ລິ້ງ ສຳຫລັບເຂົ້າຫາ

ປະຊາຊົນ ອາເມຣິກັນ ທົ່ວປະເທດ ສະເຫຼີມ ສະຫຼອງ ວັນຂອບຄຸນພະເຈົ້າ


ປະທານາທິບໍດີ ທ່ານ ບາຣັກ ໂອບາມາ ພ້ອມກັບສະຕີໝາຍເລກໜຶ່ງ ທ່ານ ໂມແຊລ ໂອບາມາ ແລະ ພີ່ນ້ອງບາງຄົນ ເສີບອາຫານວັນ Thanksgiving ໃຫ້ກັບ ຜູ້ທີ່ອາໄສຢູ່ໃນເຮືອບຜູ້ກິນເບ້ຍບຳນານຂອງ ກອງທັບ ໃນນະຄອນຫຼວງ ວໍຊິງຕັນ. 23 ພະຈິກ, 2016.

ປະທານາທິບໍດີ ທ່ານ ບາຣັກ ໂອບາມາ ພ້ອມກັບສະຕີໝາຍເລກໜຶ່ງ ທ່ານ ໂມແຊລ ໂອບາມາ ແລະ ພີ່ນ້ອງບາງຄົນ ເສີບອາຫານວັນ Thanksgiving ໃຫ້ກັບ ຜູ້ທີ່ອາໄສຢູ່ໃນເຮືອບຜູ້ກິນເບ້ຍບຳນານຂອງ ກອງທັບ ໃນນະຄອນຫຼວງ ວໍຊິງຕັນ. 23 ພະຈິກ, 2016.

ປະຊາຊົນ ອາເມຣິກັນ ແມ່ນກຳລັງສະເຫຼີມສະຫຼອງບຸນຂອບຄຸນພະເຈົ້າ ຫຼື Thanksgiving ດັ່ງທີ່ພວກເຂົາເຈົ້າ​ເຄີຍປະຕິບັດກັນ​ມາຕາມປະເພນີ, ດ້ວຍການເຕົ້າ ໂຮມກັບຄອບຄົວ ແລະ ໝູ່ເພື່ອນຢູ່ເທິງໂຕະທີ່ເຕັມໄປດ້ວຍອາຫານ, ຊົມການເດີນສວນ ສະໜາມ ແລະເບິ່ງການແຂ່ງ ຂັນກິລາເຕະບານ, ແລະ ສຳລັບຫຼາຍຄົນ, ພວກເຂົາເຈົ້າກໍ ໄດ້ເລີ່ມ​ໄປ ຊັອບປິ້ງສຳລັບ​ເທດສະການວັນພັກ.

ບັນດາເຈົ້າໜ້າທີ່ຕຳຫຼວດໄດ້ກ່າວວ່າ ​ໄດ້​ມີ​ການ​ເພີ້ມມາດຕະການຮັກ ສາຄວາມປອດໄພ, ລວມທັງລົດຖອກດິນຊາຍ ແລະ ໝາດົມກິ່ນລະເບີດ ຈະເປັນສ່ວນໜຶ່ງຂອງການປ້ອງກັນ ຄວາມສະຫງົບ ໃນການເດີນສວນສະໜາມວັນ Thanksgiving ປະຈຳປີຂອງຮ້ານ Macy ໃນນະ ຄອນ ນິວຢອກ ສຳລັບປີນີ້.

ໃນຂະນະທີ່ພວກເຂົາເຈົ້າໄດ້ຢືນຢັນວ່າ ບໍ່ມີການຂົ່ມຂູ່​ໃນ​ການກໍ່ຄວາມຮຸນແຮງທີ່ໜ້າ​ເຊື່ອ​ຖື​ໃດໆ​ກໍ​ຕາມ, ​ແກ​ຕ່ກົມຕຳຫຼວດນະຄອນ ນິວຢອກ ໄດ້ກ່າວວ່າ ພວກເຂົາເຈົ້າຈະສົ່ງບັນ ດາເຈົ້າໜ້າທີ່ຕຳຫຼວດຫຼາຍກວ່າ 3,000 ຄົນ ທັງໃນ ແລະ ນອກເຄື່ອງແບບ ອອກໄປຍາມ ຕາມຖະໜົນທີ່ຍາວ 4 ກິໂລແມັດທີ່​ເກາະ Manhattan. ການເດີນສວນສະໜາມແມ່ນຈະ ເລີ່ມຂຶ້ນໃນເວລາ 9 ໂມງເຊົ້າຕາມເວລາຂອງທ້ອງຖິ່ນ.

ຮົ້ວກັ້ນຝູງຄົນ ຖືກຕິດຕັ້ງຢູ່ອ້ອມຮ້ານ Macy ໃນຂະນະທີ່ພະນັກງານກຳລັງກະກຽມສຳລັບການ ເດີນສວນສະໜາມວັນ Thanksgiving ໃນນະຄອນ ນິວຢອກ. 23 ພະຈິກ​ 2016.

ຮົ້ວກັ້ນຝູງຄົນ ຖືກຕິດຕັ້ງຢູ່ອ້ອມຮ້ານ Macy ໃນຂະນະທີ່ພະນັກງານກຳລັງກະກຽມສຳລັບການ ເດີນສວນສະໜາມວັນ Thanksgiving ໃນນະຄອນ ນິວຢອກ. 23 ພະຈິກ​ 2016.

ຕຳຫຼວດ ນິວຢອກ ກໍມີສິ່ງທ້າທາຍເພີ່ມຂຶ້ນໃນການຮັກສາຄວາມປອດໄພສຳລັບປີນີ້ເຊັ່ນ ກັນ. ຕຶກສູງ​ເຊິ່ງ​ເປັນ​ທີ່​ພັກຂອງປະທານາທິບໍດີທີ່ຖືກເລືອກໃໝ່ ທ່ານ Donald Trump ແມ່ນຕັ້ງຢູ່ຫ່າງຈາກເສັ້ນທາງເດີນສວນສະໜາມ ພຽງຊ່ວງຕຶກດຽວ. ແຕ່ທ່ານ Trump ແລະ ຄອບຄົວຂອງທ່ານແມ່ນກຳລັງໃຊ້ເວລາວັນພັກ ຢູ່ທີ່ລັດ Florida.

ວັນ Thanksgiving ແມ່ນມີຫຼາຍທຳນຽມປະເພນີ, ສິ່ງທີ່ເຮັດກັນຫຼາຍທີ່ສຸດກໍແມ່ນການ ເດີນທາງເພື່ອໄປຢູ່ກັບຄອບຄົວ ແລະ ໝູ່ເພື່ອນຂອງພວກເຂົາເຈົ້າ. ປະຊາຊົນເກືອບ 49 ລ້ານຄົນແມ່ນຄາດວ່າຈະພາກັນເດີນທາງ​ໂດຍ​ທາງ​ລົດ, ທາງອາກາດ ແລະ ທາງລົດໄຟ ກ່ອນວັນພັກ. ເຊິ່ງເພີ່ມຂຶ້ນ 1 ລ້ານຄົນຫຼາຍກວ່າປີກາຍນີ້, ເຮັດໃຫ້ມັນເປັນໄລຍະການ ເດີນທາງວັນ Thanksgiving ທີ່ມີຄວາມໜ້າແໜ້ນທີ່ສຸດໃນຮອບເກືອບໜຶ່ງທົດສະວັດທີ່ ຜ່ານມາ.

ສຳລັບປະທານາທິບໍດີ ບາຣັກ ໂອບາມາ ແລ້ວ, ເທື່ອນີ້ຈະເປັນຄັ້ງສຸດທ້າຍທີ່ທ່ານຈະໃຫ້ ການອະໄພຍະໂທດ ​ແກ່ໄກ່ງວງໃນວັນບຸນ​ຂອບຄຸນພະ​ເຈົ້າແຫ່ງຊາດ ຫຼື Thanksgiving ຂອງທ່ານ.

ອ່ານຂ່າວນີ້ຕື່ມເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG