະນັກງານ ​ແລະ​ການ​ໂຄສະນາ ​ຂອງ​ພັກ ເພື່ອສະໜັບສະໜຸນ​ທ່ານ Trump ແລະ​ໃຊ້​ປັດ​ໄຈ ຕະຫລອດ​ທັງ​ພະນັກງານ​ແລະ​ສິ່ງ​ຂອງ​ເຫຼົ່ານີ້​ໄປ​ສະໜັບສະໜຸນ​ບັນດາ​ຜູ້​ສະໝັກ​ ເປັນ​ສະມາຊິກ​ສະ​ມາ​ຕ່ຳ​ ແລະ​ສະພາ​ສູງ ​ຂອງ​ພັກ​ແທນ. ພວກ​ເຂົາ​ເຈົ້າ ກ່າວວ່າ ​ໂອກາດ​ທີ່​ທ່ານ Trump ​ຈະຊະນະ​ການ​ເລືອກ​ຕັ້ງ​ ໃນ​ເດືອນ​ພະຈິກ ກຳລັງ​ເຫີ​ຍ ຫາຍ​ໄປ​ໃນ​ແຕ່​ລະມື້.

​ຮວມຢູ່​ໃນບັນດາເຫດຜົນ​ອື່ນໆນັ້ນ ພວກ​ເຂົາ​ເຈົ້າ​ໄດ້​ອ້າງ​ການ​ປະ​ທະ​ຄາລົມ​ຂອງ​ທ່ານກັບ​ພໍ່​ແມ່​ຂອງ​ທະຫານ​ອາ​ເມຣິກັນ​ທີ່​ນັບຖື​ສາສະໜາ​ອິສລາມ ທີ່​ໄດ້​ເສຍ​ຊີວິດ​ຢູ່​ອີຣັກ ການ​ໃຫ້​ຊ່​ອງທາງ​ວ່າ ​ພວກ​ສະໜັບສະໜຸນ​ສິດທິ​ ໃນ​ການ​ຄອບ​ຄອງ​ປືນ​ ຄວນຈະ​ຍິງ ​ທ່ານ​ນາງ Hillary Clinton ​ແລະຕົວະ​ລ່າຍ​ກ່ຽວ​ກັບ​ເລື້ອງອື່ນໆ​ອີກ​ທັງໃຫຍ່​ແລະ​ນ້ອຍ.

Donald Trump on Obama, Clinton 'Founders' of ISIS and Clinton MVP
please wait

No media source currently available

0:00 0:00:26 0:00

​ຮວມຢູ່​ໃນບັນດາເຫດຜົນ​ອື່ນໆນັ້ນ ພວກ​ເຂົາ​ເຈົ້າ​ໄດ້​ອ້າງ​ການ​ປະ​ທະ​ຄາລົມ​ຂອງ​ທ່ານກັບ​ພໍ່​ແມ່​ຂອງ​ທະຫານ​ອາ​ເມຣິກັນ​ທີ່​ນັບຖື​ສາສະໜາ​ອິສລາມ ທີ່​ໄດ້​ເສຍ​ຊີວິດ​ຢູ່​ອີຣັກ ການ​ໃຫ້​ຊ່​ອງທາງ​ວ່າ ​ພວກ​ສະໜັບສະໜຸນ​ສິດທິ​ ໃນ​ການ​ຄອບ​ຄອງ​ປືນ​ ຄວນຈະ​ຍິງ ​ທ່ານ​ນາງ Hillary Clinton ​ແລະຕົວະ​ລ່າຍ​ກ່ຽວ​ກັບ​ເລື້ອງອື່ນໆ​ອີກ​ທັງໃຫຍ່​ແລະ​ນ້ອຍ.

ຜູ້ສະໝັກປະທານາທິບໍດີ ຂອງພັກເດໂມແຄຣັດ ທ່ານນາງ Hillary Clinton
ຜູ້ສະໝັກປະທານາທິບໍດີ ຂອງພັກເດໂມແຄຣັດ ທ່ານນາງ Hillary Clinton

ຫົວໜ້າປະຊາສຳພັນ​ຂອງ​ພັກຣີພັບ​ບລີ​ກັນ ທ່ານ Andrew Weinstein ກ່າວຕໍ່​ວີ​ໂອ​ເອ ວ່າ ຖ້າ​ຄະນະ​ກຳມະການ​ແຫ່ງ​ຊາດ​ຂອງພັກຣີພັບ​ບລີ​ກັນບໍ່​ໄດ້​ປ່ຽນ​ຈຸດ​ເພັ່ງ​ເລັງ​ຂອງ​ຕົນ​ໃນ​ທັນທີແລ້ວ ການ​ພັງ​ພິນາດ​ລົງ ​ຂອງ​ຂະ​ບວນລົດ​ໄຟ ​ທ່ານ Trump ​ໃນ​ເດືອນ​ພະຈິກ ອາດ​ທຳລາຍ​ການ​ກຳ​ສຽງ​ສ່ວນ​ຫຼາຍຂອງ​ພວກ​ເຮົາ​ ຢູ່ໃນ​ລັດຖະສະພາ​ໄປ​ພ້ອມ. ພວກ​ເຮົາ​ບໍ່​ສາມາດ​ລໍຖ້າ​ໃຫ້​ມັນ​ເກີດ​ຂຶ້ນ​ໄດ້​ອີກ​ຕໍ່​ໄປ ທີ່​ຈະ​ເພັ່ງ​ເລັງ​ຊັບພະຍາກອນ​ຂອງ​ພວກ​ເຮົາ ​ໄປ​ໃສ່​ການ​ແຂ່ງຂັນ​ຕ່າງໆ ​ທີ່ພວກ​ເຮົາ​ຈະ​ຊະນະ ​ແທນ​ທີ່​ຈະ​ຈູດ​ເງິນ​ຖິ້ມຕື່ມ ນຳ​ຜູ້​ສະໝັກ​ປະທານາທິບໍດີ ​ທີ່​ຈະບໍ່​ສາມາດ​ຖືກ​ຮັບ​ເລືອກໄດ້.

ຍັງ​ບໍ່​ມີ​ຄຳ​ຕອບ​ໃດໆ​ຈາກ​ການ​ໂຄສະ​ນາ​ຫາ​ສຽງ​ຂອງ​ທ່ານ Trump ​ເທື່ອກ່ຽວ​ກັບ​ເລື້ອງນີ້.

ອ່ານຂ່າວນີ້ຕື່ມເປັນພາສາອັງກິດ

Hillary Clinton Says Trump's Economic Plan Will Pull US Back Into Recession
please wait

No media source currently available

0:00 0:00:08 0:00

XS
SM
MD
LG