ນັກການທູດອະວຸໂສຄົນນຶ່ງຂອງເກົາຫຼີເໜືອ ກ່າວໃນວັນເສົາມື້ນີ້ວ່າ ພຽງຢາງເຕັມໃຈ
ທີ່ຈະໂອ້ລົມກັບສະຫະລັດ ພາຍໃຕ້ເງື່ອນໄຂອັນເໝາະສົມ.
ທ່ານນາງ Choe Son Hui ເອກອະທິບໍດີ ກະຊວງການຕ່າງປະເທດເກົາຫຼີເໜືອຮັບ
ຜິດຊອບ ກ່ຽວກັບກິດຈະການສະຫະລັດ ໃຫ້ຄວາມເຫັນດັ່ງກ່າວ ໃນການໂອ້ລົມກັບ
ພວກນັກຂ່າວ ທີ່ສະໜາມບິນນາໆຊາດ ໃນນະຄອນຫຼວງປັກກິ່ງ ຂະນະທີ່ທ່ານນາງ
ເດີນທາງກັບຄືນປະເທດຈາກນໍເວ.
ອີງຕາມອົງການຂ່າວຢອນຮັບແລ້ວ ເວລາມີການຖາມວ່າ ເກົາຫຼີເໜືອ ກະກຽມທີ່ຈະ
ພົບປະ ກັບລັດຖະບານທ່ານທຣຳ ຫຼືບໍ່? ທ່ານນາງກ່າວວ່າ “ພວກເຮົາຈະມີການໂອ້
ລົມຖ້າເງື່ອນໄຂຫາກເໝາະສົມ.” ທີ່ນະຄອນອອສໂລທ່ານນາງ Choeຍັງໄດ້ພົບປະ
ກັບພວກນັກວິຊາການແລະອະດີດເຈົ້າໜ້າທີ່ສະຫະລັດ.
ພວກເຈົ້າໜ້າທີ່ສະຫະລັດ ຍັງບໍ່ມີປະຕິກິລິຍາໃດໆກ່ຽວກັບການໃຫ້ຄວາມເຫັນຂອງ
ທ່ານນາງ Choe.
ປະທານາທິບໍດີດໍໂນລ ທຣຳ ກ່າວໃນເດືອນແລ້ວນີ້ວ່າ ມັນອາດຈະເກີດ ບັນຫາຂັດ
ແຍ້ງ ທີ່ໃຫຍ່ທີ່ໃຫຍ່ ກັບເກົາຫຼີເໜືອ ແຕ່ທ່ານຢາກໃຫ້ມີ ການແກ້ໄຂທາງດ້ານການ
ທູດ ຕໍ່ບັນຫາຂັດແຍ້ງກ່ຽວກັບໂຄງການອາວຸດນິວເຄລຍແລະລູກສອນໄຟຂອງເກົາ
ຫຼີເໜືອ.
ໃນເວລາຕໍ່ມາ ທ່ານທຣຳ ກ່າວວ່າ ທ່ານຮູ້ສຶກເປັນກຽດ ທີ່ຈະພົບປະກັບຜູ້ນຳເກົາຫລີ
ເໜືອ ທ່ານກິມຈົງອຸນ ພາຍໃຕ້ເງື່ອນໄຂທີ່ເໝາະສົມ.
ທ່ານ Moon Jea-in ປະທານາທິບໍດີ ເກົາຫຼີໃຕ້ ທີ່ຫາກໍເຂົ້າຮັບຕຳແໜ່ງ ໃນອາທິດ
ແລ້ວກ່າວວ່າ ທ່ານກໍເຕັມໃຈ ເຊັ່ນດຽວກັນ ທີ່ຈະເດີນທາງໄປເກົາຫຼີລີເໜືອ ພາຍໃຕ້
ເງື່ອນໄຂອັນເໝາະສົມ.
