ລິ້ງ ສຳຫລັບເຂົ້າຫາ

ທ່ານ Trump ຮຽກຮ້ອງ​ໃຫ້​ ຕັ້ງໄອ​ຍະ​ການ​ພິ​ເສດ ​ເພື່ອ​​ສືບສວ​ນ ​ມູນ​ນິທິ ​Clinton


ຜູ້​ສະໝັກ​ສັງ​ກັດ​ພັກ Republican ທ່ານ Donald Trump ​ໄດ້​ຮຽກຮ້ອງ​ໃຫ້​ຕັ້ງຄະນະໄອ​ຍະ ​ການ​ພິ​ເສດ ຂຶ້ນ​ໃນ​ທັນທີ ​ເພື່ອ​ທຳ​ການ​ສຶບສວ​ນສອບ​ສວນ​ມູນ​ນິທິຂອງ​ທ່ານນາງ Hillary ​ແລະທ່ານ Bill Clinton ​ໂດຍ​ກ່າວ​ວ່າ ອົງການ​ສັນຕິບານ​ກາງ FBI ບໍ່​ສາມາດ ​ເຊື່ອ​ຖື​ໄດ້ ​ໃນ​ການ​ສືບສວນຄະດີ​ທີ່​ວ່າ​ນີ້.

ທ່ານ Trump ​ໄດ້​ໃຊ້​ເວລາເກືອບ​ໝົດ​ມື້​ໃນ​ວັນ​ຈັນ​ວານ​ນີ້ ໃສ່​ໃນ​ການ​ກ່າວ​ຄຳ​ປາ​ໄສໃນ​ການໂຄສະນາ​ຫາ​ສຽງ ​ທີ່​ເມືອງ Akron, ລັດ Ohio ​ໃນ​ອັນ​ທີ່​ທ່ານ​ໄດ້​ອະທິບາຍ​ວ່າ“​ຂອບ​ເຂດ​ອັນ​ກວ້າງຂວາງ” ໃນ​ການ​ກະທຳ​ຜິດ​ກົດໝາຍຂອງ​ທ່ານ​ນາງ Clinton, ໂດຍ​ກ່າວ​ວ່າ ທ່ານ​ຕື່ນ​ຕົກ​ໃຈໃ​ນເຫດ​ທີ່ກ່າວ​ນີ້.

ຄູ່​ແຂ່ງຈາກ​ພັກ Republican ຂອງທ່ານ​ນາງ Clinton ໄດ້ກ່າວຫາຜູ້ອຸບປະຖຳລາຍໃຫຍ່ ຕໍ່​ມູນ​ນິທິການກຸສົນນີ້ ​ໂດຍໃຊ້​ມູນ​ນິທິດັ່ງກ່າວ ​ເພື່ອເຂົ້າເຖິງທ່ານນາງ Clinton ຫຼືບໍ່​ກໍພວກ ຜູ້ຊ່ອຍຂັ້ນສູງຂອງທ່ານນາງ ໃນຊ່ວງ ທີ່ທ່ານນາງດຳລົງ ຕຳແໜ່ງ ເປັນລັດຖະມົນຕີການ ຕ່າງປະເທດສະຫະລັດນັ້ນ.

​ທ່ານ​ນາງ Clinton ໄດ້ປະຕິເສດຕໍ່ຂໍ້ກ່າວຫານີ້ ຕະຫຼອດມາ. ພວກ e-mails ທີ່ຫາກໍນຳ ອອກເຜີຍແຜ່ໃໝ່ນີ້ ສະແດງໃຫ້ເຫັນວ່າ ໄດ້ມີພວກອຸບປະຖຳຫຼາຍລາຍ ໄດ້ຮ້ອງຂໍຄວາມ ຊ່ອຍ​ເຫຼືອ​ເປັນ​ການ​ພິ​ເສດ​ກໍ​ຈິງ ​ແຕ່ຍັງບໍ່ທັນມີຫຼັງຖານໃດໆສະ​ແດງ​ໃຫ້​ເຫັນ​ວ່າ ສິ່ງທີ່​ເຂົ​າ​ເຈົ້າຮຽກຮ້ອງມານັ້ນ ໄດ້ຮັບການສະໜອງ​ຕອບແຕ່ຢ່າງໃດ​ເລີຍ ຫຼືແມ່ນແຕ່ທ່ານນາງ Clinton ເອງ ໄດ້ມີສ່ວນພົວພັນຫຼືບໍ່.

ເມື່ອກ່ອນ ຕອນທີ່ທ່ານນາງ Hillary Clinton, ພັນລະຍາຂອງອະດີດ Bill Clinton, ຂຶ້ນກ່າວຄຳປາໄສ ໃນງານຫາລາຍໄດ້ ຂອງມູນນິທິ Clintonໃນ ນະຄອນ New York, 28 ຕຸລາ, 2006.

ເມື່ອກ່ອນ ຕອນທີ່ທ່ານນາງ Hillary Clinton, ພັນລະຍາຂອງອະດີດ Bill Clinton, ຂຶ້ນກ່າວຄຳປາໄສ ໃນງານຫາລາຍໄດ້ ຂອງມູນນິທິ Clintonໃນ ນະຄອນ New York, 28 ຕຸລາ, 2006.

ທ່ານ Bill Clinton ໄດ້ປະກາດໄປໃນສັບປະດາແລ້ວນີ້ວ່າ ມູນ​ນິທິ ດັ່ງກ່າວຈະປ່ຽນທິດ ທາງ ໃນການປະກອບກິດຈະກຳ ຖ້າຫາກວ່າ ພັນລະຍາຂອງທ່ານນາງຫາກຖືກເລືອກ​ ເປັນ​ປະທາ ນາທິບໍດີ. ມູນ​ນິທິຈະຍຸຕິການຮັບເອົາເງິນບໍລິຈາກຈາກຕ່າງປະເທດ ຮວມທັງ ບັນດາບໍລິສັດ ທັງຫຼາຍ ແລະທ່ານ Bill Clinton ເອງ ກໍຈະລາອອກຈາກຄະນະກຳມະການ ບໍລິຫານມູນນິ ທິດັ່ງກ່າວ.

ບໍ່ມີຫຍັງໃນການສະເໜີທັງໝົດນີ້ເປັນທີ່ພຶງພໍໃຈ ຕໍ່ທ່ານ Trump. ທ່ານຮຽກຮ້ອງໃນວັນ ຈັນ ວານນີ້ ໃຫ້ມູນນິທິດັ່ງກ່າວປິດລົງ ແລະເອີ້ນມູນ​ນິທິທີ່ວ່ານີ້ວ່າ “ເປັນການທຸລະກິດ ທີ່ສໍ້ໂກງ ທີ່ສຸດ ໃນປະຫວັດສາດການເມືອງ,” ແລະກ່າວຫາຄອບຄົວ Clinton ວ່າ ເປັນຫວ່ງເປັນໃຍ​ແຕ່​ນຳພວກຜູ້ບໍລິຈາກ ແລະທະນາຄານຂອງພວກເຂົາເຈົ້າຫຼາຍກວ່າ ຊາວອາເມຣິກັນ.

ແຕ່ວ່າ ຄະນະໂຄສະນາຫາສຽງຂອງທ່ານ​ນາງ Hillary Clinton ໄດ້ໂຕ້ຕອບ​ຄືນ​ ຕໍ່ມະຫາ​ເສດຖີອະສັງຫາລິມະຊັບ ແລະອຸດສາກຳພັນລ້ານ.

“ມູນນິທິ Clinton ແມ່ນເປັນມູນນິທິ ທີ່ຊ່ອຍຜູ້ຄົນ ໃນທົ່ວໂລກ,” ນັ້ນຄື​ຄຳ​ເວົ້າຂອງທ່ານ Brian Fallon ໂຄສົກຂອງມູນນິທິ ທີ່ໄດ້ຂຽນຂໍ້ຄວາມລົງທາງ Tweeter ໃນວັນຈັນວານນີ້. ທຸລະກິດຂອງທ່ານ Trump ນັ້ນ ແມ່ນເພື່ອສ້າງຄວາມຮັ່ງມີໃຫ້ທ່ານເອງ ທີ່ພົວພັນຕິດຕໍ່ ຕ່າງໆແບບຄຸມເຄືອ ແລະທ່ານຍັງບໍ່ທັນໄດ້ໝັ້ນ​ໝາຍ ​ທີ່​ຈະ​ມອບ ​ໂອນ​ກຳມະສິດ ຂອງທ່ານ ເທື່ອ.
ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG