ລິ້ງ ສຳຫລັບເຂົ້າຫາ

ຊາວລາວໃນຕ່າງປະເທດ ປະທ້ວງຮຽກຮ້ອງ ໃຫ້ຊອກຫາ ທ່ານສົມບັດ ສົມພອນ

  • ກິ່ງສະຫວັນ ປະຖຳມະວົງ

ການປະທ້ວງຂອງ ປະຊາຄົມລາວກຸ່ມນຶ່ງ ທີ່ນະຄອນຫລວງປາຣີ ປະເທດຝຣັ່ງ ຮຽກຮ້ອງ ໃຫ້ຊອກຫາ ແລະປ່ອຍໂຕ ທ່ານສົມບັດ ສົມພອນ, ວັນທີ 9 ກຸມພາ 2013.
ເປັນ​ເວລ​າ​ສອງ​ເດືອນ​ປາຍ ທີ່ ທ່ານ ສົມບັດ ສົມ​ພອນ​ ​ນັກ​ພັດ
​ທະ​ນາ​ສັງ​ຄົມ ໄດ້​ຫາຍສາບ​ສູນ​ໄປ​ ໃນ​ຕອ​ນແລງວັນ​ເສົາ ທີ
15 ​ເດືອນທັນວາ ປີ 2012 ຈາກຖະ​ໜົນເສັ້ນທີ່ ທ່ານໄດ້​ໃຊ້
ທ່ຽວ​ໄປ​ມາ​ແຕ່​ລະ​ວັນ ອັນ​ເປັນ​ບ້ານ​ເກີດ​ເມືອງນອນບ່ອນ​ທີ່
ທ່ານເຕີບ​ໃຫ​ຍ່ ແລະສາມາດບອກ​ໄດ້​ທຸກ​ຮ່ອມ​ທຸກ​ແຈ ໃນ
​ເຂດ​ນະ​ຄອ​ນ​ຫລວງວຽ​ງ​ຈັນ. ​

ເຖິງ​ແມ່ນ​ວ່າຈະ​ມີ​ຫລັກ​ຖານ​ ຈາກ​ບັນທຶກ ​ກ້ອງ​ວົງຈອນປິດ​ ທີ່
​ຕິດຕັ້ງໄວ້ຢູ່​ຖະໜົນ​ ບ່ອນ​ທີ່ມີຄົນເຫັນ ​ທ່ານ​ສົມ​ພອ​ນ ເປັນຄັ້ງ
​ສຸດທ້າຍນັ້ນກໍ​ຕາມ ຕົກ​ມາ​ເຖິງ​ເປັດຈຸບັນ​ນີ້ ກໍຍັງ​ບໍ່​ມີ​ຄໍາ​ອະທິ
ບາຍອັນ​ກະຈ່າງ​ແຈ້ງ ຈາກ​ເຈົ້າ​ໜ້າ​ທີ່ລັດຖະບານ ສປປ ລາວ​
ວ່າ ແມ່ນ​ຫຍັງ​ໄດ້ເກີດຂື້ນ​ແກ່ ທ່ານສົມ​ພອນ ແລະ​ທ່ານຍັງ​ມີ
​ຊີ​ວິດ​ ຫລື​ວ່າ​ ທ່ານ​ໄດ້ຈາກ​ໂລກ​ມະ​ນຸດ​ໄປແລ້ວ.

​ການ​ຫາຍ​ສາບ​ສູນໄປ​ຂອງ ທ່ານສົມ​ບັດ ສົມ​ພອນ ອັນ​ບໍ່​ຄາດ​ຝັນໄດ້​ກໍ່​ໃຫ້ເກີດຄື້ນຟອງ
ນອງ​ໜັ່ນ​ໄປທົ່ວ​ໂລກ ​ເພາະວ່າ ທ່ານ​ ​ສົມ​ພອນ ເປັນ​ບຸກຄົນສໍາຄັນ ​ທີ່​ໄດ້​ສ້າງ​ຄຸນງາມ
ຄວາມດີ ​ແລະໄດ້​ວາງ​ບົ​ດບາດ ເປັນ​ແບບຢ່າງອັນດີ​ເລີດໃຫ້​ແກ່ ​ປະຊາ​ຄົມ​ລາວ ຊຶ່ງອົງ​ການສາກົນ​ທົ່ວ​ໂລກ​ພາ​ກັນ​ຍ້ອງ​ຍໍ​ຮັບ​ຮູ້ເປັນ​ກຽດ​ຢ່າງສູງ.

ຊີວິດຄວາມ​ເປັນ​ມາຂອງ ທ່ານສົມບັດ ສົມ​ພອນ ​ນັ້ນເປັນ​ທີ່ໜ້າ​ສັນລະ​ເສີນ​ ທ່ານເກີດ​ທີ່ ບ້ານດອນ​ຂຽວ ເມືອງໜອງ​ບົກ ແຂວງ​ຄໍາ​ມ່ວນ ເປັນ​ລູກ​ຊາຍ​ກົກຂອງອ້າຍ​ເອື້ອຍນ້ອງ​
ດ້ວຍ​ກັນ 8 ຄົນ. ​ໃນ​ຕົ້ນ​ປີ 1970 ທ່ານ​ໄດ້​ຮັບ​ທຶນ​ສຶກສາ​ໄປຮຽນຢູ່​ທີ່ ມະຫາວິທະຍາ​ໄລ
ລັດຮາ​ວາຍ ໄດ້​ຮັບ​ປະລິນ​ຍາ​ຕີຝ່າຍ​ການ​ສຶກສາ ​ໃນ​ປີ 1974 ​ຈາກສູນ​ກາງ​ຕາ​ເວັນອອກ
ຕາເວັນ​ຕົກ ຫລື East West Center ແລະ​ໄດ້​ຮັບປະລິນຍາ​ໂທ ຝ່າຍ​ກະ​ເສດ​ສາດ
​ໃນ​ປີ 1978.

ທ່ານສົມບັດ ສົມພອນ ໃນບົດບາດນັກພັດທະນາ
ທ່ານສົມບັດ ສົມພອນ ໃນບົດບາດນັກພັດທະນາ

​ເຖິງ​ແມ່ນ​ລະບອບ​ການ​ປົກຄອງ​ໄດ້​ປ່ຽນ​ແປງ​ໄປ​ໃນ ບ້ານ​ເກີດ
​ເມືອງ​ນອນ ຕອນ​ທີ່​ທ່ານ​ຍັງ​ສຶກສາ​ຢູ່​ຕ່າງປະ​ເທດ​ກໍ​ຕາມ ທ່ານ
ສົມ​ພອນ ກໍໄດ້​ຕັດ​ສິນ​ໃຈ​ກັບຄືນ​ເມື່ອ​ບ້ານ​ເກີດ​ ດ້ວຍ​ຄວາມມຸ້ງ​
ມາດ​ປາດ​ຖະ​ໜາ​ອັນ​ແຮງ​ກ້າ ຢາກ​ອຸ​ທິດຄວາມ​ຮູ້​ທີ່ຕົນ​ຮຽນມາ
ນັ້ນ ຊ່ວຍ​ສ້າງສາພັດທະນາປະ​ເທດ​ຊາດ ​ໃຫ້​ພົ້​ນຈາກ​ຄວາມ​
ທຸກ​ຈົນ ແລະ​ກ້າວ​ໄປ​ສູ່ການ​ກຸ້ມ​ຕົນ​ເອງ ເພື່ອໃຫ້ຫລຸດ​ພົ້ນ​ຈາກ
​ການ​ເປັນ​ປະ​ເທດ​ດ້ອຍ​ພັດທະນາ.

​ເປັນ​ເວ​ລາ​ 30 ກວ່າ​ປີ​ ທີ່ທ່ານ​ສົມ​ພອນໄດ້​ບືກ​ບື​ນ​ສູ້​ທົນກັບ
​ວຽກການ. ທ່ານ​ເປັນ​ຜູ້ນຳ​ພາ​ຄົນ​ທຳ​ອິດ ໃນ​ການ​ປູກຝັງ​ໃຫ້ໄດ້​ຜົນໃນ​ປີ 1996 ທ່ານໄດ້​
ຮັບອະນຸຍາດ​ຈາກ ກະຊວງ​ສຶກສາ​ທິການ ​ຮ່ວມ​ສ້າງ ສູນອົ​ບ​ຮົມ​ຮ່ວມພັດທະນາ ຫລື Participatory Development Training Center ທີ່​ເອີ້ນ​ຫຍໍ້​ວ່າ PADETS ຂື້ນ​ມາ​ເພື່ອນສິດ​ສອນບັນ​ດາຊາວໜຸ່​ມລາວ ​ແລະ​ເຈົ້າ​ໜ້າ​ທີ່​ທ້ອງ​ຖິ່ນ​ຂອງລັດຖະບານ ​ກ່ຽວ​ກັບ​
ວຽກ​ງານ​ການພັດທະນາ ​ເປັນເວລາຫລາຍ​ປີ ​ແລະມັນ​ກໍເປັນອົງການຈັດ​ຕັ້ງ​ປະຊາ​ຄົມ​
ທໍານອງ​ນີ້​ແຫ່ງ​ດຽວ ທີ່​ມີ​ຢູ່​ໃນ ສປປ ລາວ.

ດ້ວຍ​ຄວາມ​ຂະຫຍັນ​ຂັນ​ແຂງທາງ​ດ້ານ​ຜົນງານ ​ແລ​ະ​ເປັນ​ແບບ​ຢ່າງ​ທີ່​ດີ​ເລີດ ຢູ່​ໃນ​ປະ​ເທດ
​ກໍາລັງ​ພັດທະນາ ທ່ານ​ສົມບັດ ສົມ​ພອນ ​ຈຶ່ງໄດ້ຮັບຄວາມຍ້ອງ​ຍໍ​ຈາກ​ວົງ​ການສາກົນ​ ມາ​ເປັນ​ລໍາ​ດັບ ຈົນໄດ້​ຮັບ​ລາງວັນ ຣາມົນ ມາ​ກ​ໄຊ​ໄຊ (Ramon Magsaysay) ຊຶ່ງ​ເປັນ​ລາງວັນ ກຽດຕິ​ຍົດ ທີ່ສູງ​ສຸດປະ​ຈໍາປີ 2005 ຢູ່​ໃນ​ເຂດເອ​ເຊຍ.​ ​

ການ​ຫາຍ​ສາບ​ສູນ​ໄປຂອງ ທ່ານ ສົມບັດ ສົມ​ພອນ ໄດ້​ສ້າງຜົນສະທ້ອນ​ທາງ​ດ້ານສິດ​ທິ
​ມະ​ນຸດ ພາ​ໃຫ້ບັນ​ດາປະຊາ​ຄົມສາກົນ ​ອັນ​ມີ ສະຫະພາບ​ຢູ​ໂຣບ ອົງການ​ສະຫະປະຊາ​
ຊາດ ສະຫະລັດອາ​ເມຣິກາ ​ແລະປະເທດ​ສະມາຊິກສະມາຄົມ​ບັນດາ​ປະ​ຊາຊາດ​ໃນເຂດ​
ເອ​ເຊຍ​ອາຄະ​ເນ ຫລື​ອາ​ຊ່ຽນ ຮວມທັງ​ໝົດ​ 50 ກວ່າ​ປະ​ເທດ ໄດ້ພາ​ກັນຮຽກຮ້ອງໃຫ້
ລັດຖະບານ ສປປ ລາວ ສືບສວນ​ຊອກ​ຫາແລະ​ພາ​ໂຕທ່ານ ສົມບັດ ສົມ​ພອນ ນັ້ນຄືນມາ. ​
ທ່ານນາງ ດອກເຕີ້ ບຸນທອນ ຈັນທະລາວົງ ວິດເຊີ
ທ່ານນາງ ດອກເຕີ້ ບຸນທອນ ຈັນທະລາວົງ ວິດເຊີ


​ຕົກ​ມາ​ເຖິງເທົ້າ​ປັດ​ຈຸ​ບັນ​ນີ້ ຄວາມ​ວິ​ຕົກ​ກັງວົນ​ຍັງ​ດໍາ​ເນີນ​ຢູ່​ຕໍ່​ມາ
ໂດຍບໍ່​ເຫືອດ​ຫາຍ. ​ໂຕ​ຢ່າງ​ກໍ​ຄື ​ໃນ​ວັນ​ເສົາ ​ທີ 9 ​ເດືອນ​ກຸ​ມພາ
ທີ່​ຜ່ານ​ມາ​ນີ້ ຊາວ​ລາວ​ຈໍານວນນຶ່ງ ພາຍ​ໃຕ້ການ​ນໍາພາ​ຂອງອົງ
ການ​ພັນທະ​ມິດ​ເພື່ອ​ປະຊາທິປະ​ໄຕ​ໃນ​ລາວ ທີ່ມີ​ສາຂາ​ຢູ່ປະ​
ເທດຝຣັ່ງ​ ເຢຍຣະ​ມັນ ກາ​ນາ​ດາ ອອສ​ເຕ​ຣເລຍ ​ແລະ​ສະຫະລັດ ​
ຮ່ວ​ມກັບອີກເກືອບ​ຊາວ​ອົງ​ການ​ຈັດ​ຕັ້ງ​ຂອງປະ​ຊາ​ຄົມ​ລາວ​ຢູ່​ທົ່ວ
​ໂລກ ໄດ້​ພ້ອມ​ພຽງ​ກັນທໍາ​ການຮຽກ​ຮ້ອງ​ ໂດຍ​ການ​ສົ່ງ​ສານ​ປະ
​ທ້ວງຂອງ ຂະ​ບວນ​ການຈັດ​ຕັ້ງ ແລະ​ຊຸ​ມ​ຊົນ​ລາວ ເພື່ອ​ປະ​ຊາ​ທິ​
ປະ​ໄຕ ​ຕໍ່​ການ​ຫາຍສ​າບ​ສູນ ຂອງ​ທ່ານ ສົ​ມ​ບັດ​ ສົມ​ພອນ. ​

ເອກ​ກະ​ສານ​ດັ່ງ​ກ່າວ​ໄດ້ຖືກ ​ນຳ​ສົ່ງເຖິງ ທ່ານ​ທອງ​ສິງ ທຳ​ມະ​ວົງ ນາ​ຍົກ​ລັດ​ຖະ​ມົນ​ຕີ
ແຫ່ງ ສ​ປ​ປ ລາວ ດັ່ງ​ທ່ານ​ຈະ​ໄດ້​ຍິນ​ໃນ​ການສໍາພາດຂອງ ວີໂອ​ເອ ໃນ​ຂະນະ​ທີ່​ມີ​ການ
ປະ​ທ້ວງຢູ່ Maison de Association ​ໃນ​ນະຄອນຫລວງ​ປາຣີ ທີ່​ປະ​ເທດ​ຝຣັ່ງ ກັບ
​ທ່ານ​ນາງ ບຸນ​ທອນ ຈັນທະ​ລາ​ວົງ ວິດ​ເຊີ ປະທານ​ອົງການ​ພັນທະ​ມິດເພື່ອ​ປະຊາທິປະ
ໄຕ​ໃນລາວ​ ດັ່ງ​ຕໍ່​ລົງ​ໄປ​ນີ້:


ທ່ານກາດ ດິດທະວົງ ກັບຄະນະ ເຂົ້າພົບທ່ານ ບອບ ຄາຣ໌ ລັດຖະມົນຕີຕ່າງປະເທດອອສເຕຣເລຍ
ທ່ານກາດ ດິດທະວົງ ກັບຄະນະ ເຂົ້າພົບທ່ານ ບອບ ຄາຣ໌ ລັດຖະມົນຕີຕ່າງປະເທດອອສເຕຣເລຍ

ທ່ານ ກາດ ດິດທະ​ວົງ ຫົວໜ້າ​ອົງການ​ພັນທະ​ມິດ​ເພື່ອ​ປະຊາ
ທິປະ​ໄຕ​ໃນ​ລາວ ສາ​ຂາປະ​ເທດອອສ​ເຕ​ຣເລຍ ກໍ​ໄດ້ກ່າວກັບ
ວີ​ໂອ​ເອ ​ວ່າ ​“ໃນ​ວັນ​ທີ 8 ​ເດືອນ​ກຸ​ມພາ ​ຢູ່ທີ່ນະຄອນ Sydney ໄດ້ມີການປະຖະກະຖາຢູ່ Australian National Maritime
Museum ໂດຍລັດຖະມົນຕີຕ່າງປະເທດອອສ​ເຕ​ຣ​ເລຍ ທ່ານ
Bob Carr ​ໃນ​ຫົວ​ຂໍ້ Perpective on Human Right and
Australian Foreign Policy” ຫລື ຄວາມ​ຄິດ​ເຫັນກ່ຽວ​ກັບ
​ສິດ​ທິ​ມະ​ນຸດແລະນະ​ໂຍ​ບາຍ​ການ​ຕ່າງ​ປະ​ເທດ ຂອງອອ​ສ​ເຕຣ
ເລຍ ຊຶ່ງທ່ານກາດ ດິດທະວົງ ພ້ອມດ້ວຍຄະນະ ກໍ​ໄດ້ເຂົ້າຮ່ວມ
ຟັງ ແລະ​ໄດ້ມອບເອກກະສານຮຽກຮ້ອງສະບັບ​ນຶ່ງ ກ່ຽວ​ກັບ​ການ
​ຫາຍ​ສາບ​ສູນ​ໄປ​ຂອງ ທ່ານ​ສົມ​ບັດ ສົມ​ພອນ ໃຫ້ແກ່ທ່ານ Carrຜູ້ທີ່ຈະເດີນທາງໄປຢ້ຽມ
ຢາມ ສປປ ລາວ ຊຶ່ງທ່ານ Carr ​ກໍ​ໄດ້​ໄປຢ້ຽມຢາມປະເທດລາວມາແລ້ວ ໃນລະຫວ່າງ​
ວັນ​ທີ 17-20 ກຸມພາ ​ຜ່ານ​ມາ​ນີ້ເອງ.

ໃນ​ວັນ​ເສົາທີ 9 ກຸ​ມ​ພາ ພ້ອ​ມໆ​ດຽວ​ກັນ​ກັບການ​ປະ​ທ້ວງ​ຢູ່ປະເທດ​ຝ​ຣັ່ງນັ້ນ ຊາວລາວຢູ່
ອອ​ສ​ເຕຣ​ເລຍ ກໍ​ໄດ້ພາກັນ​ປະ​ທ້ວງ​ ຢູ່​ທີ່ Fairfield Council Hall Bonnyrigg Height
ຫ່າງຈາກນະຄອນຫລວງ Canberra ປະມານ 300 ກວ່າກິໂລແມດ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG