ລິ້ງ ສຳຫລັບເຂົ້າຫາ

ປະຊາຊົນຫຼາຍກວ່າ 140 ຄົນເສຍຊີວິດ ໃນ ການໂຈມຕີ ງານສົ່ງສະການໃນ ເຢເມນ


ບັນດາຜູ້ຊ່ຽວຊານ ສັນນະສູດສົບ ສືບສວນສອບສວນ ຈຸດ
ເກີດເຫດ ທີ່ສາລາປະຊາຄົມ ບ່ອນທີ່ ເຮືອບິນຮົບ ຂອງພັນ
ທະມິດທີ່ນຳພາໂດຍ ຊາອູດີ ອາເຣເບຍ ໄດ້ຖິ້ມລະເບີດໃສ່
ງານສົ່ງສະການໃນນະຄອນຫຼວງ Sana'a, ເຢເມນ. 9 ຕຸລາ, 2016.

ບັນດາຜູ້ຊ່ຽວຊານ ສັນນະສູດສົບ ສືບສວນສອບສວນ ຈຸດ ເກີດເຫດ ທີ່ສາລາປະຊາຄົມ ບ່ອນທີ່ ເຮືອບິນຮົບ ຂອງພັນ ທະມິດທີ່ນຳພາໂດຍ ຊາອູດີ ອາເຣເບຍ ໄດ້ຖິ້ມລະເບີດໃສ່ ງານສົ່ງສະການໃນນະຄອນຫຼວງ Sana'a, ເຢເມນ. 9 ຕຸລາ, 2016.

ບັນດາເຈົ້າໜ້າທີ່ທຳນຽບຂາວກ່າວວ່າ ລັດຖະບານຂອງທ່ານ ໂອບາມາ ກຳລັງເປີດການ ທົບທວນຢ່າງກະທັນຫັນ ການສະໜັບສະໜູນຂອງຕົນແກ່ພັນທະມິດທີ່ນຳໜ້າໂດຍ ຊາອູ ດິ ອາເຣເບຍ ທີ່ຕໍ່ສູ້ໃນ ເຢເມນ, ຫຼັງຈາກການໂຈມຕີທາງອາກາດໃນວັນເສົາທີ່ຜ່ານມາວ່າ ໄດ້ຂ້າຄົນ ຫຼາຍກວ່າ 140 ຄົນທີ່ໄປໄວ້ອາໄລໃນພິທີສົ່ງສະການໃນນະຄອນຫຼວງ Sana’a ແລະ ໄດ້ເຮັດໃຫ້ຄົນອື່ນບາດເຈັບອີກຢ່າງໜ້ອຍ 500 ຄົນນັ້ນ.

ໃນຖະແຫຼງການສະບັບໜຶ່ງຂອງຕອນຄ່ຳວັນເສົາວານນີ້, ໂຄສົກສະພາຄວາມໝັ້ນຄົງ ແຫ່ງຊາດຂອງ ສະຫະລັດ ທ່ານ Ned Priceກ່າວວ່າ “ພວກເຮົາເກີດຄວາມບໍ່ສະບາຍ ໃຈທີ່ສຸດ ຍ້ອນລາຍງານ ກ່ຽວກັບ ການໂຈມຕີທາງອາກາດໃນມື້ນີ້” ໃນຫໍສົ່ງສະການ, ເຊິ່ງປາກົດວ່າຈະ ສືບຕໍ່ສ້າງບັນຫາໃນການໂຈມຕີຕໍ່ພົນລະເຮືອນຊາວ ເຢເມນ ຫຼາຍຄັ້ງ ຕໍ່ໄປ.

ທ່ານ Price ກ່າວວ່າ “ການຮ່ວມມືຮັກສາຄວາມປອດໄພຂອງ ສະຫະລັດ ກັບ ຊາອູດີ ອາເຣເບຍ ບໍ່ແມ່ນໃບສັ່ງຈ່າຍເງິນທີ່ເປົ່າຫວ່າງ.” ແລະ ໄດ້ກ່າວເພີ່ມເຕີມວ່າ ການສະ ໜັບສະໜູນຂອງ ສະຫະລັດ ສຳລັບການປະຕິບັດການນຳໜ້າໂດຍ ຊາອູດີ ອາເຣເບຍ ໃນ ເຢເມນ ໄດ້ “ຫຼຸດໜ້ອຍລົງຢ່າງຫຼວງຫຼາຍ” ຢູ່ແລ້ວ.

ໂຄສົກຂອງສະພາຄວາມໝັ້ນຄົງແຫ່ງຊາດ ກ່າວວ່າ ສະຫະລັດ “ພ້ອມແລ້ວທີ່ຈະດັດແກ້ ການສະໜັບສະໜູນສຳລັບພັນທະມິດ ຊາອູດີ ອາເຣເບຍ ເພື່ອຈະຈັດສັນໃຫ້ເຂົ້າກັບ ກົດເກນ, ຄຸນຄ່າ ແລະ ຜົນປະໂຫຍດຂອງ ສະຫະລັດ ໃຫ້ດີກວ່າເກົ່າ, ລວມທັງການ ໃຫ້ບັນລຸການສິ້ນສຸດຄວາມຂັດແຍ້ງທີ່ເສົ້າສະຫຼົດໃຈນີ້ທັນທີ ຊຶ່ງ ມີມາຍາວນານຂອງ ເຢເມນນີ້.”

ຊາອູດີ ອາເຣເບຍ ໄດ້ກ່າວໃນວັນອາທິດມື້ນີ້ວ່າ ຕົນໄດ້ມີແຜນທີ່ຈະເປີດການສືບສວນ ສອບສວນໃນການໂຈມຕີດັ່ງກ່າວ.

ໂຄສົກທ່ານໜຶ່ງສຳລັບ ເລຂາທິການໃຫຍ່ ສະຫະປະຊາຊາດ ທ່ານ Ban Ki-moon ໄດ້ ກ່າວວ່າ "ທຸກໆການເຈຕະນາໂຈມຕີຕໍ່ພວກພົນ ລະເຮືອນແມ່ນເປັນທີ່ຍອມຮັບບໍ່ໄດ້ ທີ່ສຸດ ແລະ ຂໍຮຽກຮ້ອງໃຫ້ມີ ການສືບສວນສອບສວນຢ່າງວ່ອງໄວ ແລະ ກໍເປັນກາຍຸ ຕິທຳດ້ວຍ.”

ຂໍ້ມູນ ກ່ຽວກັບ ການໂຈມຕີ ຍັງຄົງບໍ່ກະຈ່າງແຈ້ງໃນຕອນແລງຂອງ ວັນເສົາວານນີ້. ລາຍ ງານຈາກຈຸດເກີດເຫດໄດ້ກ່າວວ່າ ບັນດາພະນັກງານໜ່ວຍສຸກເສີນໄດ້ໃຊ້ຖົງເປົ່າ ເພື່ອ ເກັບຊິ້ນສ່ວນຂອງຮ່າງກາຍມະນຸດທີ່ໄດ້ຈະຈາຍໄປທົ່ວໃນຊາກຫັກພັງຂອງຫໍສົ່ງສະການ ແລະ ບໍລິເວນດ້ານນອກຂອງອາຄານທີ່ຖືກທຳລາຍນັ້ນ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG