ລິ້ງ ສຳຫລັບເຂົ້າຫາ

ທ່ານ Trump ແລະທ່ານນາງ Clinton ໂຕ້ຖຽງກັນ ກ່ຽວກັບ ເສດຖະກິດ ແລະບົດບາດ ຂອງ ສຫລ ຢູ່ໃນທົ່ວໂລກ


ການໂຕ້ວາທີ ຜູ້ສະໝັກປະທານາທິບໍດີ ຄັ້ງທີ່ນຶ່ງ ລະຫວ່າງຜູ້ຖືກ ສະເໜີຈາກພັກຣີພັບບລິກັນ ທ່ານ Donald Trump, ຊ້າຍ, ແລະ ພັກເດໂມແຄຣັດ ທ່ານນາງ Hillary Clinton ທີ່ໄດ້ຈັດຂຶ້ນຢູ່ ມະຫາວິທະຍາໄລ Hofstra ເມືອງ Hempstead ລັດ New York.

ການໂຕ້ວາທີ ຜູ້ສະໝັກປະທານາທິບໍດີ ຄັ້ງທີ່ນຶ່ງ ລະຫວ່າງຜູ້ຖືກ ສະເໜີຈາກພັກຣີພັບບລິກັນ ທ່ານ Donald Trump, ຊ້າຍ, ແລະ ພັກເດໂມແຄຣັດ ທ່ານນາງ Hillary Clinton ທີ່ໄດ້ຈັດຂຶ້ນຢູ່ ມະຫາວິທະຍາໄລ Hofstra ເມືອງ Hempstead ລັດ New York.

ການ​ໂຕ້​ວາທີ ​ຂອງຜູ້​ສະໝັກ​ເປັນປະທານາທິບໍດີ​ສະຫະລັດ ທ່ານ Donald Trump ​ແລະ​ທ່ານ​ນາງ Hillary Clinton ​ໄດ້​ນຳ​ສະ​ເໜີ ​ແຜນ​ກົງກັນຂ້າມ​ກັນທາງ​ດ້ານເສດຖະກິດ​ແລະ​ບົດບາດ​ອາ​ເມຣິກາ​ຢູ່ໃນ​ຕ່າງປະ​ເທດ ​ຕໍ່​ບັນດາ​ຜູ້ມີ​ສິດປ່ອນ​ບັດ ​ໃນ​ຕອນ​ຄໍ່າ​ວັນ​ຈັນ​ວານ​ນີ້ ​ໃນ​ຂະນະ​ທີ່​ພວກ​ທ່ານປະ​ເຊີນ​ໜ້າ​ກັນ​ເທື່ອ​ທຳ​ອິດ ຂອງ​ຈຳນວນທັງ​ໝົດ​ສາມ​ເທື່ອ ​ໃນ ການ​ໂຕ້​ວາທີ ກ່ອນ​ກຳນົດ​ການ​ປ່ອນ​ບັດ​ ໃນ​ວັນ​ທີ 8 ເດືອນ​ພະຈິກຈະ​ມາ​ເຖິງ​ນີ້.

ທ່ານ Trump ​ໄດ້​ກ່າວ​ຢ້ຳຊໍ້າ​ແລ້ວ​ຊໍ້າ​ອີກວ່າ ທ່ານ​ນາງ Clinton ຂາດ​ເຫື່ອແຮ​ງຄວາມ​ເຂັ້ມ​ແຂງ ທີ່​ຈະ​ເປັນ​ປະທານາທິບໍດີ​ໄດ້ ​ແລະ​ກ່າວ​ວ່າ ​ນະ​ໂຍບາຍຂອງ​ທ່ານ​ນາງ ​ໄດ້​ນຳໄປ​ສູ່​ບັນຫາຫລາຍ​ຢ່າງ ທີ່​ປະ​ເຊີນ​ໜ້າ​ກັບປະ​ເທດ​ຊາດ ໃນ​ທຸກ​ມື້ນີ້ ຮວມ​ທັງ​ການ​ຂົ່ມຂູ່ ​ໂດຍ​ກຸ່ມ​ລັດ​ອິສລາມ.

ທ່ານ​ນາງ Clinton ​ໄດ້​ວາດ​ພາບ​ແຜນ​ເສດຖະກິດ​ຂອງ​ທ່ານ Trump ວ່າ​ເຫັນ​ຊອບ​ກັບ​ພວກຮັ່ງມີ​ຫລາຍ​ກວ່າຊົນ​ຊັ້ນ​ກາງ ​ແລະ​ໄດ້​ສະ​ເໜີ​ແນະ​ວ່າ ທ່ານ​ບໍ່​ຕ້ອງການ​ທີ່​ຈະເປີດ​ເຜີຍ​ ການ​ເສຍ​ພາສີ​ຂອງ​ທ່ານ ​ເພາະວ່າ​ທ່ານອາດ​ບໍ່​ໄດ້​ຮັ່ງ ມີ​ຄື​ດັ່ງ​ທ່ານ​ໄດ້​ກ່າວ​ໄວ້ ຫລື ຊຸກ​ເຊື່ອງ​ສິ່ງໃດ​ສິ່ງ​ນຶ່ງທີ່​ອາດ​ຈະ​ຂັດ​ແຍ້​ງກັບເລື້ອງຫລັກການຜົນ​ປະ​ໂຫຍ​ດ ຖ້າ​ຫາກ​
ທ່ານຫາກ​ໄດ້​ຮັບ​ເລືອກ.

ທ່ານ​ນາງ Clinton ​ໄດ້ກ່າວ​ອ້າງ​ເຖິງ​ປະສົບ​ການ​ຂອງ​ທ່ານນາງ ​ທີ່​ໄດ້​ເດີນທາງ​ໄປ​ຫຼາຍ ກວ່າ 100 ປະ​ເທດ ​ແລະ​ເຈລະຈາຂໍ້​ຕົກລົງສັນຕິພາບ ​ແລະຂໍ້​ຕົກລົງ​ຢຸດ​ຍິງ ​ໃນ​ຂະນະ​ທີ່​ເປັນ​ລັດຖະມົນຕີ​ຕ່າງປະ​ເທດ ລະຫວ່າງ​ສ​ະ​ໄໝທຳ​ອິດ​ຂອງ​ປະ​ທາ​ນາ​ທິບໍດີ Barack Obama​.

ທ່ານ Trump ​ໄ​ດ້ຕອບໂຕ້​ວ່າ ​ໃນ​ຂະນະ​ທີ່​ທ່ານ​ນາງມີ​ປະສົບ​ການກໍ​ຈິງ ​ແຕ່ມັນ​ແມ່ນ “ປະສົບ​ການ​ທີ່​ບໍ່​ດີ.” ທ່ານ​ໄດ້​ຕິຕຽນ​ຢ່າງ​ແຮງ​ຕໍ່​ຂໍ້ຕົກລົງ​ນິວ​ເຄລຍ ທີ່​ສະ ຫະລັດ ​ແລະ​ຫ້າ​ປະ​ເທດ​ມະຫາ​ອຳນາດ ​ໄດ້​ເຊັນ​ກັບ​ອີຣ່ານເພື່ອ​ຈຳກັດ​ໂຄງການ​ນິວ​ເຄລຍ ຂອງ​ປະ​ເທດ ດັ່ງກ່າວ ​ໃນ​ຂະນະ​ທີ​ທ່ານ​ນາງ Clinton ​ໄດ້​ໃຫ້​ຂໍ້​ສັງ​ເກດ​ວ່າ ​ເປັນ​ໂຕ​ຢ່າງ​ຂອງປະສິດ​ທິ​ຜົນດ້ານ​ການ​ທູດ ທີ່​ຕັດ​ເສັ້ນທາງ​ຂອງ​ອີຣ່ານ​ໄປ​ສູ່​ການ​ສ້າງ​ອາ​ວຸດ​ນິວ​ເຄລຍ.

ຜູ້​ສະໝັກ​ທັງ​ສອງ​ທ່ານໄດ້ເຫັນ​ດີວ່າ ອາວຸດນິວ​ເຄລຍ​ເປັນໄພ​ຂົ່ມຂູ່​ໃຫຍ່​ທີ່​ສຸດ​ທີ່​ສຸດທີ່ໂລກກຳລັງ​ປະ​ເຊີນ​ໜ້າ​ຢູ່ ​ແລະແມ່ນ​ໃຜ​ກໍ​ຕາມ ທີ່​ປາ​ກົດມີ​ຊື່​ຢູ່​ໃນ​ບັນຊີ​ກໍ່​ການ​ຮ້າຍບໍ່​ສົມ ຄວນ​ທີ່​ຈະໄດ້ອະນຸຍາດ​ໃຫ້​ຊື້​ປືນ​ໄດ້.

ທ່ານ​ນາງ Clinton ຮ້ອງ​ໃຫ້​ມີ​ການ​ປະຕິ​ຮູບລະບົບຍຸຕິ​ທຳ “ເພື່ອ​ຟື້ນ​ຟູ​ຄວາມ​ໄວ້ ​ເນື້ອ​ເຊື່ອ​ໃຈ” ລະຫວ່າງປະຊາ​ຄົມ​ແລະຕຳຫລວດ” ​ແລະ​ເພື່ອໃຫ້​ເປັນ​ທີ່ແນ່ນອນ​ວ່າ ບັນດາ​ເຈົ້າ​ໜ້າ​ທີ່ໃຊ້​ກຳລັງກໍ​ຕໍ່​ເມື່ອໃນ​ເວລາທີ່​ຈຳ​ເປັນ​ເທົ່າ​ນັ້ນ.

ທ່ານ Trump ​ໄດ້​ເນັ້ນ​ໜັກ​ເຖິງ​ຄວາມ​ຕ້ອງການ “ທີ່​ຈະ​ນຳ​ເອົາ​ກົດໝາຍ ​ແລະ​ຄວາມ​ເປັນ​ລະ​ບຽບຮຽບຮ້ອຍ” ​ແລະ​ສົ່ງ​ເສີມ​ແຜນ​ຂອງ​ທ່ານ ທີ່​ຈະ​ນຳເອົາຄືນ​ມາ ​ໃຊ້​ໃໝ່ ຂອງນະ​ໂຍບາຍ​ແບບ “ຢຸດ​ແລະ​ຄົ້ນ​ຫາ​ອາວຸດ” ນັ້ນ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG